مالی سال 2026-27ءِ واستہ 18ہزار 771ارب کلدار ءِ وفاقی بجٹ قومی اسمبلی ءَ پیش کنگ بوتگ، اقتصادی دیمروئی، ٹیکس ریلیف، افراط زر ءِ کنٹرول ءُ جتا جتائیں شعبہ آنی واستہ ترغیب ءِ سرا ھاسیں دلگوشی دیگ بوتگ

اسلام آباد۔12جون  (اے پی پی): آیوکیں مالی سال 2026-27ءِ وفاقی بجٹ ءِ کلیں حجم 18771ارب کلدار ءِ گوما راجی اسمبلی ءَ جمعہ ءِ روچ ءَ پیش کنگ بوتگ، ایشی ءِ تہ ءَ اقتصادی دیمروئی، ٹیکس ریلیف، کم آمدنی ءِ صنعت ءِ گل، افراط زر ءِ کنٹرول ءُ تعمیرات ءِ واستہ ترغیب ءِ سر ءَ ھاسیں دلگوشی دیگ بوتگ۔ سرکاری ملازم آنی پگار ءُ پنشن ءَ را 7درسد گیش کنگ بوتگ، وھدیکہ تنخواہ داریں تبک ءِ واستہ ریلیف دیگ بوتگ، ٹیکس ءِ شرح کم کنگ بوتگ ءُ سرچارج ھلاس کنگ بوتگ، کم چہ کم ماہانہ پگار 10درسد گیش کنگ بوتگ، ایف بی آر ءِ آمدنی 15,264 ارب کلدار ءِ اندازہ کنگ بوتگ۔ حکومت ءِ جتا جتائیں شعبہ آنی واستہ ترغیبات ءِ جار جنگ بوتگ، سرکاری شعبہ ءِ دیمروئی پروگرام ءِ حجم 1000ارب کلدار اِنت، وھدیکہ راجی دفاع ءِ واستہ 3000ارب کلدار ءِ ھرچ ءُ درچ کنگ بوتگ، 150ملین ءَ بگر داں 500ملین کلدار ءِ نیام ءَ آمدنی ءِ سر ءَ ایر کنگ بوتگیں سپر ٹیکس سرجمی ءَ ھلاس کنگ بوتگ۔ بے نظیر آمدنی ءِ کمک ءِ پروگرام۔ جمعہ ءِ روچ ءَ راجی اسمبلی ءَ آیوکیں مالی سال ءِ وفاقی بجٹ پیش کنان ءَ وزیر ءِ ھزانگ سینیٹر محمد اورنگزیب ءَ گوشت کہ آ وتی حکومت ءِ سیمی بجٹ پیش کنگ ءَ آں ءُ آ اتحادی گل آنی سروکی ءَ ھاسیں رنگ ءَ نواز شریف، بلاول بھٹو زرداری، خالد مقبول عبدالحدی سدقی س خالد حسین مگسی، پہ آہانی رہشونی ءَ۔ آئی ءَ گوشت کہ بجٹ ھما وھد ءَ پیش کنگ بوھگ ءَ انت کہ پاکستان ءَ یک انچیں ملکے ءِ درجہ رس اتگ کہ آئی ءِ توار گوشدارگ بیت ءُ آئی ءِ دوستی وتی الس ءُ دگنیا ءِ چم آنی تہ ءَ لوٹگ بیت۔ اے بدلی ھما وھد ءَ بوتگ کہ پاکستان ءَ گوستگیں سال ءِ مئی ءَ ھندی زوراکی ءِ سر ءَ لائکیں پسو داتگ ات کہ ایشی ءَ پد سرجمیں دگنیا ءَ نوٹس زورگ لوٹ اتگ ات۔ مئے سلاہ بندیں لشکر ءَ دژمن ءَ را انچیں لائکیں پسو دات کہ آ لہتیں کلاک ءِ تہا امن ءِ گپ جنگ ءَ مجبور بوت۔ اے سوبمندی دہائیاں پیشہ وارانہ تربیت ءُ تیاری ءِ آسر بوتگ۔ آئی ءَ گوشت کہ آپریشن بنیان مرسوس ءِ سوبمندی مئے راجی راجدپتر ءِ یک رژنائیں باب اِنت۔ مرچی دگنیا پاکستان ءِ دفاعی طاقت ءَ من ایت ۔ اے سبب انت کہ بازیں ملک گوں پاکستان ءَ رابطہ ءَ انت کہ آ جنگی جہازاں وتی فضائیہ ءِ تہا ہوار بہ کن انت کہ مئے فضائی حدود ءِ رکھینگ ءَ کن انت۔ مئے دفاعی صنعت ھم ارزشت داریں درملکی زرّ ءِ رسگ ءِ وسیلہ جوڑ بوتگ۔ اے گپ ءِ ثبوت انت کہ مھکمیں دفاع نہ ایوک ءَ مئے یکوئی ءِ واستہ المی انت بلکینگ ءَ ملک ءِ اقتصادی دیمروئی ءِ واستہ ھم کمک کنت۔ آئی ءَ گوشت کہ اے دفاعی فورس ءَ مئے سفارتی شریکداری ءِ نقشہ ءَ را نہ ایوک ءَ خطہ ءَ بلکینگ ءَ سرجمیں دگنیا ءَ نوکیں شکل داتگ۔ آئی ءَ گوشت کہ پاکستان ءُ سعودی عرب ءِ نیام ءَ وت مہ وتی دفاع ءِ معاہدہ ءِ بابت ءَ ھاسیں رنگ ءَ گپ بہ جنت۔ ایمان ءُ برات ءِ سیادی مئے دوئیں ملکانی نیام ءَ پیسر ءَ بوتگ بلے اے رسمی دفاعی معاہدے ءِ سوب ءَ مئے سیادی ءُ برات ءِ سیادی ءَ گوں دوئیں مسجدانی نگہباناں نوکیں ءُ مھکمیں بُن ھشتے رستگ۔ اے مئے واستہ مزنیں شرپے بلے ھمے وھد ءَ اے مئے واستہ یک گرانیں ءُ مقدسیں ذمہ واری یے کہ ما ایشی ءِ پیلو کنگ ءَ سعودی عرب ءِ گوما سرجمیں جزم ءُ دلجمی ءَ گوں اوشتاتگیں ۔ آئی ءَ گوشت کہ مئے سیادی آنی تہ ءَ اے ھاسیں بدلی مئے سروکی ءِ سبب ءَ بوتگ، ایشی ءِ واستہ پاکستان ءِ مزن وزیر، فیلڈ مارشل ءُ مئے سرجمیں سفارتی ءُ فوجی سروکی ءَ را یقینی ءِ سر ءَ مبارکی ءِ مستحق انت۔ آئی ءَ گوشت کہ گوستگیں ماھ آنی تہ ءَ اللہ تعالیٰ ءَ پاکستان ءَ را بے دروریں سوبمندی داتگ۔ انوگیں دور ءِ یک ھترناکیں جنگے ءِ وھد ءَ امریکہ ءُ ایران ءَ پاکستان ءِ سر ءَ بھروسہ کت ءُ پاکستان ءَ وتی میان ءَ ایمانداریں میانجی یے ءِ بستار ءَ من اِت۔ پاکستان ءَ اے کرد ءَ جوانیں رنگ ءَ پیلو کنگ ءِ واستہ سک باز دلجمیں کوشست کتگ کہ مرچی ھم برجاہ اِنت۔ ما اسلام آباد امن گپ ءُ تران ءِ وسیلگ ءَ چل ءُ ھپت سال ءَ پد امریکہ ءُ ایران ءَ را میز ءِ سر ءَ آرگ ءَ سوبین بوتیں ۔ پاکستان ءِ کوشست انت کہ یک معاہدے ءِ ممکن بہ بیت کہ دمگ ءَ زوتاں چہ زوت دائمی امن ءِ قیام ءُ آبنائے ہرمز ءِ وسیلگ ءَ پیسر ءِ وڑ ءَ تیل ءِ رسگ ءِ بحالی بہ بیت۔ آئی ءَ گوشت کہ امریکہ ءُ ایران ءِ صدر ءَ باز رند ءَ مزن وزیر محمد شہباز شریف ءُ فیلڈ مارشل سید عاصم منیر ءِ میانجی ءِ بستار ءَ ھاسیں کرد ءِ توسیپ کتگ ۔ اے یک بے دروریں سوبمندی یے کہ ایشی ءَ راجانی چاگرد ءَ مئے عزت ءُ شرپ گیش کتگ ءُ مئے کوشست ہر تک ءُ پھنات ءُ دیواناں ستا کرزگ ءَ انت۔ سینیٹر محمد اورنگزیب ءَ گوشت کہ گوستگیں لھتیں ماھ آنی تہ ءَ پاکستان ءَ دمگ ءَ امن، برجائی ءُ ڈی اسکالیشن ءِ واستہ ھما فعال، متوازن ءُ ذمہ واریں سفارتی کرد ءِ تہ ءَ مارا وتی مزنیں ءُ تجربہ کاریں ھمساھگ چین ءِ سرجمیں کمک ءُ ھمگرنچی رستگ۔ دوئیں ملک آنی نیام ءَ دمگی امن ءُ ایمنی ءِ واستہ یکجائی ءُ ھمگرنچیں امن کوشست آنی سر ءَ سرجمیں تپاکی ءُ گہتریں ھمگرنچی است انت۔ پاک چین ءِ سیادی مئے دری پالیشی ءِ یک ھاسیں ستون انت۔ اے دوستی ہمالیہ ءَ چہ بُرز تر اِنت، چہ ساگر ءَ گہتر اِنت ءُ چہ شہد ءَ شیرکن تر اِنت۔ چین پاکستان ءِ مستریں تجارتی شریک اِنت۔ اے سیادی ءَ یک انچیں اسٹریٹجک شراکت داری ءِ دروشم زرتگ کہ ایوک ءَ سرکاراں گوں بندوک نہ اِنت بلکیں یک انچیں سیادی یے کہ دو راجانی دل ءُ آکبتاں گوں بندوک اِنت۔ مزن وزیر محمد شہباز شریف ءِ چین ءِ گوستگیں تر ءُ تاب ءَ اے شریکداری ءَ را نوکیں ءُ ٹھوس جہت داتگ۔ تیل ءِ نھادانی ھوالگ ءَ آئی ءَ گوشت کہ ایران ءُ امریکہ ءِ جنگ ءِ سبب ءَ میاں اوستمانی مارکیٹ آنی تہ ءَ پٹرول ءُ ڈیزل ءِ نھاد سک باز گیش بوتگ انت ۔ نوکیں ءُ نا اُمیتیں چیز ہر لوگ ءِ بجٹ ءِ سرا اَنت۔ دباؤ اتک۔ اگاں سرکار ءَ اے جھٹکا ءِ سرجمیں بار مہلوک ءِ سرا داتگ ات گڑا اے نھاد سک باز گیش بوتگ اتنت۔ ہمے سبب انت کہ پاکستان ءِ مزن وزیر ءِ ہدایت ءِ سرا حکومت ءَ یک سد ءُ بیست ءُ ہشت (128) ارب کلدار ءِ جنرل سبسڈی ءِ وسیلہ ءَ مہلوک ءَ را براہ راست ریلیف داتگ۔ پدا زوت گوں صوبائی حکومتانی ہمکوپگی ءَ ٹارگٹڈ سبسڈی سسٹم ءِ بندات کنگ بوت کہ ایشی ءِ وسیلگ ءَ پٹرولیم ءِ چیزانی نرخانی تہا زلورت منداں ریلیف دیگ بوت ءُ انگت ءَ دیگ بوہگ ءَ انت۔ آئی ءَ گوشت کہ پاکستان یک مھکم ءُ مھکمیں معیشت ءِ گوما امریکا ءُ ایران ءِ جنگ ءِ بحران ءِ تہ ءَ داخل بوتگ۔ اے بحران ءِ تہا کہ دمگ ءُ دنیا ءِ دگہ بازیں ملکاں سوخت ءِ کمی، پٹرول پمپانی سرا دراجیں صف، مہنگائی ءُ زرّ ءِ بدلی ءِ شرح ءِ تہا کمی بوتگ ءُ مئے چہ شرتریں وسیلہ ءِ واھندیں لھتیں ملکاں میان استمانی مالیاتی ادارہانی گور ءَ روگی بوتگ، پاکستان ءَ حکومت ءِ بروقت ءُ زانتکاریں پیسلہانی سبب ءَ سوخت ءِ کمی بوتگ یا ہچ وڑیں اقتصادی بفر نہ بوتگ۔ پٹرول پمپانی سرا صف بندی، ہچ وڑیں قانون ءُ نظم ءِ جیڑہ ءُ ہچ وڑیں زرّ ءِ شرح ءَ را متاثر نہ بوتگ۔ بلکیں اے بحران ءِ وھد ءَ فچ ریٹنگ ایجنسی ءَ پاکستان ءِ ریٹنگ ءِ جار جتگ۔ آئی ءَ گوشت کہ اے ھوالگ ءَ الس ءَ را چونیں مشکل آنی سر ءَ سرپد ایں ۔ ھمے وھد ءَ سرکار میاں اوستمانی مارکیٹ ءَ تیل ءِ نھاد ءِ تہ ءَ کمی ءِ پائدگاں الس ءَ سر کنگ ءَ اِنت۔ محمد اورنگزیب ءَ گوشت کہ اے استیں حکومت ءِ سیمی بجٹ انت۔ ایشی ءَ چہ پیسر گوستگیں دو سالانی معاشی سفر ءِ سر ءَ یک کسانیں چمشانکے المی اِنت، ما اے سفر ءَ چہ یک گرانیں جاہے ءَ بندات کتگ۔ پاکستان ءِ مزن وزیر ءِ سروکی ءَ استیں حکومت ءَ جاور ھال آنی کنٹرول ءِ واستہ بے مٹیں کار کتگ ءُ بازیں ھاسیں ءُ دور رسیں معاشی سوبمندی رستگ۔ رواں مالی سال ءَ سیلاب ءِ سبب ءَ تاوان ءُ امریکہ ءُ ایران ءِ جنگ ءِ باوجود مئے اقتصادی دیمروئی ءِ شرح سئے نقطہ ہفت درسد (3.7) ءَ سر بوتگ۔ مئے مزنیں صنعتانی پیداواری ءِ تہ ءَ گیشی بوھگ ءَ اِنت۔ اے مالی سال ءَ مزنیں کچ ءُ کساس ءَ مینوفیکچرنگ ءِ شرح 6.1درسد ءَ تاں بوتگ وھدے کہ سروسز سیکٹر ءِ شرح 4.1درسد ءَ چہ کم بوتگ۔ مزنیں کچ ءُ کساس ءَ مینوفیکچرنگ ءُ سروسز ءِ شوبگ آنی دیمروئی ءِ شرح گوستگیں چار سال آنی تہ ءَ گیشتریں کچ ءَ اِنت۔ آئی ئَ گوشت کہ مئے معیشت ئِ کساس 452ارب ڈالر ئَ سر بوتگ، ایشی ئَ نوکیں کوش ئِ سنگ اِنت۔ جی ڈی پی ءِ کساس ءِ تہ ءَ گیشی ءِ سبب ءَ مئے فی کس آمدنی گوستگیں سال ءَ چہ 1751 ڈالر ءَ چہ 1901 ڈالر ءَ سر بوتگ آئی ءَ گوشت کہ گوستگیں دو سال آنی تہ ءَ پالیسی ءِ شرح ءِ تہ ءَ راجدپتری کمی بوتگ ءُ اے شرح 22درسد ءَ چہ 11.5درسد ءَ اتکگ۔ مئے زرّ ءِ ذخیرہ ءَ ھم مزنیں کساسے ءَ گہتری اتکگ۔ اے سئے سال پیسر 4 ارب ڈالر ءَ چہ کم بوتگ انت ءُ نوں 17 ارب ڈالر ءَ چہ گیش بوتگ انت کہ اے درآمدات ءِ 3 ماہ ءِ نزیک ءَ بس انت۔ آئی ءَ گوشت کہ زرّ ءِ دیم دیگ ھم نوکیں بالاد ءَ سر بوھگ ءَ اِنت۔ گوستگیں مالی سال ءِ 38ارب ڈالر ءِ مقابلہ ءَ اے مالی سال ءِ اولی 11ماہ آنی تہ ءَ زرّ ءِ دیم دیگ ءِ کساس 38ارب ڈالر ءَ سر بوتگ۔ اے گمان اِنت کہ سرجمیں سال ءِ ھاتر ءَ زرّ ءِ دیم دیگ 41 ارب ڈالر ءَ چہ گیش بیت کہ اے مئے راجدپتر ءِ تہ ءَ گیشتریں کچ اِنت۔ آئی ءَ گوشت کہ ایف بی آر ءِ ٹیکس ٹو جی ڈی پی ءِ تناسب مالی سال 2022-23ءَ 8.5درسد ءَ چہ 10.3درسد ءَ سر بوتگ۔ بزاں ایوک ءَ 3 سال ءِ تہ ءَ ٹیکس ءِ شرح ءَ ملک ءِ معیشت ءِ تناسب ءِ رد ءَ 2 درسد ءِ کساس ءَ مزنیں کساسے ءَ گیشی بوتگ۔ اے گامگیج آنی آسر مئے مالیاتی استحکام ءَ ھم گندگ بنت۔ آئی ءَ گوشت کہ جون 2023 ءَ مالیاتی خسارہ جی ڈی پی ءِ 7.8درسد بوتگ کہ رواں مالی سال ءِ گڈ ءَ تاں 4درسد ءَ چہ کم بیت۔ دو سال پیسر ما پرائمری بیلنس ءِ تہا جی ڈی پی ءِ 0.7 درسد ءِ خسارہ ءِ دیم ءَ اتیں ۔ رواں مالی سال ءِ تہ ءَ ما بنجاہی بیلنس ءَ را 1.6درسد ءِ سرپلس ءَ سر کتگ۔ چوش کہ جی ڈی پی ءِ رد ءَ پرائمری بیلنس ءَ 2.3درسد گہتری بوتگ۔ گوستگیں مالی سال ءَ افراط زر ءِ شرح گوستگیں سال ءِ 23.4درسد ءَ چہ کمی بوتگ ءُ 4.5درسد بوتگ۔ رواں سال ءِ تہ ءَ ایران ءُ امریکہ ءِ جنگ ءِ باوجود افراط زر ءِ میان اُستمانی شرح ءِ کساس 7 درسد ءِ گمان اِنت کہ رواں مالی سال ءِ 7.5 درسد ءِ گمان ءَ چہ کم اِنت۔ گوستگیں ماہانی تہا افراط زر ءِ شرح ءَ گیشی بوتگ کہ ایشی ءِ مستریں سبب میاں اوستمانی تک ءَ جیڑہ انت۔ آئی ءَ گوشت کہ جنگ ءِ جمبر ساپ بوھگ ءَ گوں مہنگائی ءِ شرح ھم کم بیت۔ مئے معاشی ءُ مالیاتی استحکام ءِ سبب ءَ مئے معیشت ءِ سر ءَ گلوبل ڈویلپمنٹ ءُ مالیاتی ادارگ آنی بھروسہ گیش بوتگ ءُ دگنیا ءِ مزنیں ریٹنگ ایجنسی موڈیز، فچ ءُ ایس اینڈ پی ءَ پاکستان ءِ ریٹنگ اپ گریڈ کتگ ایشی ءَ چہ مئے کریڈٹ ریٹنگ گیش مھکم بوتگ۔ وزیر ءِ ھزانگ ءَ گوشت کہ ھمے دل یکیمی ءِ آسر ءَ پاکستان 2022 ءَ پد اولی رند ءَ میاں اوستمانی بانڈ مارکیٹ ءَ پدا واتر بوتگ، پاکستان ءَ چار سال ءِ تہ ءَ اولی رند ءَ 750ملین ڈالر ءِ یوروبانڈ سوبمندیں رنگ ءَ جاری کتگ۔ عالمی بے یقینی ءِ باوجود مئے بانڈز ءِ لوٹ ءُ گزر برجاہ بوتگ۔ ما اے تسلسل ءَ گوستگیں ماہ ءَ دیستگ ات کہ پاکستان ءَ پاکستان ءُ چین ءِ سفارتی سیادی ءِ 75 سالی روچ ءِ درگت ءَ ملک ءِ راجدپتر ءِ اولی پانڈا بانڈ جاری کتگ ات کہ ایشی ءِ لوٹ مئے پیشکش ءَ چہ 5 رند ءَ گیش ات۔ اے 2.5% مارک اپ ءِ سرا جاری کنگ بوتگ ات، اے وڑ ءَ پاکستان دنیا ءِ دومی مزنیں معیشت ءِ بہر جوڑ بوتگ ات۔ آئی ءَ گوشت کہ اقتصادی گہتری ءَ چہ پاکستان اسٹاک ایکسچینج ءِ سر ءَ ھم جوانیں اثر کپتگ۔ اے گہتری ءِ پُشت ءَ پاکستان ءِ کارپوریٹ سیکٹر ءِ گہتریں کارکردگی انت۔ کارپوریٹ سیکٹر ءَ گوستگیں سال ءِ ھمے وھد ءِ مقابلہ ءَ جنوری ءَ بگر داں مارچ 2026ءَ 22درسد گیش منافع کتگ وھدیکہ رواں مالی سال ءِ اولی 9ماہ آنی تہ ءَ منافع 9درسد بوتگ۔ ایشی ءِ گوما پاکستان اسٹاک ایکسچینج ءَ سرمایہ کار آنی تہ ءَ گوستگیں یک سال ءِ تہ ءَ ریکارڈ 173ہزار نوکیں سرمایہ کار آنی تہ ءَ گیشی بوتگ۔ آئی ئَ گوشت کہ … وشیں ھال ایش انت کہ اے نوکیں سرمایہ کارانی مزنیں کساسے ورنا انت، اے سال ءَ تاں انوگ ءَ 11 آئی پی او بندات کنگ بوتگ کہ گوستگیں 2 دہائی ءِ تہا یک سالے ءِ تہا گیشتریں کساس انت۔ آئی ءَ گوشت کہ ایس ای سی پی ءَ 39 ہزار نوکیں کمپنی رجسٹرڈ کنگ بوتگ انت۔ ترک پٹرولیم، گوگل ڈیجیٹل اثاثہ، علی بابا گروپ، آرامکو ءُ دگہ مزنیں کمپنی پاکستان ءَ سرمایہ کاری کنگ ءَ انت۔ آئی ءَ گوشت کہ حکومت ءِ نیمگ ءَ جوڑ کتگیں ٹیکنالوجی زون آنی تہ ءَ 250 ءَ چہ گیش نوکیں کمپنی آں وتی کاروبار بندات کتگ ءُ 25ہزار ءَ چہ گیش ٹیک پروفیشنل آناں روزگار رستگ، ایشی ءَ چہ پاکستان ءَ کاروباری چاگرد ءَ نوکیں ءُ استیں سرمایہ کار آنی تہ ءَ گیش بوھوکیں دل یکیمی ءِ پدریں ثبوت انت۔ نجکاری ءِ ھوالگ ءَ گامگیج آنی بابت ءَ سرپد کنان ءَ آئی ءَ گوشت کہ گوستگیں سال ءَ ھمے ایوان ءَ وتی بجٹ ءِ گشتانک ءِ ساھت ءَ من راج ءَ گوں وعدہ کتگ ات کہ ما نجکاری ءِ ایجنڈا ءَ را عمل کن ایں کہ دہائی آنی تہ ءَ دیر بوتگ ات۔ من مرچی اے ایوان ءَ را سرپد کنگ ءَ وش آں کہ اے وعدہ نوں ایوک ءَ وعدہ نہ اِنت بلکیں حقیقت جوڑ بوتگ۔ ما فرسٹ وومن بینک ءِ نجکاری ءَ چہ بندات کت ءُ پدا 23دسمبر 2025 ءَ سرجمیں راج ءَ اسلام آباد ءَ شفاف ءُ براہ راست ٹیلی ویژن نیلامی ءِ وسیلگ ءَ پاکستان انٹرنیشنل ایئر لائنز ءِ کل 185ارب کلدار ءِ نجکاری ءِ گواہ بوت۔ اے سوبمندیں ءُ راجدپتری نجکاری مزن وزیر ءِ ھیال ءِ رد ءَ اِنت کہ نجی شوبگ ملک ءِ پائیداریں اقتصادی دیمروئی ءِ ضامن ءُ پرچم بردار اِنت۔ آئی ءَ گوشت کہ پی آئی اے ءِ سوبمندیں نجکاری ءَ پد ما پنچ سالی منصوبگ ءِ سر ءَ کار کنگ ءَ آں ایشی ءِ چیر دستی ءَ جی این سی، ڈسکو، بینک، انشورنس کمپنی ءُ بالی پٹ ءَ ھوار بازیں سرکاری ادارگ جندی شعبہ ءِ دست ءَ دیگ بنت۔ اے درگت ءَ سئے ڈسکو آنی اولی بیچ ءِ نجکاری ءِ واستہ نوٹس آف انٹرسٹ جاری کنگ بوتگ۔ ایف بی آر ءِ تہا اصلاحات ءِ حوالہ ءَ آئی ءَ گوشت کہ اے اقتصادی استحکام ءِ بنیات اِنت، فعال، متحرک ءُ شفاف ٹیکس انتظامیہ کجام ھم ریاست ءِ اقتصادی آجوئی ءِ ضمانت اِنت۔ بید ءِ مالیات ءِ جم کنگ ءَ ملک کاروبار کت نہ کنت ءُ نہ کہ دیمروئی ءِ کارانی واستہ منابع پجارینگ بوت کنت۔ ہمے سبب انت کہ ایف بی آر ءِ تہا جامع ءُ مزنیں اصلاحات برجاہ انت۔ آئی ءَ گوشت کہ ایف بی آر ءَ تاں انوگ ءَ اصلاحات آنی آسر سک باز دلبڈی ءِ بوتگ انت۔ مالی سال 2022-23 ءَ ایف بی آر ءِ سالانہ ٹیکس ءِ جم کنگ 7200ارب کلدار بوتگ کہ آیوکیں سئے سال آنی تہ ءَ دوگنا بوتگ ءُ رواں مالی سال ءِ گڈ ءَ 13000ارب کلدار ءَ سر بیت۔ اے گیشی یک انچیں سوبمندی یے کہ پاکستان ءِ نوکیں راجدپتر ءَ کم گندگ بیت۔ اے ایوک ءَ آمدنی ءِ تہ ءَ گیشی نہ اِنت بلکینگ ءَ پاکستان ءِ ٹیکس نظام ءِ تہ ءَ ڈھانچہ ءِ بدلی اِنت۔ آئی ءَ گوشت کہ اے بدلی ءِ سروکی ءَ مزن وزیر محمد شہباز شریف وت کنگ ءَ اِنت، آ ھپتگی دیوان آنی سروکی ءَ کنت ءُ پیشرفت ءِ چار ءُ تپاسی ءَ کنت۔ اے بدلی ءِ ٹھوس میوہ دیم ءَ آیگ ءَ اَنت۔ اولی پیداوار ءِ نگرانی ءِ نظام اِنت کہ ایشی ءِ کمک ءَ مرکزی ڈیش بورڈ، ویڈیو اینالیٹکس ءُ ٹیمپرنگ الرٹ ءِ وسیلگ ءَ کنگ بوھگ ءَ اِنت۔ اے نظام 27 سیمنٹ فیکٹری ءُ 75 شوگر ملز ءَ کارمرز کنگ بوتگ۔ سالانہ بنیاد ءَ ایوک ءَ اے دوئیں شوبگ آنی نیمگ ءَ چہ 61ارب کلدار ءِ کساس ءَ گیشیں ٹیکس ءِ گمان اِنت۔ آئی ءَ گوشت کہ ایشی ءَ ابید مصنوعی ذہانت ءُ مشین لرننگ ءِ سر ءَ بنیات ءَ کمپلائنس رسک مینجمنٹ سسٹم ءَ 840 ءَ چہ گیش ہائی رسک کیس آنی نشاندہی کتگ ایشی ءِ تہ ءَ ٹیکس ءِ اثر ءِ متوقع 34ارب کلدار ءِ کساس ءَ اِنت۔ آئی ءَ گوشت کہ جائیداد ءِ ٹرانسفر ءِ سر ءَ ود ہولڈنگ ٹیکس ءَ را عقلی کنگ ءَ چہ فائلر آنی واستہ گرگ ءِ سر ءَ ٹیکس ءَ را 2.5درسد ءَ چہ 1.25درسد ءُ فروخت ءِ سر ءَ 5.5درسد ءَ چہ 2.75درسد ءَ کم کنگ ءِ شور ءُ مشور کنگ بوتگ۔ ایشی ءَ چہ تعمیراتی شوبگ ءِ چست ءُ ایر آناں دیمروئی رسیت ءُ اے شوبگ ءَ دیمروئی ءِ سبب جوڑ بیت۔ آئی ءَ گوشت کہ حکومت ءَ 4آمدنی سلیب آنی تہ ءَ تنخواہ دار افراد آناں ریلیف دیگ ءِ پیسلہ کتگ۔ اے درگت ءَ سالی 22 لکھ ءَ بگر داں 32 لکھ کلدار ءِ آمدنی ءِ تنخواہ داریں کارندہ آنی سر ءَ ٹیکس ءِ شرح ءَ را 23درسد ءَ چہ 20 درسد ءَ کم کنگ ءِ شور ءُ مشور دیگ بوتگ، 32 لکھ ءَ چہ 41 لکھ کلدار ءِ نیام ءَ آمدنی ءِ تنخواہ دار آنی واستہ ٹیکس ءِ شرح 2000ءَ 2000 ءَ چہ 30 درسد ءَ چہ کم کنگ بیت۔ لکھ ءُ 56لکھ کلدار ءِ زرّ 35درسد ءَ چہ 29درسد ءَ کم کنگ بنت ءُ 56 لکھ ءُ 70 لکھ کلدار ءِ نیام ءَ تنخواہ ءِ سر ءَ ٹیکس ءِ شرح 35درسد ءَ چہ 32درسد ءَ کم کنگ بیت۔ تنخواہ ءِ سر ءَ ٹیکس ءِ شرح ءَ را کم کنگ ءَ ابید تنخواہ داریں طبقہ ءِ سر ءَ ایر کنگ بوتگیں سرچارج ءِ ھلاس کنگ ءَ دگہ یک ھاسیں ریلیف گامگیج چست کنگ بوتگ۔ اے دیریں لوٹ ات ءُ سرکار ھم ایشی ءَ سرپد ات۔ گوستگیں بجٹ ءَ اے سرچارج ءِ شرح 10درسد ءَ چہ 9درسد ءَ کم کنگ بوتگ ءُ نوں ایشی ءَ را سرجم ءَ ھلاس کنگ ءِ شور ءُ مشور دیگ بوتگ۔ آئی ءَ گوشت کہ برآمداتی شوبگ زرّ ءِ آمدنی ءِ یک مزنیں وسیلگ اِنت ایشی ءَ چہ مئے معیشت ءِ دیمروئی ءِ ضمانت اِنت۔ اے وھد ءَ برآمدات ءِ سر ءَ پیشگی انکم ٹیکس ءِ رنگ ءَ کل ءَ 2درسد ٹیکس زورگ بیت کہ ایشی ءَ را 1.25درسد ءَ کم کنگ ءِ شور ءُ مشور دیگ بوتگ۔ ایشی ءَ ابید کریڈٹ ءُ ڈیبٹ کارڈ ءِ میاں اوستمانی لین دین ءِ سر ءَ ایر کنگ بوتگیں ود ہولڈنگ ٹیکس 0.5درسد ءَ چہ کم کنگ بوھگ ءَ اِنت۔ آئی ءَ گوشت کہ درملکی اثاثہ آنی دارگ ءِ سر ءَ کیپیٹل ویلیو ٹیکس ھلاس کنگ ءِ شور ءُ مشور کنگ بوتگ۔ اے ٹیکس ءِ ھلاس کنگ ءَ چہ پاکستانی وتی درملکی مالیاتی جاور ھال ءَ را ریکارڈ ءَ آرگ ءِ واستہ دلبڈی رسیت، ایشی ءَ چہ تعمیل ءِ دستاویزات ءُ گیشیں آمدنی ءِ رسگ ممکن بیت۔ آئی ءَ گوشت کہ کسانیں دکاندار آنی واستہ ٹھینگ بوتگیں ٹیکس ءِ بندات کنگ بوھگ ءَ انت۔ ما دہائیاں چہ پاکستان ءِ خوردہ فروشاں دستاویزی معیشت ءِ بہر جوڑ کنگ ءِ جہد ءَ کنگ ءَ ایں ۔ کسانیں دکاندار وتی کش ءُ گور ءِ مردماں روزگار دنت۔ اے کسانیں دھکان کراچی ءَ بگر داں چترال ءَ سوداگر اَنت۔ اے کارانی یک مزنیں بہرے ءُ آہانی گیشتریں بہر انگت ٹیکس ءَ چہ در انت، وتی نمائندگاں گوں شور ءُ سلاہ ءَ پد آہاں سالانہ آمدنی ءِ سرا سالانہ 25 ہزار کلدار 200 ملین کلدار یا کم ءَ تاں جم کنگ لوٹیت، اے نظام ءِ رد ءَ آہاں وتی سالانہ فروخت ءِ سرا یک درسد ٹیکس دات کنت۔ محمد اورنگزیب ءَ گوشت کہ سیلز ٹیکس ایکٹ ءِ تہ ءَ سیمی شیڈول ءِ دائرہ کار ءَ را گیش کنگ بوھگ ءَ انت ایشی ءِ تہ ءَ ترندیں رنگ ءَ روگ ءَ بوتگیں صارفین ءِ سامان آنی زمرے ءَ را ھم ھوار کنگ بوھگ ءَ انت۔ آئی ءَ گوشت کہ ایف بی آر ءِ نوکیں ٹیکس آپریٹنگ ماڈل ءِ چیر دستی ءَ نیشنل فیس لیس سنٹر جوڑ کنگ بوھگ ءَ انت کہ ایشی ءَ چہ صوابدیدی ءُ غیر صوابدیدی کار آناں یکے دومی ءَ چہ جتا کنگ بیت۔ اے مراگش آنی تہ ءَ آڈٹ ءِ جائزہ ءُ کوالٹی کنٹرول ءِ وڑیں صوابدیدی اختیارات ھست بنت، ٹیکس دہندہ ءُ ٹیکس افسر ءِ نیام ءَ ھچ وڑیں رابطہ نہ بیت، کیس آٹومیٹک طریقہ کار ءِ رد ءَ یک افسرے ءَ را دیم دیگ بنت۔ یک الگیں آڈٹ یونٹے ایشی ءِ معائنہ کنت۔ آئی ءَ گوشت کہ یک آٹومیٹک میکانزم ءِ بندات کنگ بوھگ ءَ اِنت کہ ایشی ءِ تہ ءَ ٹیکس دہندہ ءِ نیمگ ءَ درج کتگیں ڈیٹا ءُ جتا جتائیں وسیلگ آنی نیمگ ءَ چہ ایف بی آر ءِ گوما دست کپتگیں ڈیٹا آنی تہ ءَ بے رھبندی آنی پجار کنگ بیت۔ اے گامگیج ءَ چہ روایتی آڈٹ ءِ عمل ءِ ھرچ ءُ درچ، تاخیر ءُ پریشانی ھلاس بنت۔ آئی ءَ گوشت کہ فیڈرل ایکسائز ڈیوٹی ءِ تہ ءَ اولی گامگیج فراڈ ءِ حلاف ءَ کنگ بوھگ ءَ انت۔ وائٹ اسپرٹ پٹرولیم نیفتا ءُ منزیل ٹرپنٹائن آئل ءَ ھوار پٹرولیم ءِ سر ءَ بنیات ءِ سالوینٹس ءِ سر ءَ 80 کلدار ءِ وفاقی ایکسائز ڈیوٹی ایر کنگ بوھگ ءَ اِنت۔ اے چیز پٹرولیم ڈویلپمنٹ لیوی ءِ دائرہ کار ءَ چہ در انت بلے تیل ءِ ملاوٹ کنگ ءِ ھاترا کارمرز کنگ بنت۔ اے ملاوٹ ءِ سبب ءَ ہر سال لاکھوں صارفین ءِ گاڑی ءُ مشینری ءَ را تاوان رسیت۔ اے سبب ءَ ایمانداریں تاجراں کہ مصنوعی تیل ءَ بہا کن انت آہاں گوں بے ایمانیں تاجراں مقابلہ کنگی انت کہ آ ملاوٹ تیل ءَ بہا کن انت۔ دومی گام اقتصادی بار ءِ بہر ءُ بانگ ءَ گوں سیادی دار ایت۔ 2ہزار سی سی ءَ بگر داں 3ہزار سی سی ءِ درآمدیں گاڑی ءُ ایس یو وی ءِ سر ءَ 66درسد ڈیوٹی ایر کنگ بیت۔ اے ٹیکس مزنیں انجن ءِ گوں درآمد بوتگیں سی بی یو آنی سر ءَ ھم کارمرد بیت۔ آئی ءَ گوشت کہ یک دگہ ریلیف گامگیج ءِ رنگ ءَ کاروباری کلاس ءَ درملکی سفر آنی سر ءَ وفاقی ایکسائز ڈیوٹی ءِ ھلاسی ءِ شور ءُ مشور پیش کنگ بوتگ، ایشی ءِ مول ءُ مراد پاکستان ءَ را مئے معیشت ءِ لوٹ ءِ سرمایہ کاری ءُ شریکداری ءِ واستہ دلکشیں ملک جوڑ کنگ اِنت، کہ مئے اقتصادی پالیشی ءِ دیمروئی ءِ واستہ المی اِنت۔ کسٹم ءَ کنگ بوھوکیں گامگیج آنی ھوالگ ءَ وزیر ھزانگ ءَ گوشت کہ آٹو سیکٹر مئے معیشت ءِ ھاسیں شوبگ آنی تہ ءَ یک انت۔ اے شعبہ ءِ دیمروئی ءِ ھاتر ءَ گوستگیں دہ سال ءَ جتا جتائیں دیمروئی پالیسی دیم ءَ آرگ بوتگ انت کہ ایشی ءَ چہ اے صنعت ءَ را دیمروئی داتگ ءُ ملک ءَ اسمبلی OEM ءِ کساس 118 ءَ سر بوتگ کہ ایشی ءِ تہا ٹریکٹر، موٹر سائیکل، مسافر گاڑی ءُ تجارتی گاڑی جوڑ کنوکیں کمپنی ھوار انت۔ آٹو سیکٹر ءِ نوکیں پالیشی ءِ سر ءَ اے وھد ءَ مزن وزیر ءِ نیمگ ءَ جوڑ کتگیں کمیٹی ءِ نیمگ ءَ چار ءُ تپاسی کنگ بوھگ ءَ اِنت ایشی ءِ تفصیل مزن وزیر ءُ کابینہ ءِ منظوری ءَ پد پارلیمنٹ ءِ دیم ءَ ایر کنگ بیت۔ بلے الیکٹرک موٹر سائیکل، رکشہ، گاڑی ءُ بس آنی واستہ استیں رعایتی نظام آیوکیں سال ءَ ھم برجاہ بیت۔ اے درگت ءَ درآمدیں الیکٹرک ٹرک آنی سر ءَ یک درسد سیلز ٹیکس ءِ آسراتی دیگ ءِ شور دیگ بیت، البت حکومت اے گپ ءِ سر ءَ کوشست کنگ ءَ اِنت کہ گران تریں الیکٹرک گاڑی اے آسراتی آں چہ سیت مہ زور اَنت۔ آئی ءَ گوشت کہ جان سلامتی ءِ آسراتی ءُ الس ءِ وشھالی ءِ یکسانیں پجاری ءِ واستہ مئے جزم بے مٹ اِنت۔ کینسر ءِ وڑیں وائرس ءِ سبب ءَ پاکستانی ھاندان آنی سر ءَ سکیں مالی بوجھ ءَ را ھیال ءَ دارگ ءَ ما راجی ٹیرف پالیسی 2025-30 ءِ چیر دستی ءَ ھدف مند ءُ موثر علاج ءِ آسراتی ءِ بندات کنگ ءَ ایں کہ ایشی ءِ چیر دستی ءَ حکومت 100 ءَ چہ گیش وڑیں کینسر ءِ جوڑ کتگیں خام مال ءِ سر ءَ کسٹم ڈیوٹی ءَ را سرجمی ءَ ھلاس کنگ ءَ اِنت۔ آئی ءَ گوشت کہ ملکی صنعت آناں گلوبل ویلیو چین ءِ تہ ءَ یکجا کنگ ءُ کاروبار کنگ ءِ ھرچ ءُ درچ ءَ را کم کنگ ءِ واستہ یک سرجمیں راجی ٹیرف پالیشی ءِ اولی بھر ءِ بندات گوستگیں سال ءَ کنگ بوتگ۔ درستیں سٹیک ہولڈر آنی گوما شور ءُ سلاھ ءَ پد مزنیں کساسے ءَ خام مال ءُ ایشی ءَ گوں سیادی داروکیں چیز آنی سر ءَ کسٹم ڈیوٹی، گیشیں کسٹم ڈیوٹی ءُ ریگولیٹری ڈیوٹی ءَ را مزنیں کساسے ءَ کمی کنگ بوتگ۔ آئی ءَ گوشت کہ اے بجٹ ءِ تہ ءَ جار جتگیں شور ءُ مشور ھاسیں رنگ ءَ ٹیکس ریلیف ءِ گامگیج، توان ءِ نرخ آنی تہ ءَ کمی ءُ اے دگہ گامگیج آنی تہ ءَ معیشت ءِ کلیدی شوبگ چوشکہ کشت ءُ کشاری، معدنیات ءُ کان کنی، انفارمیشن ٹیکنالوجی، اے آئی ءُ ٹیک ڈرائیوڈ انڈسٹری آناں دیمروئی رسیت، ایشی ءَ چہ اقتصادی دیمروئی ءَ را دیم ءَ برگ ءُ روزگار ءِ موہ پیداک بنت۔ وزیر خزانہ ءَ گوشت کہ دفاعی شوبگ ءِ واستہ بجٹ ءَ را مزنیں کساس ءَ گیش کنگ بوتگ تانکہ ملک ءِ دفاع ناقابل شکست ءُ خطہ ءِ بے یقینی ءَ را جوڑ کنگ بہ بیت۔ بجٹ ءِ مستریں اولویت ورنا آناں ہنر مند کنگ ءُ المی ئیں وسیلگ آنی پجاری ءَ را دل یکیمی کنگ انت تانکہ آ وت روزگار ءِ موہ پیداک بہ کن انت ءُ ملک ءِ دیمروئی ءَ وتی کرد پیلو بہ کن انت۔ آئی ءَ گوشت کہ آیوکیں مالی سال ءِ ساھت ءَ اقتصادی دیمروئی ءِ شرح 4درسد، مہنگائی ءِ شرح 8.2درسد، بجٹ ءِ خسارہ جی ڈی پی ءِ 3.6درسد بیت، وھدیکہ بنجاہی سرپلس جی ڈی پی ءِ 2درسد بیت۔ آئی ءَ گوشت کہ ایف بی آر ءِ آمدنی ءِ کساس 15ہزار 264ارب کلدار کنگ بوتگ کہ اے رواں مالی سال ءِ مقابلہ ءَ 17.6درسد گیش اِنت۔ وفاقی آمدنی ءِ تہا صوبہ آنی بہر 8848ارب کلدار بیت۔ آئی ءَ گوشت کہ وفاقی حکومت ءُ صوبائی حکومت آنی نیام ءَ یکجائی ءَ را لہتیں راجی لوٹ آناں پیلو کنگ ءِ بندوبست ءِ سر ءَ تپاک کنگ بوتگ، ایشی ءَ چہ راجی تک ءَ جوانیں اثر کپ ایت۔ اے بندوبست تعاونی فدرالزم ءِ روح ءَ ءُ صوبائی حکومتانی آئینی حقانی سرا اثر انداز بوھگ ءَ ابید سر بوتگ۔ اے بندوبست ءِ رد ءَ وفاقی بہر ءُ بانگ ءِ آمدنی ءِ تہ ءَ صوبائی حکومت آنی بھر ھپتمی سہ ماہی ءِ وڑ ءَ برجاہ بیت۔ مالی سال 2026-27ءِ واستہ وفاقی بورڈ آف ریونیو ءِ نیمگ ءَ چہ آمدنی ءِ جم کنگ ءِ اندازہ 15ہزار 264ارب کلدار اِنت بلے اسٹریٹجک راجی لوٹ آنی رد ءَ کم چہ کم 13350ارب کلدار وفاقی ءُ صوبائی حکومت آنی نیام ءَ بہر ءُ بانگ ءِ واستہ ریزرو کنگ بوتگ۔ 15264ارب کلدار ءَ تاں رستگیں زرّ وفاقی حکومت ءَ پاکستان ءِ آئین 1973 ءِ آرٹیکل 164 ءِ رد ءَ صوبائی حکومت آنی نیمگ ءَ چہ گرانٹ ءِ رنگ ءَ راجی اسٹریٹجک لوٹ آناں پیلو کنگ ءِ واستہ دستیاب بیت۔ مالی سال 2027-28 ءُ 2028-29 ءِ تہا بوتگ۔ آئی ءَ گوشت کہ وفاقی غیر ٹیکس آمدنی ءِ ٹارگٹ 5336ارب کلدار بیت، وفاقی حکومت ءِ خالص آمدنی 11751ارب کلدار اِنت، وھدیکہ ھرچ ءُ درچ ءِ اندازہ 18771ارب کلدار اِنت، ایشی ءِ تہ ءَ 8054ارب کلدار مارک اپ ءِ ادائیگی ءِ واستہ ایر کنگ بیت۔ سرکاری شوبگ ءِ دیمروئی پروگرام 1000ارب کلدار اِنت، ءُ وفاقی حکومت ءِ انوگیں ھرچ ءُ درچ 17495ارب کلدار ءِ اندازگ اِنت۔ آئی ءَ گوشت کہ راجی دفاع حکومت ءِ مستریں ترجیح اِنت ءُ اے راجی ڈیوٹی ءِ واستہ 3000ارب کلدار ایر کنگ بوتگ، سول ایڈمنسٹریشن ءِ ھرچ ءُ درچ ءِ واستہ 1071ارب کلدار پنشن ءِ ھرچ ءُ درچ ءِ واستہ 1169ارب ءُ ای ئِ تہ ءَ سیکٹر ءُ سیکٹر دگہ سبسڈی ءِ واستہ 1091ارب کلدار ایر کنگ بوھگ ءَ اِنت۔ آئی ءَ گوشت کہ گرانٹ آنی واستہ 2680ارب کلدار ایر کنگ بوتگ، ایشی ءِ واستہ بے نظیر انکم سپورٹ پروگرام، آزات جموں ءُ کشمیر، گلگت بلتستان ءُ خیبر پختونخوا ءِ نوکیں یکجا بوتگیں ضلع آنی واستہ انت۔ مزن وزیر ءِ اپنا گھار اسکیم ءِ واستہ 71ارب کلدار ءُ ایکسپورٹ ری فنانس اسکیم ءِ توسیپ ءِ واستہ 88ارب کلدار ایر کنگ بوتگ۔ آئی ءَ گوشت کہ حکومت ءِ ارادہ اِنت کہ بے نظیر انکم سپورٹ پروگرام ءِ پرچم برداریں گامگیج ءِ دائرہ کار ءَ را گیش بہ کنت۔ اے کار ءَ را عملی جوڑ کنگ ءِ ھاترا کفلات پروگرام ءَ را 12 ملین ھاندان ءَ سر کنگ بیت ءُ تعلیمی اسکالرشپ پروگرام ءَ را گیش ءُ گیوار کنگ بیت دانکہ 9.2 ملین ءِ نزیک ءَ زھگاں چہ اے پروگرام ءَ را فائدہ رس ایت۔ آیوکیں مالی سال ءَ بی آئی ایس پی ءِ واستہ 838ارب کلدار ایر کنگ ءِ شور ءُ مشور کنگ بوتگ کہ اے رواں سال ءَ چہ 17درسد گیش اِنت۔ انوگیں ھرچ ءُ درچ ءَ چہ آزات جموں ءُ کشمیر ءِ واستہ 146ارب کلدار، گلگت بلتستان ءِ واستہ 88ارب کلدار ءُ خیبر پختونخوا ءِ نوک یکجا بوتگیں ضلع آنی واستہ 95ارب کلدار ءِ ھرچ ءُ درچ ءِ شور ءُ مشور کنگ بوتگ۔