مزن وزیر ءَ کشت ءُ کشاری گہتری کار  ءِ حکومت ءِ ایجنڈا ءَ را دیم ءَ برگ ءِ واستہ ماہرین ءُ سیادی داروکیں اسٹیک ہولڈر آنی سر ءَ مشتمل کمیٹی جوڑ کنگ ءِ پنت ءُ شون کتگ، کشت ءُ کشاری شوبگ ءَ معیشت ءِ بحالی ءِ تہ ءَ انقلابی بدلی آرگ ءِ سرجمیں صلاحیت است انت، مزن وزیر شہباز شریف

اسلام آباد۔9جون  (اے پی پی): مزن وزیر محمد شہباز شریف ءَ معیشت ءِ بحالی ءِ تہ ءَ کشت ءُ کشاری ءِ شوبگ ءِ ارزشت ءِ سر ءَ زور پر دیان ءَ سرجمیں ملک ءَ چہ ماہرین ءُ سیادی داروکیں اسٹیک ہولڈر آنی تہ ءَ یک کمیٹی ءِ جوڑ کنگ ءِ پنت ءُ شون کتگ تانکہ حکومت ءِ کشت ءُ کشاری اصلاحات ءِ ایجنڈا ءَ را دیم ءَ برگ بہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ زراعت ءِ شوبگ ءِ اسٹیک ہولڈر آنی ڈل ءَ مزن وزیر محمد شہباز شریف ءَ گوں گند ءُ نند کت۔ ڈل ءِ تہ ءَ کشت ءُ کشاری تنظیم، ڈیری ءُ لائیوسٹاک، قدر ءُ قیمت ءِ شوبگ، بیج جوڑ کنوکیں کمپنی ءُ راجی ءُ کثیر القومی ادارگ آنی نمائندگ ھوار اتنت۔ اے گند ءُ نند ءِ مول ءُ مراد مالی سال 2026-2027ءِ وفاقی بجٹ ءَ چہ پیسر بجٹ ءِ ھوالگ ءَ زراعت ءِ شوبگ ءِ سٹیک ہولڈر آنی گوما شور ءُ سلاھ کنگ بوتگ۔ بیان ءِ رد ءَ شریکیں مردم آں دمگی استیں جاور ھال آنی تہ ءَ امن برجائی ءِ واستہ مزن وزیر ءِ کوشست آناں ساڑات۔ شریکیں مردماں انوگیں وھد ءَ دیم ءَ آؤرتگیں بیج پالیسی ءُ کشت ءُ کشاری اصلاحات ءِ وش آتک کت ءُ کشت ءُ کشاری شوبگ ءِ واستہ گیم چینجر ءِ نام دات۔ مزن وزیر ءَ ڈل ءَ گوں تران کنان ءَ گوشت کہ کشت ءُ کشاری ءِ شوبگ ءَ پاکستان ءِ معیشت ءِ زندگ بوھگ ءِ تہ ءَ انقلابی بدلی آرگ ءِ صلاحیت است انت۔ آئی ءَ گوشت کہ چینی اکیڈمی آف ایگریکلچرل سائنسز ءِ کمک ءَ کشت ءُ کشاری پٹ ءُ پول ءَ را ترندی دیگ ءِ واستہ پارک نوکیں لیکہ آنی سر ءَ جوڑ کنگ بوھگ ءَ انت۔ مزن وزیر ءَ کشت ءُ کشاری شوبگ ءِ پائیدار دیمروئی ءُ کشت ءُ کشاری اصلاحات ءِ ایجنڈا ءَ را دیم ءَ برگ ءِ واستہ سرجمیں ملک ءَ چہ ماہرین ءُ سیادی داروکیں اسٹیک ہولڈر آنی تہ ءَ یک کمیٹی ءِ جوڑ کنگ ءِ پنت ءُ شون کت۔ آئی ءَ گوشت کہ وفاق ءُ صوبگ آنی نیام ءَ موثر ھمگرنچی ءُ وفاقی ءُ صوبائی پالیشی ءُ ضوابط آنی تہ ءَ ھمگرنچی دل یکیمی کنگ بہ بیت۔ مزن وزیر ءَ پنت ءُ شون کت کہ فی ایکڑ پیداوار ءَ را گیش کنگ، موسمیاتی مٹ ءُ بدلی ءِ گوما ہمگرنچیں ہائبرڈ بیج ءِ دیمروئی، باغبانی ءِ دیمروئی، کشت ءُ کشاری میکانائزیشن ءُ ویلیو ایڈیشن ءِ سر ءَ دلگوشی دیگ بہ بیت۔ آئی ءَ پنت ءُ شون کت کہ صوبہ ءُ ھاسیں رنگ ءَ بلوچستان ءَ کپاس ءِ پیداوار ءَ را گیش کنگ ءِ ھاتر ءَ یک جامع منصوبہ پیش کنگ بہ بیت، ءُ دوبر جوڑ بوتگیں کپاس بورڈ ءَ را زوت سرپدی دیگ بہ بیت۔ مزن وزیر ءَ ڈیری ءُ لائیوسٹاک ءِ دیمروئی ءِ واستہ بھر زوروک آنی نیمگ ءَ پیش کتگیں پنت ءُ شون آناں وش اتک کنگ ءَ گوشت کہ حکومت کشت ءُ کشاری شوبگ ءِ برجائی دیمروئی، وردن ءُ وراک ءِ رکھینگ ءُ راجی معیشت ءِ برجائی ءِ واستہ توامیں سیادی داروکیں فریق آنی گوما شور ءُ سلاھ ءَ برجاہ دار ایت۔ ڈل ءَ را کشت ءُ کشاری ءِ شوبگ ءِ دیمروئی ءُ کشت ءُ کشاری ءِ وشھالی ءِ واستہ حکومت ءِ نیمگ ءَ چست کتگیں گامگیج آنی بابت ءَ سرپدی دیگ بوت، ایشی ءِ تہ ءَ سرپدی دیگ بوت کہ زرخیزی اسکیم ءِ چیر دستی ءَ کسانیں کشت ءُ کشاری آناں بینک آنی نیمگ ءَ آسانیں شرت آنی سر ءَ یک ملین کلدار ءَ تاں وام دیگ بوھگ ءَ اِنت۔ کسان آناں اسٹیٹ بینک آف پاکستان ءِ نیمگ ءَ رسک کوریج اسکیم ءُ فصل ءِ تاوان ءِ بیمہ دیگ بوھگ ءَ انت۔ بریفنگ ءِ رد ءَ ڈیری ءُ مال ءِ دیمروئی ءِ واستہ راجی جانور ءِ جان سلامتی ءِ ایکٹ ءُ راجی نسل کشی پالیسی ءِ مسودہ تیار کنگ بوتگ انت۔ بیان ءِ رد ءَ ڈل ءِ شریکیں مردماں کشت ءُ کشاری ءِ شوبگ ءَ گوں ھوالگ ءَ وتی جیڈھ آنی بابت ءَ سرپدی داتگ ءُ آھانی گیواری ءِ واستہ سر ءُ سوج ھم پیش کتگ۔ ڈل ءَ پاکستان ءِ کشت ءُ کشاری شوبگ ءِ دیمروئی ءِ واستہ حکومت ءِ گامگیج آناں ساڑات ءُ حکومت ءِ اقتصادی ءُ دیمروئی پالیسی آنی سر ءَ دل یکیمی ءِ درشان کت۔ اے ڈل ءِ تہ ءَ ارشد اقبال ، ذیشان بیگ، محمود نواز شاہ ، عماد ملک، رانا نسیم ، احسن مصطفیٰ باجوہ، جہانگیر ترین ، فہد پٹیل، شہزاد امین ، خضر عالم خان، آمنہ آصف باجوہ، ظہور حسین ، عثمان ظہیر، احمد قادر، آفاق ٹوانہ، شوکت رسول  ءُ  خالد کھوکھر  ھوار اتنت۔  گند ءُ نند ءَ بنجاھی   وزیر قومی  وردن ءُ وراک ءِ رکھینوک   رانا تنویر حسین ، وفاقی وزیر منصوبہ بندی احسن اقبال ، وفاقی وزیر موسمیاتی تبدیلی مصدق ملک، بنجاھی  وزیر  اھوالکاری ءُ شنگ کاری  عطاء اللہ تارڑ ، بنجاھی  وزیر پاور ڈویژن سردار اویس لغاری، وفاقی وزیر سائنس  ءُ  ٹیکنالوجی خالد مگسی، وزیر پٹرولیم علی پرویز ملک ، وفاقی وزیر آبی وسائل محمد معین وٹو ، وزیر مملکت برائے ھزانگ  ءُ  ریلوے بلال اظہر کیانی، ھاسیں  کمکار  ہارون اختر ءُ سیادی داروکیں مزنیں سرکاری کارندہ  ھوار بوتگ انت۔