وفاقی داخلہ ءَ وزیر محسن نقوی ءَ وفاقی کانسٹیبلری ٹریننگ مرکز شب القدر ءَ تر ءَ تاب کتگ، آپریشنل تیاری ءَ پیشہ وارانہ تربیت ءَ سرا چار ءَ تپاسی

چارسدہ۔ 13 جون (اے پی پی): وفاقی تہی کارانی وزیر محسن نقوی ءَ گوستگیں روچ ءَ وفاقی کانسٹیبلری ٹریننگ مرکز شب القدر ءَ سر ءَ سرجمیں رنگ ءَ تر ءَ تاب کتگ۔ وزیر داخلہ محسن نقوی ءَ فورس ءَ آپریشنل تیاری ءَ پیشہ وارانہ تربیت ءَ سرا چار ءَ تپاسی کت۔ وزیر داخلہ محسن نقوی ءَ درملک ءَ چہ اتکگیں ریاستی مہمان آنی واستہ وزارت داخلہ ءَ ھاسیں رکھینگ ءَ بالاد ءَ انسداد رسم ءَ بالاد ءَ تربیت ءَ سرگرمی آنی چار ءَ تپاسی کت۔ وزیر داخلہ محسن نقوی ءَ نوکیں لیکہ آنی سر ءَ کارندہ آنی تربیت ءَ کوالٹی ءَ را ساڑاتگ ءَ گوشت کہ ھاسیں رکھینگ ءَ بالیگ ءَ را دیمروئی کتگیں ملک آنی ماڈل ءَ سر ءَ نوکیں ءَ منظمیں قوت جوڑ کنگ بوھگ ءَ اِنت۔ اے اسپیشل پروٹیکشن ونگ ءَ ذمہ واری بیت کہ آ درملکی مہمان آناں میاں اوستمانی معیار ءَ سیکورٹی ءَ پھجارینگ ءَ بہ کنت۔ آئی ءَ گوشت کہ اسپیشل پروٹیکشن ونگ ءَ ٹریننگ ءَ سر ءَ ھاسیں دلگوشی دیگ بوھگ ءَ انت، درملکی انسٹرکٹر آنی نیمگ ءَ چہ کارندہ آناں ٹریننگ ءَ ھم بندوبست کنگ بوتگ ءَ درملک ءَ ھم دیم دیگ بیت۔ وفاقی داخلہ ءَ وزیر محسن نقوی ءَ درستیں کارندہ آناں ہدایت کتگ کہ آ جسمانی فٹنس، نوکیں سلاہ آنی تربیت ءَ ڈرائیونگ ءَ سر ءَ ھاسیں دلگوشی بہ دنت ءَ گوشت کہ آوانی علمی اہلیت ءَ تہ ءَ گیشی ءَ گوما کارندہ آناں میاں اوستمانی زبان ھم وانینگ بوھگ ءَ اِنت۔ تہی کارانی وزیر محسن نقوی ءَ آشوب ءَ ھلاپ ءَ نوکیں سامان ءَ بھا زورگ ءَ ہدایت کت ءَ گوشت کہ سرجمیں ملک ءَ امن ءَ برجائی ءَ ناشرکاری ءَ ھلاپ ءَ جنگ ءَ وفاقی کانسٹیبلری ءَ کرد سک باز المی انت۔ فدرال کانسٹیبلری ءَ را آیوکیں سیکورٹی چیلنج آنی گوما گر ءَ چیل بوھگ ءَ ھاترا یک فعالیں قوت ءَ تہ ءَ بدل کنگ بوھگ ءَ اِنت۔ تہی کارانی وزیر محسن نقوی ءَ بیرک ءَ تر ءَ تاب کتگ ءَ تربیت ءَ تہا بوھوکیں کارندہ آں چہ وردن ءَ وراک، اے دگہ آسراتی ءَ جیڈھانی بابت ءَ جست ءَ پرس کتگ۔ وزیر داخلہ ءَ بیرک ءَ بے رکاوٹ بجلی ءَ سپلائی ءَ را دل یکیمی کنگ ءَ ھاتر ءَ جاہ ءَ سر ءَ پرمان داتگ۔ وزیر داخلہ ءَ بیرک ءَ المی ئیں آسراتی پجاری ءَ ہدایت کت ءَ گوشت کہ مرکز ءَ جم ءَ سوئمنگ پول ءَ جوڑیشت ءَ کار ھم بندات کنگ بہ بیت۔ تر ءَ تاب ءَ وھد ءَ آئی جی فیڈرل کانسٹیبلری نذیر احمد گڈا ءَ کارندہ آناں تربیت ءَ بابت ءَ سرپد کت۔ آئی ءَ گوشت کہ تربیت ءَ تہ ءَ بوھوکیں کارندہ آنی تہ ءَ آزات کشمیر ءَ گلگت بلتستان ءَ ھوار درستیں صوبگ آنی نمائندگی کنگ بیت، ءَ اولی رند ءَ 35 زالبولیں کارندہ ھم تربیت ءَ پروگرام ءَ ھوار کنگ بنت۔ اے موہ ءَ سر ءَ ڈی آئی جی فیڈرل کانسٹیبلری، ڈی او ایف سی، ڈپٹی کمشنر چارسڈا، ڈی پی او چارسڈا ءَ سیادی داروکیں مزنیں افسر ھم ھوار اتنت۔