وفاقی وزیر محمد جنید انور چوہدری ءَ شاہد آفریدی ءَ گوں گند ءُ نند کتگ، کوسٹل اسپورٹس ءُ اینڈ اوشین اویئرنس ڈرائیو    ءِ بابت ءَ گپ ءُ تران

اسلام آباد۔9جون  (اے پی پی): وفاقی وزیر برائے میری ٹائم محمد جنید انور چوہدری ءُ پاکستان کرکٹ ٹیم ءِ پیسریگیں کپتان شاہد آفریدی ءِ نیام ءَ یک ھاسیں گند ءُ نند ءِ برجم دارگ بوت ایشی ءِ تہ ءَ پاکستان ءِ بندرگاہ ءُ اسپورٹس سیکٹر ءِ نیام ءَ کمک ءَ را گیش کنگ ءِ ھوالگ ءَ سرجمیں گپ ءُ تران کنگ بوت۔ گند ءُ نند ءَ وفاقی وزیر ءَ لیب ءُ گوازی ءِ دیمروئی ءِ واستہ بندرگاہ ادارگ آنی کمک ءِ دل یکیمی دات ءُ گوشت کہ پاکستان ءِ بندرگاہ ءُ کوسٹل انفراسٹرکچر ملک ءَ لیب ءُ گوازی ءِ دیمروئی ءُ برجا بوھگ ءِ واستہ ھاسیں کرد پیلو کت کنت۔ اے مول ءُ مراد ءِ ھاتر ءَ ساحلی دمگ آنی تہ ءَ اسپورٹس ءِ دیمروئی، ورنا آناں ھوار بوھگ ءُ چاگردی ھوار بوھگ ءِ ھاتر ءَ ھاسیں پلیٹ فارم آنی جوڑ کنگ ءِ ھاتر ءَ پیشکش آنی سر ءَ چار ءُ تپاسی کنگ بوتگ۔ آئی ءَ گوشت کہ بندرگاہ ءُ دریائی دمگ نوں ایوک ءَ تجارت ءُ رسد ءِ تہ ءَ بندوک نہ اَنت بلکیں راجی دیمروئی ءِ ھاسیں مرکز جوڑ بوھگ ءَ اَنت کہ ایشی ءِ تہ ءَ اسپورٹس، وانگ ءُ زانگ ءُ چاگردی سرپدی یکجا کنگ بوت کنت۔ وفاقی وزیر ءَ گوشت کہ بلیو اکانومی ءِ وژن ءِ چیر دستی ءَ اسپورٹس ءِ دیمروئی ءَ را ھم ھوار کنگ بوت کنت، ایشی ءِ واستہ سرکاری ءُ نجی شریکداری ءِ وسیلگ ءَ کوسٹل اسپورٹس اکیڈمی، کرکٹ ٹریننگ سینٹر ءُ ورنا آنی واستہ ھاسیں پروگرام جوڑ کنگ بوت کنت۔ آئی ءَ گوشت کہ کرکٹ پاکستان ءِ تہ یکوئی ءِ مستریں نشان اِنت، ءُ ایشی ءَ را سمندری پجار ءِ گوما یکجا کنگ بہ بیت گڈا اے سمندر آنی رکھینگ، موسمی بدلی ءُ سمندری وسیلگ آنی ارزشت ءِ بابت ءَ ورنا آنی تہ ءَ سرپدی پیداک کنگ ءِ یک موثریں وسیلگ جوڑ بوت کنت۔ آئی ءَ گوشت کہ کھیڈ آناں دریائی سرپدی ءِ مہم آنی گوما یکجا کنگ ءَ چہ نہ ایوک ءَ چاگردی جیڈھ آناں دریائی آلودگی ءُ ماہی گیری وسیلگ آنی ھلاسی ءِ وڑیں جیڈھ آنی گیواری کنگ بیت بلکینگ ءَ کوسٹل ایریا آنی ورنا آنی واستہ جوانیں موہ ھم پیداک کنگ بیت۔ شاہد آفریدی ءَ اے تجویز ءِ وش اتک کت ءُ گوشت کہ ورنا آناں جوانیں کار آنی نیمگ ءَ راجیگ کنگ ءِ جوانیں وسیلگ انت ءُ چاگردی سرپدی ءِ واستہ ھم جوانیں رنگ ءَ کارمرد کنگ بوت کنت۔ آئی ءَ گوشت کہ پاکستان ءِ کوسٹ لائن ءَ اسپورٹس ٹورزم ءُ گراس روٹ کرکٹ ءِ دیمروئی ءِ واستہ بے دروریں موہ رس ایت۔ دیوان ءَ کراچی، گوادر ءُ ایندگر بندرگاہ شہر آنی تہ ءَ کوسٹل اسپورٹس اینڈ اوشن آگیرینس ڈرائیو ءِ بندات کنگ ءِ سر ءَ ھم ھیال ءُ لیکہ کنگ بوت، ایشی ءِ تہ ءَ کرکٹ ٹورنامنٹ ءِ ھوار مینگرو ءِ رکھینگ، سمندری بائیو ڈائیورسٹی ءُ وسیلگ آنی ذمہ واری ءِ رنگ ءَ کارمرد کنگ ءِ ھوالگ ءَ سرپدی سیشن ھم ھوار بنت۔ اے مجوزہ فریم ورک ءِ رد ءَ بندرگاہ ءِ واکدار بنیاتی انفراسٹرکچر ءِ کمک ءَ کن اَنت وھدیکہ اسپورٹس آرگنائزیشنز ءُ نجی شعبہ تربیت ءُ سرپدی ءِ پروگرام جوڑ کن اَنت۔ گند ءُ نند ءِ گڈ ءَ اے گپ ءِ سر ءَ تپاک کنگ بوت کہ میری ٹائم ءُ اسپورٹس شوبگ آنی نیام ءَ کمک ءِ واستہ یک سرجمیں روڈ میپ ءِ جوڑ کنگ بیت ایشی ءِ مول ءُ مراد پاکستان ءِ نیلیں معیشت ءِ وژن ءَ را مھکم کنگ ءُ اسپورٹس ءِ وسیلگ ءَ چاگردی یکوئی ءُ چاگردی سرپدی ءَ را گیش کنگ بیت۔