تمیم اقبال بنگلہ دیش کرکٹ بورڈ ءِ صدر گچین کنگ  وشیں گپ اِت، محسن نقوی

لاہور۔8جون  (اے پی پی): پاکستان کرکٹ بورڈ ءِ چیئرمین محسن نقوی ءَ تمیم اقبال ءَ را بنگلہ دیش کرکٹ بورڈ ءِ صدر ءِ بستار ءَ بے مخالفت گچین بوھگ ءِ پد ءَ مبارکی داتگ۔ محسن نقوی ءَ وتی بیان ءِ تہ ءَ تمیم اقبال ءِ واستہ نیکیں واھگ آنی درشان کت ءُ گوشت کہ بنگلہ دیش کرکٹ بورڈ ءِ صدر ءِ بستار ءَ آئی ءِ گچین بوھگ کرکٹ ءِ دیمروئی ءِ واستہ نیکیں گپ اِنت۔ آئی ءَ امیت سہرا کت کہ تمیم اقبال ءِ سروکی ءَ بنگلہ دیش کرکٹ بورڈ ملک ءَ کرکٹ ءِ دیمروئی ءُ لیب ءِ گہتری ءِ واستہ سرجمیں رنگ ءَ کرد پیلو کنت۔ محسن نقوی ءَ گوشت کہ پاکستان کرکٹ بورڈ ءُ بنگلہ دیش کرکٹ بورڈ ءِ نیام ءَ دوستی ءُ پیشہ وارانہ سیادی گیش مھکم بنت، ایشی ءَ چہ دوئیں ملک آنی تہ ءَ کرکٹ ءِ دیمروئی ءِ واستہ سیت مند ثابت بیت۔