پاک اوگانستان ءِ سیمسر ءِ دمگاں موثر آپریشن ءِ تہ ءَ 26 ھندوستان ءِ کمک ءَ درئی ناشرکار بیران بوتگ اَنت، عطا اللہ تارڑ

اسلام آباد۔10جون  (اے پی پی): پاکستان ءَ گوستگیں ناشرکاری اُرشاں پد پاک اوگانستان ءِ سیم سر ءِ دمگ آنی سر ءَ فتنہ الدرئی ءِ کلیدی ناشرکار آنی پناہ گاہ ءُ ایمنیں پناہ گاہ آناں نشانگ جوڑ کنت۔ اے کارروائیانی تہا 26 ہندوستان ءِ کمک ءَ درئی ناشرکار بیران بوتگ انت۔ وفاقی وزیر اطلاعات ءُ شنگکاری عطا اللہ تارڑ ءَ چار شمبے ءِ روچ ءَ سوشل میڈیا پلیٹ فارم ”ایکس“ ءِ سر ءَ وتی پوسٹ ءِ تہ ءَ گوشت کہ پاکستان ءَ گوستگیں ناشرکاری اُرش آنی پد ءَ 9 جون 2026 ءَ موسیٰ درہ ءِ نزیک ءَ وفاقی کانسٹیبلری ءِ پوسٹ ءِ سر ءَ اُرش ءَ ھوار شمالی وزیرستان ءَ یک فوجی پوسٹ ءِ سر ءَ وت کُشیں اُرش ءِ کارمرد کنگ بوتگ۔ 2026 ءَ بوتگ ءُ 9 مئی 2026 ءَ بنو ءِ پولیس اسٹیشن ءِ سر ءَ وت کُشیں اُرش ءِ سبب ءَ پاکستان ءُ اوگانستان ءِ سیمسر ءِ دمگاں فتنہ الدرئی ءِ ناشرکارانی مستریں پناہ گاہ ءُ ایمنیں جاہ نشانگ جوڑ کنگ بوتگ اَنت۔ اے کارروائیانی تہا 26 درئی کشگ بوتگ انت کہ آہانی تہا ہندوستان ءِ حمایت کتگیں مردم ہم ہوار انت۔ مستندیں انٹیلی جنس ءِ بنیاد ءَ فتنہ الدرئی ءِ کیمپ ءُ پناہ گاہانی ھلاپ ءَ سکیں موثریں رنگے ءَ کارروائی کنگ بوتگ۔ اے وھد ءِ تہ ءَ چار ھاسیں ٹارگٹ سرجم ءَ ھلاس کنگ بوتگ اَنت کہ آھانی تہ ءَ یک تربیتی مرکزے، یک ایمنیں پناہ گاہے، سلاہ ءُ گولہ بارود ءِ کیش ءُ فتنہ الدرئی ءِ کمانڈر عالم خان خوشالی ءُ اختر محمد جانی خلم ءِ مرکز ھوار اَنت۔ وفاقی وزیر ءِ اھوالکاری ءَ گوشت کہ پاکستان ءَ مدام ھمساھگیں دمگ ءَ امن ءُ ایمنی لوٹ اِتگ بلے وتی شہری آنی جان ءُ مال ءِ رکھینگ مئے اولی ترجی اِنت۔ وفاقی اپیکس کونسل ءِ نیمگ ءَ منظور بوتگیں ’’استحکام ءِ ٹھینگ‘‘ ءِ وژن ءِ چیر دستی ءَ پاکستان ءِ سیکورٹی فورسز ءُ کانود ءِ نفاذ ءِ ادارگ وتی ناشرکاری ءِ ھلاپ ءَ کارروائیاں گوں سرجمیں زور ءَ برجاہ دار اَنت تانکہ برھونی ءِ سرپرستی ءَ ناشرکاری ملک ءَ چہ سرجمی ءَ ھلاس کنگ بہ بیت۔