ایچ ای سی ءَ الطاف حسن قریشی ءِ چیئر ءِ جوڑ کنگ ءِ شور ءُ سلاہ دیگ بیت،  احسن اقبال

اسلام آباد۔10جون  (اے پی پی): وفاقی وزیر ءِ منصوبہ بندی ءُ دیمروئی پروفیسر احسن اقبال ءَ گشتگ کہ نامداریں اھوالکار، دانشور ءُ نبشتہ کار الطاف حسن قریشی ءِ نام ءَ یک مزنیں یونیورسٹی ءِ تہا ’’طاف حسن قریشی چیئر‘‘ ءِ جوڑ کنگ ءِ تجویز ہائی کمیشن کمیشن ءَ دیگ بیت۔ نیشنل پریس کلب اسلام آباد ءَ مرحوم الطاف حسن قریشی ءِ یات ءَ برجم داشتگیں دلپدردی مراگش ءَ گوں تران کنان ءَ احسن اقبال ءَ گوشت کہ الطاف حسن قریشی یک انفرادی مردمے نہ بوتگ بلکیں یک یونیورسٹی یے بوتگ، آئی ءِ اصولی صحافت، فکری بصیرت ءُ راجی ھزمت مدام یات کنگ بنت۔ آئی ءَ گوشت کہ الطاف حسن قریشی وتی تہ ءَ اھوالکاری ءِ یک سرجمیں یونیورسٹی یے بوتگ ءُ آئی ءَ عملی رنگ ءَ اے گپ ثابت کتگ کہ قلم ءِ راست ءُ ذمہ واریں کارمرد کنگ ءَ چہ چاگرد ءِ رھشونی چون بوت کنت۔ آئی ءَ گوشت کہ استیں دور ءَ کہ ھال برے برے سلاہ ءِ رنگ ءَ کارمرد کنگ بیت، الطاف حسن قریشی ءِ راستیں، توازن ءُ اصولی اھوالکاری ورنائیں اھوالکار آنی واستہ چراگ ءِ چراگ انت۔ وفاقی وزیر ءَ گوشت کہ الطاف حسن قریشی ءِ ازمت آنی دگہ ھچ متبادل نیست ءُ آئی ءِ اکیڈمک ءُ اھوالکاری میراث ءِ رکھینگ ءِ واستہ آئی ءِ نام ءَ یک دائمی اکیڈمک ادارگی پلیٹ فارم ءِ جوڑ کنگ المی اِنت۔ آئی ءَ جار جت کہ آ چہ ہائیر ایجوکیشن کمیشن ءَ لوٹ کنت کہ یک مزنیں یونیورسٹی یے ءَ "الطاف حسن قریشی چیئر” جوڑ کنگ بہ بیت دانکہ آیوکیں نسل آئی ءِ فکر، پٹ ءُ پول ءُ صحافتی ھزمتاں چہ نپ چست بہ کن انت۔