ہربل دوائی ساعت ءِ لوٹ انت، حکومت اے شعبہ ءَ را یک موثر قانونی ءُ ریگولیٹری فریم ورک ءِ چیر دستی ءَ آرگ ءِ ھاتر ءَ گامگیج زورگ ءَ انت، وفاقی وزیر راجی جان سلامتی

اسلام آباد۔9جون  (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ ہربل دوائی وھد ءِ ضلورت انت، حکومت اے شوبگ ءَ را یک جوانیں کانود ءُ ریگولیٹری فریم ورک ءِ چیر دستی ءَ آرگ ءِ واستہ گامگیج کنگ ءَ انت۔ بوٹگ ءُ روایتی دوائی آنی ھوالگ ءَ سیمینار ءَ گوں تران کنان ءَ آئی ءَ گوشت کہ بوٹگ ءُ روایتی دوائی آنی ھوالگ ءَ جوانیں کانود ءُ ضوابط نیست ات، البت وزارت جان سلامتی ءَ اے جیڈھ ءِ سر ءَ سنجیدگی ءَ گوں ھیال ءُ لیکہ کتگ ءُ پیش کرتگیں کانود وزارت ءِ کانود ءَ را روان داتگ۔ آئی ءَ گوشت کہ آیوکیں لھتیں ھپتگ آنی تہ ءَ اے شوبگ ءِ واستہ باقاعدہ ریگولیشنز جوڑ کنگ بنت۔ مصطفیٰ کمال ءَ اے گپ ءِ پدرائی کت کہ اے سیمینار مغربی طب ءِ ھلاپ ءَ نہ بوتگ بلکیں علاج ءِ جتا جتائیں رھبندانی ارزشت ءَ را پدر کنگ ءِ ھاترا برجم دارگ بوتگ۔ آئی ئَ گوشت کہ ھمک شوبگ ئِ وتی ارزشت ھست، جان سلامتی ئِ نظام ئَ دراھیں موثریں علاج ئِ راہ آناں جوانیں جاگہ ​​دیئگ بہ بیت۔ وفاقی وزیر برائے راجی جان سلامتی ءَ گوشت کہ پاکستان ءَ یک نادراہ ءِ جان سلامتی ءِ واستہ اوسط ءَ 8 روچ لگ ایت وھدیکہ دگنیا ءِ بازیں ملک آنی تہ ءَ ھمے وھد ءِ کساس سئے روچ اِنت۔ آئی ءَ گوشت کہ ملک ءَ جان سلامتی ءِ آسراتی آنی سر ءَ دباؤ مُدام گیش بوھگ ءَ اِنت، نادراھجاہ جوڑ کنگ ءَ ابید ھم نادراہ آنی کساس مُدام گیش بوھگ ءَ اِنت۔ آئی ءَ چیدگ ءِ درشان کت ءُ گوشت کہ ملک ءَ ھمک سال نزیک ءَ 5.6 لکھ نوکیں زھگ ودی بوھگ ءَ انت وھدیکہ نادراھی ھم گیش بوھگ ءَ انت۔ اگاں اے جاور برجاہ بہ بنت گڑا ہر کوچگ ءَ ہسپتال جوڑ کنگ بہ بنت ہم اے لوٹ پیلو نہ بیت۔ آئی ءَ گوشت کہ پاکستان جان سلامتی ءِ شوبگ ءَ مزنیں چیلنج آنی گوما دیم پہ دیم انت ایشی ءَ چہ زوت اصلاحات ءِ ضلورت انت۔ مصطفیٰ کمال ءَ گوشت کہ پاکستان ءَ کارمرد بوھوکیں دوائی آنی تہ ءَ نزیک ءَ 85درسد ملک ءِ اندر ءَ جوڑ کنگ بنت، البت ایشانی جوڑ کنگ ءِ واستہ لوٹوکیں خام مال گیشتر درملک ءَ چہ آرگ بیت۔ آئی ءَ گوشت کہ دو روچی سیمینار ءِ گڈ سر ءَ ماہرین آنی سفرشات ءُ رہشونی آنی سر ءَ چار ءُ تپاسی کنگ بیت ءُ ایشی ءِ رد ءَ عملی گامگیج چست کنگ بیت۔ وفاقی وزیر برائے راجی جان سلامتی ءَ وتی جزم ءِ درشان کت کہ حکومت اے شوبگ ءِ دیمروئی ءُ جوانیں ریگولیشن ءِ واستہ گامگیج برجاہ دار ایت ءُ اے جیڈھ ءِ سر ءَ ھچ وڑیں لاپروائی ءِ موہ دیگ نہ بیت۔