اقتصادی گہتری، روزگار ءِ موہ، برآمدات ءُ پیداواری گنجائش ءِ تہ ءَ گیشی یک مشترکہ ذمہ واری اِنت، گیش ءَ چہ گیش وسیلگ پیداک کنگ ءُ دفاع ءِ واستہ وسیلگ پجارینگ مئے اولی ترجی اِنت، مزن وزیر شہباز شریف راجی اقتصادی کونسل ءِ دیوان ءَ گوں تران

اسلام آباد۔10جون  (اے پی پی): مزن وزیر محمد شہباز شریف ءَ اقتصادی گہتری، روزگار ءِ موہ، برآمدات ءُ پیداواری گنجائش ءِ تہ ءَ گیشی ءَ را یکجائی ذمہ واری لیک اِتگ ءُ گوشت کہ مرچی میکرو تک ءَ جاور ھال مھکم اَنت، فیڈریشن ءَ ھرچ جیڈھ ءِ سر ءَ صوبگ آنی گوما شور ءُ سلاھ کتگ۔ راجی پیداوار، گیش ءَ چہ گیش وسیلگ پیداک کنگ ءُ دفاع ءِ واستہ وسیلگ پجارینگ ءُ ایشی ءِ مھکم کنگ مئے اولی ترجی اِنت، تاوان ءِ گامگیج آنی آڑ ءَ الس ءَ را 128ارب کلدار ءِ معاوضہ داتگ، ما وت مہ وتی یکوئی ءُ تپاکی ءَ گوں ناشرکاری ءَ را سرجمی ءَ ھلاس کن ایں ۔ اے ھیالانی درشانی آئی ءَ چار شمبے ءِ روچ ءَ راجی اقتصادی کونسل ءِ دیوان ءَ گوں تران کنان ءَ کت اَنت۔ مزن وزیر ءَ سندھ، خیبر پختونخوا ءُ بلوچستان ءِ سر وزیراں گند ءُ نند ءَ دعوت داتگ ءُ گشتگ کہ پنجاب ءِ سر وزیر مریم نواز نادراہی ءِ سبب ءَ گند ءُ نند ءَ بہر زورگ ءَ نہ بوتگ۔ اللہ تعالیٰ آئی ءَ را کاملیں جان سلامتی ءِ دات کنت۔ مزن وزیر ءَ گوشت کہ مرچی ما این ای سی فورم ءَ مُچی ءَ آں۔ من اے سرجمیں وھد ءِ تہ ءَ ھر موہ ءِ سر ءَ شور ءُ سلاھ ءُ کمک ءِ ھاتر ءَ درستیں صوبائی سر وزیر آنی منت وار آں، وھدیکہ فیڈریشن ءَ ھر جیڈھ ءِ سر ءَ صوبہ آنی گوما سکیں مخلصی ءُ سنجیدگی ءَ گوں شور ءُ سلاہ کتگ ءُ راجی مفاد ءِ ھاتر ءَ جوانیں پیسلہ کتگ۔ اے سبب انت کہ مرچی مئے معیشت مزنیں چیلنج آنی دیم ءَ دارگ ءِ باوجود میکرو لیول ءَ مستحکم انت۔ بلے نوں دیمروئی ءِ شرح ءَ گیش کنگ سکیں ھاسیں پڑ اِنت۔ روزگار ءِ موہ، اقتصادی کارکردگی ءُ برآمدات ءِ تہ ءَ گیشی ءُ اقتصادی کاروائی آنی دیمروئی درست المی اَنت۔ مزن وزیر ءَ گوشت کہ مشکل آنی باوجود آئی ایم ایف پروگرام ءِ سر ءَ عمل کنگ ءِ واستہ کوشست کنگ بوتگ۔ انوگیں بحران ءِ سوب ءَ تل ءِ نھاد آسمان ءَ سر بوتگ ات۔ اے یک مزنیں چیلنجے ات۔ اے گرانیں جاور ھال ءَ چہ اگاں فدراسیون ءُ استانانی نیام ءَ ھمگرنچی مہ بوتیں گڑا چہ ایشی ءَ رکّگ نہ بوتگ ات۔ اے درگت ءَ سر وزیر آنی ھم سرجمیں کمک ءِ واستہ دل ءِ جہلانکی ءَ چہ منت وار آں ۔ فیڈریشن ءَ 100کروڑ کلدار ھرچ کتگ۔ 128 ارب ءِ زرّ چہ وتی سکیں کمیں وسیلگاں تل ءِ نھاد ءِ سر ءَ زرتگ۔ دگنیا ءِ بازیں ملکاں پٹرول پمپانی سرا لینرز ءِ گندگ بژن ات بلے وھد ءِ سرا گامگیج زورگ ءِ سوب ءَ پاکستان ءِ مہلوک ءَ پٹرول دست کپتگ ات۔ ما راج ءِ توقعات ءِ پیلو کنگ ءِ ھاترا ہر وڑیں کوشست کت۔ اے درستیں گپ چاریں استان ءُ فدراسیون ءِ یکے دومی ءِ یکوئی، ھمگرنچی ءُ ٹیم ورک ءِ آسر بوتگ اَنت۔ مزن وزیر ءَ گوشت کہ بجٹ ءِ ھوالگ ءَ گوستگیں بازیں ہفتگ آنی تہ ءَ صوبگ آنی گوما شدیدیں مشورہ جاری انت۔ گیشیں منابع ءِ پھجارینگ ءِ ھوالگ ءَ استان آنی گوما شور ءُ سلاھ بوتگ۔ مئے اولویت گیشیں وسیلگ ءِ پھجارینگ ءُ دفاع ءَ را مھکم کنگ اِنت۔ ناشرکاری ءِ ہلاس کنگ ءَ سرجمیں راج قربانی دیگ ءَ انت ، خاص خیبر پختونخوا ءُ بلوچستان ءِ مہلوک ، مات ، گہار ءُ ورنا کانود ءِ افسر ءُ پرسنل ءُ مئے سلاہ بندیں اُرد ءِ ورنا ءُ افسر شپ ءُ روچ قربانی دیگ ءَ انت ۔ تپاکی ءُ تپاکی ءَ گوں ما ناشرکاری ءِ ھلاسی ءَ کن ایں ءُ آ سرجمی ءَ گار ءُ بیگواہ بیت۔ مزن وزیر ءَ گوشت کہ راجی تک ءَ معیشت برجم اِنت، بلے عام مردم روزگار ءِ موہ، کشت ءُ کشاری ءُ صنعتی دیمروئی ءِ واستہ دلگوش اِنت، تانکہ ما جتاجتائیں شوبگ آنی تہ ءَ مردم آناں روزگار پجاری بہ کناں۔ ایشی ءِ واستہ وسیلہ لوٹ اَنت۔ مارا دیمروئی ءِ شرح ءُ برآمدات ءَ را گیش کنگ ءِ ھاتر ءَ ترغیب دیگی اِنت۔ من آئی ایم ایف ءِ منیجنگ ڈائریکٹر ءَ گوں گپ ءُ تران کتگ۔ آئی ءَ پاکستان ءِ دل سدکیں کوشست آں ساڑات۔ مزن وزیر ءَ صدر آصف علی زرداری ءَ گوں گند ءُ نند کت۔ زرداری، مسلم لیگ-نواز (ایم ایل اے) ءِ سروک محمد نواز شریف، پنجاب ءِ سر وزیر مریم نواز شریف،پاکستان پیپلز پارٹی  ءِ  چیئرمین بلاول بھٹو زرداری ، سر وزیر  سندھ سید مراد علی شاہ، وزیراعلیٰ خیبر پختونخوا سہیل آفریدی  ءُ سر وزیر   بلوچستان سرفراز بگٹی  ءِ جوانیں شور ءُ سلاھ دیگ ءِ پد ءَ شگر ءُ منت واری گپتگ۔