برآمدات ءَ سروکی ءَ دیمروئی ءَ چہ سرجمیں معیشت ءَ را نپ رسگ ءَ اِنت، جی ڈی پی ءَ دیمروئی 3.7 ءَ چہ 4درسد ءَ سر بوھگ ءَ اِنت، آیوکیں مالی سال ءَ بجٹ گوستگیں دو سال آنی محنت ءَ جامع اصلاحات ءَ گامگیج آنی آسر اِنت، عطا اللہ تارڑ

اسلام آباد۔13جون  (اے پی پی): وفاقی وزیر اطلاعات ءَ نشریات عطا اللہ تارڑ ءَ گوشت کہ برآمدات ءَ سروکی ءَ دیمروئی ءَ چہ سرجمیں معیشت ءَ را فائدگ رسگ ءَ اِنت، پیسریگیں حکومت ءَ 0.2درسد جی ڈی پی دیمروئی ءَ را پشت کپتگ، مئے حکومت ءَ چیر دستی ءَ جی ڈی پی دیمروئی 3.7درسد ءَ کچ ءَ سر بوھگ ءَ اِنت، مالیاتی ءَ کچ ءَ سر بوھگ ءَ اِنت دگہ چار درسد ایندگر سال ءَ گوستگیں دو سالانی جامع اصلاحات ءَ گامگیج کہ ایشی ءَ مستریں مول ءَ مراد راج ءَ را ریلیف دیگ ءَ معیشت ءَ را پائیداریں استحکام ءَ راہ ءَ ایر کنگ اِنت، حکومت ءَ شفافیت، ایف بی آر اصلاحات ءَ وسیلگ ءَ مالی صلاحیت پیداک کتگ، ءَ جتا جتائیں تبکاں ریلیف داتگ، اے بجٹ طبقاتی مزدور، میان اُستمانی طبقہ بندی ءَ نتیجہ اِنت۔ چاگرد. کلیں بہرانی واستہ بجٹ۔ شمبے ءَ روچ ءَ وزیر ءَ ھزانگ جنین محمد اورنگزیب ءَ ھزانگ ءَ وزیر مملکت بلال اظہر کاکانی ءَ گوما بجٹ ءَ پد پریس بریفنگ ءَ ساھت ءَ تران کنان ءَ وفاقی وزیر ءَ اھوالکاری ءَ گوشت کہ مالیاتی گنجائش ءَ جوڑ کنگ ءَ پد حکومت ءَ وتی وعدہ پیلو کتگ کہ آ راج ءَ را ریلیف ءَ پھجارینگ ءَ انت۔ ریلیف ءَ بنیاد ءَ بجٹ تیار کنت۔ آئی ءَ گوشت کہ مزن وزیر ءَ باز رند ءَ وعدہ کتگ کہ ھمینچو مالی توان جوڑ بیت الس ءَ را ھمک رنگ ءَ ریلیف پجاری کنگ بیت ءَ آیوکیں مالی سال ءَ بجٹ ھمے جزم ءَ درشان اِنت۔ وفاقی وزیر ءَ گوشت کہ حکومت ءَ مستریں اصلاحات ءَ کوشست ایف بی آر ءَ اصلاحات اَنت ءَ ملک ءَ راجدپتر ءَ اے وڑیں سرجمیں ءَ موثر اصلاحات ءَ مثال نیست۔ آئی ءَ گوشت کہ اے وھد ءَ ایف بی آر ءَ سرجمیں ڈھانچہ سفارش ءَ سیاسی مداخلت ءَ چہ پاک جوڑ کنگ بوتگ۔ آئی ءَ گوشت کہ اگاں مرچی آ یک افسرے ءَ را کسٹم ءَ یک خاصیں پوسٹ ءَ سر ءَ ایر کنگ ءَ سفارش کنت گڈا شپ ءَ تاں سیادی داروکیں افسر ءَ معطل کنگ ءَ پرمان میز ءَ سر ءَ بیت۔ وفاقی وزیر ءَ گوشت کہ دلیری ءَ دود ءَ ربیدگ ءَ تہ ءَ یک مزنیں بدلی یے اتکگ، نوں مردم سفارش یا اپروچ آنی واستہ نزیکی نہ کن اَنت ءَ اے دود ءَ ربیدگ ءَ بدلی ھما وھد ءَ ممکن بوت کہ اے بُرزیں تک ءَ چہ بندات بوت ءَ مزن وزیر ءَ وت اے عمل ءَ سروکی کت۔ وفاقی وزیر اطلاعات ءَ گوشت کہ گوستگیں وھد ءَ ارباں کلدار ءَ مالیاتی لیک ءَ کرپشن بوتگ، بلے استیں حکومت ءَ ایف بی آر ءَ مالیاتی نظام ءَ دیم ءَ آورتگ تانکہ شفافیت ءَ را حقیقت جوڑ کنگ بہ بیت، ایشی ءَ وسیلگ ءَ شفافیت ءَ را دیمروئی دیگ بوتگ۔ آئی ءَ گوشت کہ اے نظام نوں ضلعی ءَ تحصیل ءَ تک ءَ ھم دیم ءَ برگ بیت۔ آئی ءَ گوشت کہ نفاذ ءَ شوبگ ءَ ھاسیں رنگ ءَ صنعتی تک ءَ مالی رساو سک باز بوتگ کہ ایشی ءَ را شکر ءَ صنعت ءَ چہ بندات کنان ءَ گیواری کنگ بیت۔ شکر ءَ صنعت یک منافع بخشیں شعبہ یے، پمیشکا ایشی ءَ واجبیں ٹیکس ءَ بوجھ ءَ را یک تنخواہ داریں کلاس ءَ مردم ءَ سر ءَ شنگ کنگ مہ بیت وھدے کہ ٹیکس ءَ جم کنگ ءَ تہ ءَ اے صنعت ءَ بھر ءَ بانگ نسبتا کم بوتگ۔ وفاقی وزیر انفارمیشن ءَ گوشت کہ سرجمی ءَ ٹیکس بیس ءَ اصلاحات ءَ پُشت ءَ بازیں محنت ءَ دراجیں حکمت عملی بوتگ۔ آئی ءَ گوشت کہ حکومت ءَ جتاجتائیں شوبگ آنی تہ ءَ اصلاحات ءَ وسیلگ ءَ اقتصادی گنجائش جوڑ کتگ، ایشی ءَ آسر ءَ الس دوستیں گامگیج ممکن بوتگ انت۔ آئی ءَ گوشت کہ گوستگیں وھد ءَ ٹیکس کیس ءَ نظام ءَ مزنیں ردی بوتگ اَنت، ایشی ءَ تہ ءَ سفارشات ءَ بنیاد ءَ وکیل گرگ بوتگ اَنت۔ برے برے فرنچائز ءَ وکیلاں یکے دومی ءَ گوں دست ءَ دپ کتگ ءَ کیس شش ءَ ہفت سال ءَ دراج کتگ انت کہ ایشی ءَ سبب ءَ ایف بی آر ءَ واجبیں ٹیکس منجمد بوتگ یا ہمگرنچیں گل ءَ گور ءَ بوتگ ءَ راجی خزانہ ءَ وھد ءَ سر ءَ آمدنی نہ رستگ۔ وفاقی وزیر ءَ اھوالکاری ءَ گوشت کہ مرحلہ وار ءَ برجاھیں کوشست آنی وسیلگ ءَ موثر نظام، آئی ٹی ءَ سر ءَ بنیات ءَ سر ءَ اصلاحات ءَ شفافیت ءَ دیمروئی ءَ چہ مالیاتی گنجائش جوڑ کنگ بوتگ۔ آئی ءَ گوشت کہ مزن وزیر ءَ نیمگ ءَ چاگرد ءَ جتا جتائیں تبک آنی گوما وعدہ کتگیں اصلاحات استیں بجٹ ءَ تہ ءَ عمل درآمد کنگ بوتگ۔ تنخواہ دار کلاس ءَ ھوار برآمد کنوک آنی واستہ ھم مزنیں آسراتی داتگ انت۔ آئی ءَ گوشت کہ وھدے ملک ءَ تہ ءَ ”مدخ ان پاکستان“ ءَ بیرک گندگ بیت گڈا اے شان ءَ گپ انت۔ حکومت ءَ نیمگ ءَ چست کتگیں گامگیج آنی گوما دمگ ءَ پاکستانی پیداوار گیش مقابلہ ءَ سبب جوڑ بنت ایشی ءَ چہ برآمدات، درملکی زرّ ءَ درملکی زرّ ءَ ذخیرہ گیش بنت وھدیکہ معیشت برآمدات ءَ سروکی ءَ دیمروئی ءَ نیمگ ءَ روت۔ وفاقی اطلاعات ءَ وزیر ءَ گوشت کہ ’’اپنا گھار‘‘ پروگرام ءَ چیر دستی ءَ میاں اوستمانی تبک ءَ واستہ مزنیں گنجائش ءَ شوھاز کنگ بوتگ۔ آئی ءَ گوشت کہ ھاوسنگ ءَ شوبگ ایوک ءَ جوڑیشت ءَ گوں بندوک نہ اِنت بلکیں ایشی ءَ گوں بازیں صنعت ھمگرنچ اَنت ایشی ءَ تہ ءَ سیمنٹ، سیمنٹ ءَ ایندگر تعمیراتی سامان ھوار اَنت وھدیکہ اے شوبگ ءَ گوں نزیک ءَ 12صنعت ھمگرنچ اَنت۔ آئی ءَ گوشت کہ حکومت ءَ ہاؤسنگ سیکٹر ءَ واستہ 90ارب کلدار وام ءَ آسراتی ایر کتگ ایشی ءَ باقاعدہ بجٹ ءَ را ھیال ءَ دارگ بوتگ۔ ایشی ءَ گوما جائیداد ءَ گرگ ءَ بہا کنگ ءَ تہا میان استمانی تبک ءَ دیم ءَ اتکگیں مشکلات ءَ را ھیال ءَ دارگ ءَ جائیداد ٹیکس ءَ تہا ہم رعایت ءَ جار جنگ بوتگ۔ وفاقی وزیر اطلاعات ءَ گوشت کہ اے بجٹ ھر تبک ءَ واستہ اِنت، ایشی ءَ تہ ءَ چاگرد ءَ مزدور، کشت ءَ کشاری ءَ تنخواہ داریں تبک ءَ ھوار چاگرد ءَ ھر تبک ءَ را رعایت دیگ بوتگ۔ آئی ءَ گوشت کہ زالبول آنی واستہ یک ھاسیں گامگیج ءَ رنگ ءَ ’’گلابی ٹیکس‘‘ ءَ چیر دستی ءَ سینیٹری ءَ ہائی جین ءَ چیز آنی سر ءَ ایر کنگ بوتگیں 18درسد ٹیکس صفر ءَ چہ کم کنگ بیت کہ اے مزنیں اصلاحاتی گامگیج اِنت۔ آئی ءَ گوشت کہ گوستگیں وھد ءَ ملک ءَ ڈیفالٹ ءَ ھوالگ ءَ مراعات ءَ شرط بوتگ اَنت بلے اے سفر آسان نہ بوتگ۔ آئی ءَ راج ءِ برداشت ساڑاتگ ئُُ گوشت کہ مزن وزیر ءَ ھم وتی کلوہ ءِ تہ ءَ اے گپ من اِتگ۔ وفاقی وزیر ءَ گوشت کہ حکومت ءَ تنقید دل ءَ جہلانکی ءَ برداشت کتگ ءَ اقتصادی محرک ءَ چہ مزن وزیر ءَ سروکی ءَ را مھکم کتگ۔ ھما گامگیج کہ ناممکن ءَ ممکن کن اَنت۔ آئی ءَ گوشت کہ اے بجٹ شفافیت ءِ تصور ءِ بنیات ءَ ایر کنگ بوتگ ئُُ ایشی ءَ معیشت ءَ را استحکام ءِ نیمگ ءَ برگ ءِ بنیات ایر کنگ بوتگ۔ آئی ءَ گوشت کہ پاکستان ءَ اقتصادی اصلاحات ءَ را میاں اوستمانی تک ءَ ھم منگ بوتگ، ایشی ءَ مثال ڈیووس ءَ بوتگیں گپ ءَ تران ءَ چہ پدر بوتگ کہ ایشی ءَ تہ ءَ میاں اوستمانی مالیاتی ادارگ آنی نمائندگ آنی نیمگ ءَ پاکستان ءَ ڈھانچہ ءَ اصلاحات ءَ اقتصادی استحکام ءَ ساڑاتگ بوتگ۔ وفاقی وزیر ءَ گوشت کہ ایف بی آر ماڈل ءَ را ورلڈ بینک ءَ ھوار میاں اوستمانی ادارگ آناں پیش کنگ بوتگ ایشی ءَ را مزنیں کساس ءَ منگ بوتگ۔ آئی ءَ گوشت کہ شفافیں معیشت ءَ نیمگ ءَ چست کتگیں گامگیج آں چہ معیشت ءَ مزنیں بے دستاویزیں بھر دستاویزی نظام ءَ چیر دستی ءَ آؤرتگ ایشی ءَ چہ ٹیکس لیک ءَ تہ ءَ کمی اتکگ۔ آئی ءَ گوشت کہ رمضان پیکج ءَ وھد ءَ ڈیٹا والٹ آنی کارمردی ھمے پالیشی ءَ بھر اِنت، ایشی ءَ مول ءَ مراد شفافیت ءَ جوانیں بھر ءَ بانگ ءَ را دل یکیمی کنگ اِنت۔ احوالکار آنی جست ءَ پرس ءَ پسو ءَ وفاقی وزیر انفارمیشن ءَ گوشت کہ وھدے ما برآمدات ءَ سروکی ءَ دیمروئی ءَ گپ ءَ کن ایں گڈا ایشی ءَ را گیشیں اقتصادی تناظر ءَ چارگ بہ بیت۔ آئی ءَ گوشت کہ وھدے یک برآمد کنوک ءَ کاروبار گیش بیت گڑا آئی ءَ منافع گیش بیت، ایشی ءَ آسر ءَ آ وتی صنعت ءَ را گیش کنت، نوکیں صنعت جوڑ کنت ءَ وتی کاروباری کاروائی آناں تنوع دنت، ایشی ءَ چہ نوکیں روزگار ءَ موہ پیداک بنت۔ آئی ءَ گوشت کہ اے دیمروئی ماڈل ءَ نہ ایوک ءَ صنعت کار آناں بلکینگ ءَ فیکٹری ءَ کارندہ، مشین آپریٹرز، ڈرائیور ءَ اے دگہ ملازم آناں ھم سیت رسیت چیاکہ اقتصادی چست ءَ ایر آنی تہ ءَ گہتری ءَ آسر ءَ پگار ءَ روزگار ءَ تہ ءَ گیشی بیت۔ آئی ءَ گوشت کہ برآمدات ءَ سروکی ءَ دیمروئی ءَ ماڈل ءَ را سرجمیں معیشت ءَ را نپ رسیت ءَ یک سرجمیں معیشت ءَ عمل اِنت ایشی ءَ تہ ءَ جتا جتائیں تبک بھر زور اَنت۔ چاگردی شوبگ ءَ ھوالگ ءَ وفاقی وزیر ءَ گوشت کہ استیں عبوری بجٹ ءَ ملک ءَ جتا جتائیں دمگ آنی وانگ ءَ زانگ ءَ ادارگ آنی واستہ ھاسیں فنڈ ایر کنگ بوتگ ایشی ءَ تہ ءَ اسلام آباد ءَ جناح میڈیکل کمپلیکس، مظفر آباد ءَ ڈینش یونیورسٹی ءَ گلگت بلتستان، بلوچستان ءَ سندھ ءَ پد منتگیں دمگ آنی وانگ ءَ زانگ ءَ ادارگ ھوار اَنت۔ آئی ءَ گوشت کہ اے گامگیج مزن وزیر شہباز شریف ءَ وژن ءَ بھر انت، ایشی ءَ مول ءَ مراد جہلیں تبک ءَ را وانگ ءَ زانگ ءَ موہ پجارینگ انت۔ آئی ءَ گوشت کہ ڈینش اسکول سسٹم ھما زھگ آنی واستہ جوڑ کنگ بوتگ کہ آھاں رسمی وانگ ءَ زانگ ءَ رسائی نہ بوتگ ءَ اے منصوبگ 2011 ءَ 2012ءَ پنجاب ءَ بندات کنگ بوتگ۔ھاؤسنگ سیکٹر ءَ حوالہ ءَ آئی ءَ گوشت کہ حکومت ءَ اے شوبگ ءَ ھم مزنیں آسراتی داتگ، ایشی ءَ چیر دستی ءَ نزوریں ءَ میان اُستمانی تبک ءَ مردماں وام دیگ بوھگ ءَ اِنت۔ وتی کمیں آمدنی ءَ باوجود وتی رہائشی لوگ ءَ رس اِت کن اَنت۔ وفاقی وزیر ءَ اھوالکاری ءَ گوشت کہ استیں بجٹ ءَ چہ نزوریں تبک، تنخواہ دار ءَ مزدور تبک ءَ واستہ بازیں جاگہ ​​یلہ داتگ۔ آئی ءَ گوشت کہ گوستگیں حکومت ءَ جی ڈی پی ءَ گیشی 0.2درسد ءَ سر ءَ یلہ داتگ، وھدیکہ انوگیں حکومت ءَ دور ءَ جی ڈی پی ءَ گیشی 3.7 ءَ چہ 4درسد ءَ سر بوھگ ءَ اِنت، ایشی ءَ چہ معاشی ردوم ءَ ھاسیں نشانی اِنت۔