مزن وزیر ءَ دیوان ءِ سروکی کت، بجلی ءِ بہر ءُ بانگ ءِ کمپنی آنی نجکاری ءَ را ترند کنگ ءِ پنت ءُ شون

اسلام آباد۔9جون  (اے پی پی): مزن وزیر محمد شہباز شریف ءَ بجلی ءِ بہر ءُ بانگ ءِ کمپنی آنی نجکاری ءِ عمل ءَ را ترند کنگ ءِ پنت ءُ شون کتگ ءُ گوشت کہ تاوان ءِ سبب جوڑ بوتگیں سرکاری ادارگ آنی نجکاری حکومت ءِ اولی ترجی اِنت، ءُ درستیں کارروائی شفافیں رنگ ءَ سرجم کنگ بہ بنت۔ آ سئے شمبے ءِ روچ ءَ وتی سروکی ءَ بجلی ءِ بہر ءُ بانگ ءِ کمپنی آنی نجکاری ءِ ھوالگ ءَ چار ءُ تپاسی دیوان ءَ گوں گشتانک دیگ ءَ ات۔ گند ءُ نند ءَ نائب مزن وزیر ءُ درئی کارانی وزیر سینیٹر محمد اسحاق دار، وفاقی وزیر ءِ کانود ءُ انصاف اعظم نظیر احمد تارڑ، وفاقی وزیر ءِ اقتصادی امور احد خان چیما، وفاقی وزیر ءِ مالیات ءُ آمدنی، وفاقی وزیر ءِ برات صغروی اد دی اورنگزیب ءَ شریک بوتگ انت۔ نجکاری ءِ بابت ءَ محمد علی، مالیات ءُ ریلوے ءِ وزیر مملکت بلال اظہر کیانی ءُ سرکاری مزنیں کارندہ آں چہ سیادی داروکیں مردم آنی سر ءَ گپ ءُ تران کنگ بوتگ۔ مزن وزیر ءَ گوشت کہ تاوان ءِ آماچیں سرکاری ادارگ آناں نجکاری مئے اولی ترجی انت۔ آئی ءَ بجلی ءِ بہر ءُ بانگ ءِ کمپنی آنی نجکاری ءِ کار ءَ را ترند کنگ ءِ پنت ءُ شون کت ءُ گوشت کہ نجکاری ءِ توامیں کار سکیں شفافیں رنگ ءَ سرجم کنگ بہ بنت۔ آئی ءَ ڈسکو آنی نجکاری ءَ پد یک مھکمیں ریگولیٹری فریم ورک ءِ جوڑ کنگ ءِ ھم پنت ءُ شون کتگ۔ گند ءُ نند ءَ ڈسکو آنی نجکاری ءِ ھوالگ ءَ پیشرفت ءِ بابت ءَ سرپدی دیگ بوت، ایشی ءِ رد ءَ اولی بھر ءَ اسلام آباد الیکٹرک سپلائی کمپنی، گجرانوالہ الیکٹرک پاور کمپنی ءُ فیصل آباد الیکٹرک سپلائی کمپنی ءِ نجکاری کنگ بیت۔ بریفنگ ءِ تہ ءَ گوشگ بوت کہ اے سئیں ڈسکو آنی نجکاری ءِ ھوالگ ءَ راجی ءُ میاں اوستمانی تاک آنی تہ ءَ ایکسپریشن آف انٹرسٹ دیگ بوتگ ءُ کابینہ ءِ نجکاری کمیٹی ءَ اے سئیں ڈسکو آنی نجکاری ءِ ھوالگ ءَ لین دین ءِ ڈھانچہ ءِ ھم منظوری داتگ۔ بریفنگ ءِ رد ءَ اے ماہ ءَ چہ سرمایہ کارانی دلگوشی ءِ واستہ روڈ شو ءِ برجم دارگ بوھگ ءَ اِنت، سعودی عرب، ترکی ءُ چین ءِ سرمایہ کارانی واستہ میاں اوستمانی تک ءَ روڈ شو ھم برجم دارگ بوھگ ءَ اِنت۔