گورنر بلوچستان نا ڈاکٹر ماہ نور ناصر نا باوہ تون ٹیل فون آ رابطہ، زہمی خاہوت تون پورو یکجہتی نا درشان

کوئٹہ۔ 08 جون (اے پی پی ) گورنر بلوچستان جعفر خان مندوخیل ڈاکٹر ماہ نور ناصر نا باوہ جناب حبیب اللہ خان ناصر ءِ ٹیل فون کرے ہرافتیا زوت آتے اٹ تیزاب گردی نا اسہ است ہسون جلہو اس کننگا و او داوخت آ کراچی ٹی درمان مننگ ءِ۔ ٹیل فون رابطہ ٹی گورنر بلوچستان جعفر خان مندوخیل زہمی خاہوت تون ڈکھیائی و یکجہتی نا درشانی ءِ کرسا ڈاکٹر ماہ نور نا خصوصی درمان و پلاسٹک سرجری نا پیشن نا ملک بست وبند ءِ کننگ نا پیش کش کرے ، نن غٹ ڈاکٹرماہ نور نا ڈکھیائی و تکلیف اٹی بریبر نا شریک اُن۔ مچ آقوم ءِ ڈاکٹر ماہ نور کون آ بہادر مسڑ آ گمر ءِ و مچ آ بلوچستان نا الس مشکل نا داساہت اٹی اوڑتون سلوک ءِ۔ گورنر مندوخیل ہندا غمزدہ خاہوت ءِ ٹھپی لیڈی ڈاکٹر نا گچین طبی چیٹ ءِ پک کننگ کن ہرممکنہ کمکاری نا باوری کرفسا پارینے کہ نن ڈاکٹر ماہ نور ءِ تینا اولیادآن اسُل کم تکپنہ۔ اوداہیت آ زور شاغا کہ صوبائی حکومت اونا درمان نا بابت غٹ خڑچ آتے سگنگ ءِ و اولی دے آن اونا درمان و دراخ جوڑی کن سنبرینگوک ءِ۔ صوبہ نا غٹ جان جوڑی نا ہند آتیٹی مسیحاتا بابت گورنر مندوخیل پارے کہ نن غٹ دوئی وسیلہ غاتے جان جوڑی نا چیٹ کروک آ ڈاکٹرز اینڈ پیرامیڈیکل اسٹاف نارکھ و وقار ءِ پک کننگ کن کوشست کننگ اُن۔ نن خذمت خلق انا جوزہ غان سرشار مرسا انسانی ہمدردی و لگن اٹ دے و نن خذمت کننگ ءُ۔