فیلڈ مارشل سید عاصم منیر ءَ لبنان ءِ سلاہ بندیں اُرد ءِ کمانڈر ان چیف ءَ گوں گند ءُ نند کتگ، دمگی ایمنی ءِ جاور ھال، دفاعی کمک ءُ دو نیمگی فوجی سیادی ءَ را گیش کنگ ءِ امکانات راولپنڈی ءِ سر ءَ گپ ءُ تران

راولپنڈی۔9جون (اے پی پی): اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ لبنان ءِ سلاہ بندیں اُرد ءِ گوما دفاعی کمک ءَ را گیش کنگ ءِ واستہ پاک اُرد ءِ جزم ءِ سر ءَ زور پر دات۔ سئے شمبے ءِ روچ ءَ پاک اُرد ءِ پبلک ریلیشنز ڈیپارٹمنٹ ءِ نیمگ ءَ جاڑی بوتگیں بیان ءِ رد ءَ آرمی چیف ءُ دفاعی اُرد ءِ سروک فیلڈ مارشل سید عاصم منیر ءَ مرچی جنرل ہیڈ کوارٹر ءَ لبنان ءِ سلاہ بندیں اُرد ءِ کمانڈر ان چیف جنرل روڈولف ہیکل ءَ گوں گند ءُ نند کتگ۔ جی ایچ کیو ءَ سر بوھگ ءَ پد شرپداریں مہمان ءَ را سئیں سلاہ بندیں اُرد ءِ جوانیں پوشاکیں دستہ ءَ گارڈ آف آنر پیش کنگ بوت۔ گند ءُ نند ءِ ساھت ءَ دوئیں شخصیت آنی تہ ءَ وت مہ وتی ھب ءُ واھگ ءِ جیڈھ، دمگی ایمنی ءِ جاور، دفاعی کمک ءُ وت مہ وتی فوجی سیادی آنی تہ ءَ گیشی ءِ امکان آنی سر ءَ گپ ءُ تران کنگ بوت۔ گپ ءُ تران ءَ دوئیں ملک آنی سلاہ بندیں اُرد آنی نیام ءَ پیشہ وارانہ رابطہ آناں گیش مھکم کنگ، تربیتی کمک ءُ ادارگی رابطہ آناں گیش مھکم کنگ ءِ سر ءَ گپ ءُ تران کنگ بوتگ۔ فیلڈ مارشل سید عاصم منیر ءَ یک رندے پدا گوشت کہ پاکستان لبنان ءِ گوما وتی دیریں ءُ دوستی ءِ سیادی ءَ را ارزشت دنت ءُ لبنان ءِ سلاہ بندیں اُرد ءِ گوما دفاعی کمک ءَ را گیش کنگ ءِ واستہ پاک اُرد ءِ جزم ءِ سر ءَ زور پر دات۔ جنرل روڈولف ہیکل ءَ پاکستان ءِ سلاہ بندیں اُرد ءِ پیشہ وارانہ ءُ آپریشنل مہارت ءِ توسیپ کت ءُ دمگی امن، استحکام ءُ میاں اوستمانی امن ءِ کوشست آنی تہ ءَ آہانی کرد ءِ من اِت۔ اے تر ءُ تاب دوئیں سلاہ بندیں اُرد آنی نیام ءَ نزیکیں فوجی کمک ءَ را دیمروئی دیگ ءِ یکجائی جزم ءِ درشان اِنت۔