مصر ءَ نائب مزن وزیر ءَ دری کارانی وزیر بدر عبدالعاطی ءَ جمعہ ءَ شپ ءَ وتی ہم منصب سینیٹر محمد اسحاق دار ءَ گوں ٹیلی فون ءَ سر ءَ گپ ءَ تران

اسلام آباد۔13جون  (اے پی پی):مصر ءَ نائب مزن وزیر ءَ دری کارانی وزیر بدر عبدالعاطی ءَ جمعہ ءَ شپ ءَ وتی ہم منصب سینیٹر محمد اسحاق دار ءَ گوں ٹیلی فون ءَ سر ءَ گپ ءَ تران کت، ایشی ءَ تہ ءَ دوئیں سروک آنی نیمگ ءَ دمگی جاور ھال ءَ نوکیں دیمروئی آنی سر ءَ گپ ءَ تران کت ءَ دمگی امن ءَ ایمنی ءَ دیمروئی ءَ واستہ برجاھیں سفارتی کوشست آنی تہ ءَ جوانیں پیشرفت ءَ را وش اتک کت۔ مصر ءَ دری کارانی کارگس ءَ نیمگ ءَ چہ جاڑی بوتگیں بیان ءَ رد ءَ مصر ءَ دری کارانی وزیر ءَ اے اُمیت ءَ درشانی کتگ کہ امریکہ ءَ ایران ءَ نیام ءَ برجاھیں رابطہ ءَ گپ ءَ تران زوت یک جوانیں ءَ جوڑیشت ءَ آسر ءَ سر بنت، ایشی ءَ چہ دمگ ءَ دائمی امن ءَ ایمنی ءَ برجائی ءَ کمک رسیت۔ دوئیں نیمگاں ھم نزیکیں رابطہ ءَ برجاہ دارگ ءَ یکے دومی ءَ ھب ءَ واھگ ءَ جیڑھانی سر ءَ شور ءَ سلاھ ءَ برجاہ دارگ ءَ سر ءَ ھم تپاک کتگ۔