وفاقی وزیر برائے جہانی اقیانوس ءِ روچ ءَ گشتگ کہ چاگردی دباؤ ءِ گیش بوھگ ءِ رد ءَ دریائی وسیلگ آنی رکھینگ ءِ ھاتر ءَ زوتیں ءُ اجتماعی گامگیج المی انت

اسلام آباد۔8جون  (اے پی پی): وفاقی وزیر برائے سمندری کار محمد جنید انور چوہدری ءَ جہانی اقیانوس ءِ روچ (8جون) ءِ موہ ءَ انسانیت ءُ اقیانوس آنی نیام ءَ سیادی ءِ سر ءَ دوبر چار ءُ تپاسی ءِ ضلورت ءِ سر ءَ زور پر دیان ءَ گوشت کہ   یکجائی گامگیج ءِ رکھینگ المی اِنت۔ دباؤ ءِ سرا انت۔ دو شمبے ءِ روچ ءَ وزارت ءِ نیمگ ءَ جاڑی بوتگیں بیان ءِ رد ءَ وفاقی وزیر ءَ گوشت کہ سمندر ایوک ءَ دوریں ماحولیاتی نظام نہ اَنت بلکیں زمین ءِ بنیاتی زندمان ءِ کمک ءِ نظام اَنت کہ آ ھوا، وردن ءُ جھان ءِ موسم ءِ رھبند ءِ تہ ءَ کلیدی کرد پیلو کن اَنت۔ آئی ءَ گوشت کہ نوں وھد اِنت کہ سمندر آنی بابت ءَ ایوک ءَ سرپدی ءَ چہ دیم ءَ روگ ءُ ایشی ءِ رکھینگ، بحالی ءُ پائیدار کارمردی ءَ را یک مشترکہ جھان ءِ ذمہ واری ءِ رنگ ءَ زورگ ءِ واستہ عملی گامگیج چست کنگ بہ بیت۔ وفاقی وزیر ءَ کوسٹل پروٹیکشن ءِ واستہ جاری گامگیج آنی ذکر کنان ءَ کراچی بندرگاہ ٹرسٹ ءِ ہفتگی صفائی مہم ءِ توسیپ کت کہ ایشی ءِ مول ءُ مراد دریائی ردی ءَ را کم کنگ ءُ بندرگاہ ءِ چاگرد ءَ را گہتر کنگ اِنت۔ آئی ءَ گوشت کہ کوسٹل ایریا آنی بحالی ءُ دریائی زندمان ءِ تنوع ءِ دیمروئی ءِ واستہ جتا جتائیں منصوبگ آنی سر ءَ ھم کار کنگ بوھگ ءَ اِنت۔ آئی ءَ گیش گوشت کہ مینگرو ءِ بحالی پاکستان ءِ کوسٹل ریزیلنس ءِ حکمت عملی ءِ یک ھاسیں ستون اِنت، چیا کہ آ نہ ایوک ءَ کاربن ءَ را جذب کن اَنت بلکیں طوفان ءِ اثر آناں کم کنگ ءُ مچ آنی نسل کشی ءِ جاہ آنی رکھینگ ءَ ھم بنیاتی کرد پیلو کن اَنت۔ محمد جنید انور چوہدری ءَ ورنا ءُ سول سوسائٹی ءِ چاگردی کوشست آنی ھم ستا کرتگ ءُ کراچی ءِ ریہری گوتھ ءِ دمگ ءَ سالٹ واٹر مرینا ءِ بُن ھشت ایر کنوکیں ورنائیں چاگردی کارکن الماس قصمانی ءِ ھاسیں نام گپتگ۔ آئی ءَ گوشت کہ الماس قصمانی مینگرو ءِ رکھینگ، بائیو ڈائیورسٹی ءِ دستاویزات، ماحول دوستیں سیل ءُ سواد ءِ دیمروئی ءُ درچک ءِ کشت ءُ کشار ءِ مہم آنی تہ ءَ سرگرمیں کرد پیلو کنگ ءَ اِنت ءُ آئی ءَ را کراچی پورٹ ٹرسٹ ءِ سفیر ھم نامینتگ۔ آئی ءَ اقوام متحدہ ءِ ماحولیاتی پروگرام ءِ رپورٹ آنی حوالہ ءَ گوشت کہ موسمیاتی بدلی، زندمان ءِ تنوع ءِ ھلاسی ءُ آلودگی ءِ تہ ءَ گیشی ءِ سبب ءَ سمندر کہ جھان ءِ موسم ءِ ھاسیں ریگولیٹرز انت آ سکیں دباؤ ءِ آماچ انت۔ آئی ءِ رد ءَ پاکستان ءَ ھوار دیمروئی کنوکیں ملک آناں ساحل ءِ ھترہ ءُ مالی وسیلگ ءِ کمی ءِ وڑیں مزنیں جیڈھ آنی دیمپانی کنگ ءَ انت۔ وفاقی وزیر ءَ یورپی یونین ءِ اوشن آئی منصوبہ ءِ ذکر کت ءُ گوشت کہ اے منصوبہ ءَ چہ سمندری نگرانی ءُ چاگردی انتظام ءَ را گہتر کنگ ءِ ھاتر ءَ ھاسیں موہ رس ایت۔ آئی ءَ گوشت کہ پاکستان ڈیٹا شیئرنگ ءُ میری ٹائم انوویشن ءِ شوبگ آنی تہ ءَ میاں اوستمانی کمک ءَ چہ سیت چست کت کنت۔ آئی ءَ گوشت کہ ساحلی معیشت آنی آیوکیں وھد ءَ دریائی ماحولیاتی نظام ءِ رکھینگ ءُ بحالی ءَ گوں بندوک انت۔ آئی ءَ درستیں سیادی داروکیں اسٹیک ہولڈر، حکومت، صنعت ءُ سول سوسائٹی ءَ را زور پر دات کہ آ ایوک ءَ جار ءِ بدل ءَ ٹھوس ءُ عملی گامگیج آناں دل یکیمی بہ کن اَنت۔