خیبر پختونخوا ءِ گورنر ءَ شمالی وزیرستان ءَ سوبمندیں آپریشن ءِ ھاتر ءَ سیکورٹی فورسز ءَ را  توسیپ ءُ ستا

اسلام آباد۔8جون  (اے پی پی): خیبر پختونخوا ءِ گورنر فیصل کریم کنڈی ءَ شمالی وزیرستان ءَ سوبمندیں آپریشن ءِ ھاتر ءَ سیکورٹی فورسز ءَ را خراج تحسین پیش کتگ۔ دو شمبے ءِ روچ ءَ اسلام آباد ءَ گورنر ءِ کارگس ءِ نیمگ ءَ چہ جاڑی بوتگیں بیان ءِ تہ ءَ گورنر ءَ گوشت کہ میران شاہ ءَ انٹیلی جنس ءِ سر ءَ بنیات ءِ سر ءَ سوبمندیں آپریشن آنی واستہ سیکورٹی فورسز ءَ را مبارک بات دیگ ءَ آں ۔ آئی ءَ گوشت کہ گوستگیں 72کلاک آنی تہ ءَ بھارتی سرپرستی ءَ چہ 27 ناشرکار آنی ھلاسی یک مزنیں سوبمندی یے، راجی سلامتی ءِ رکھینگ ءُ پڑ ءَ دائمی امن ءِ برجائی ءِ واستہ اے سوبمندیں آپریشن سک باز المی اَنت۔ آئی ءَ گوشت کہ میران شاہ ءِ نامداریں قبائلی سروک شھید ملک سیف اللہ داور ءِ آپریشن ءِ تہ ءَ ھلاس کنگ ناشرکاری ءِ آماچیں کھول آنی ٹپ آنی سر ءَ پٹی لگگ ءِ برابر اِنت۔ آئی ءَ گوشت کہ خیبر پختونخوا ءِ الس ھاسیں رنگ ءَ یکجا بوتگیں ضلع آناں ناشرکاری ءِ ھلاپ ءَ بے دروریں قربانی داتگ، ریاست ءِ ھلاپیں عناصر آناں پدا امن ءُ ایمنی ءِ تہ ءَ ھرابکاری ءِ موہ دیگ نہ بیت۔ خیبر پختونخوا ءِ گورنر ءَ گوشت کہ ناشرکاری ءِ سرجمیں ھلاسی ءِ واستہ سیکورٹی فورسز، کانود ءِ برجائی ءِ ادارگ ءُ الس یکجائی ءَ انت۔ آئی ءَ اے جزم ءِ پدا زور دات کہ وفاقی حکومت ءِ وژن ءُ راجی ایکشن پلان ءِ چیر دستی ءَ جاری ’’اعظم استاق‘‘ مہم ءِ وسیلگ ءَ ناشرکاری ءِ ھوپ  ءِ ھلاسی کنگ بیت۔