وزیراعظم شہباز شریف نا ڈائمنڈ جوبلی انٹرنیشنل فٹبال ٹورنامنٹ نا چیمپئن جوڑ مننگ آپاکستان فٹبال ٹیم، کوچ و انتظامیہ ءِ مبارکباد

اسلام آباد۔ 11 جون (اے پی پی ): وزیراعظم محمد شہباز شریف 2026 ڈائمنڈ جوبلی انٹرنیشنل فٹبال ٹورنامنٹ نا فائنل اٹی اوغانستان ءِ شکست ترسا چیمپئن جوڑ مننگ آ پاکستان فٹبال ٹیم، کوچ و انتظامیہ ءِ مبارکبادی تسنے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ فٹبال ٹیم انا پن مبارکبادی نا کلہو اٹی وزیراعظم پارے کہ دا تاریخی سرسہبی مچ آ قوم اکن گمر نا سوب ءِ، پاکستان نا فٹبال ٹیم شاندار گوازی، عزم و ٹیم ورک انا درشانی ءِ کرسا ملک انا پن جہانی کہول آ روشنا کرینے۔ وزیراعظم پارے کہ دا پاکستان نا تاریخ نا اولیکو باضابطہ جہانی فٹبال ٹورنامنٹ فائٹل ءِ ہرا قومی گوازی تا مون آ دننگ و ورناگوازی گر آتیکن اسہ اہم ءُ مزل نا نشان نا حیثیت تخک۔ وزیراعظم دااومیت نا درشانی ءِ کرے کہ قومی فٹبال ٹیم آخبت ہم ہندا جوزہ و خواری اتون سرسہبی دوئی کرسا پاکستان نا بیرک ءِ بڑز تخک۔