نائب مزن وزیر اسحاق ڈار ءَ دیوان ءِ سروکی کت، آٹو ءُ آٹو پارٹس پالیسی ءِ مسودہ ءَ را گڈی رنگ دیگ ءِ واستہ ذیلی کمیٹی جوڑ

اسلام آباد۔8جون  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ مزن تک ءِ دیوان ءِ سروکی ءَ کت ایشی ءِ تہ ءَ آٹو ءُ آٹو پارٹس پالیشی ءِ سر ءَ چار ءُ تپاسی کنگ بوت ایشی ءِ تہ ءَ ھاسیں رنگ ءَ پاکستان ءَ الیکٹرک گاڑی  (EVs) آنی نیمگ ءَ رھادگ بوھگ ءَ را ترند کنگ ءِ سر ءَ دلگوشی دیگ بوت۔ دو شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ کمیٹی ءَ را الیکٹرک گاڑی (EVs)  آناں دیمروئی دیگ، بنجاہی مینوفیکچرنگ ءَ را مھکم کنگ، کمکی حکومتی پالیشی آنی وسیلگ ءَ صنعت ءِ دیمروئی ءَ را آسراتی دیگ، نوکیں روزگار ءِ موہ پیداک کنگ، برآمدات ءَ را گیش کنگ ءُ پاکستان ءِ موسمیاتی اثر آناں کم کنگ ءِ تہ ءَ کمک کنگ ءِ گامگیج آنی بابت ءَ سرپدی دیگ بوتگ۔ نائب مزن وزیر ءُ دری کارانی وزیر سینیٹر محمد اسحاق ڈار ءَ یک مسابقتی، نوکیں ءُ پائیدار آٹوموٹو ایکو سسٹم ءِ دیمروئی ءِ سرا زور پر دات کہ ایشی ءَ چہ اقتصادی دیمروئی ءِ حمایت کنگ بیت، صنعتی گنجائش ءَ را گیش کنگ، ہنرمندیں روزگار پیداک کنگ ءُ آیوکیں وھد ءِ ثبوت آٹوموٹو شوبگ ءِ وسیلگ ءَ چاگردی رکھینگ ءَ کمک کنگ بیت۔ پائیداری ءَ را دیم ءَ برگ۔ یک جامع ءُ مشاورتی نقطہ نظر ءِ یقینی جوڑ کنگ ءِ ھاتر ءَ یک ذیلی کمیٹی ءِ جوڑ کنگ بوتگ کہ آ درستیں اسٹیک ہولڈر آنی گوما مشورہ ءَ پالیسی ءِ مسودہ ءِ چار ءُ تپاسی ءُ گڈی رنگ ءَ بہ کنت۔ گند ءُ نند ءَ توانائی، پٹرولیم ءُ موسمیاتی بدلی ءِ وزیر، مزن وزیر ءِ صنعت ءُ پیداوار ءِ مشیر، خزانہ ءُ ریلوے ءِ وزیر مملکت، مزن وزیر ءِ ھاسیں کمکار طارق باجوہ، تجارت، صنعت ءُ پیداوار ءِ سیکرٹری، پیٹرول ایم سی ءِ سینئر دی کوآرڈینیٹر، وزارت ءُ نامداریں پالیسی کارشناس ءُ اقتصادی زانتکاراں چہ دیم ءَ اتکگ۔