مزن وزیر شہباز شریف ءَ گلگت بلتستان ءِ ساپ ءُ سلہ ءُ پرامن ءُ سیاسی رد ءَ  برجائیں  گچین کاری ءِ پد ءَ گلگت بلتستان ءِ الس ءَ را مبارک بات داتگ

اسلام آباد۔8جون  (اے پی پی): مزن وزیر محمد شہباز شریف ءَ گلگت بلتستان ءَ ساپ ءُ سلہ، پرامن ءُ سیاسی رد ءَ سرگرمیں گچین کاری ءِ برجم دارگ ءِ پد ءَ گلگت بلتستان ءِ الس ءَ را مبارکی داتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاکستان پیپلز پارٹی ءَ را مبارکی دات کہ گلگت بلتستان ءِ گچین کاری ءَ اکثریتی سیاسی پارٹی ءِ رنگ ءَ سہرا بوتگ۔ مزن وزیر ءَ اے سوبمندی ءِ پد ءَ صدر آصف علی زرداری ءُ بلاول بھٹو زرداری ءَ را مبارک بات دات۔ آئی ءَ پاکستان مسلم لیگ نواز ءِ سوبمندیں اُمیت وار آناں ھم مبارکی دات کہ آھاں گچین کاری ءِ پڑ ءَ جوانیں جنگ کتگ۔ مزن وزیر ءَ گوشت کہ مسلم لیگ ن ءِ ٹیم ءَ مزنیں محنت کتگ، من آھاں مبارک بات دیان آں ۔ مزن وزیر ءَ گوشت کہ آ گلگت بلتستان ءَ ھم درستیں سوبمندیں اُمیت وار آناں مبارک بات دنت، ءُ گلگت بلتستان ءِ الس ھم سیاسی کار آنی تہ ءَ سرگرمیں بھر زوری ءِ ھاترا ھاسیں ستا ءِ مستحق اَنت۔ مزن وزیر ءَ گوشت کہ پرامن، سدکیں گچین کاری ءُ سیاسی چست ءُ ایر جمہوریت ءِ زیبائی انت، الیکشن کمیشن ءَ سدکیں ءُ بے رھبندیں گچین کاری دل یکیمی کتگ، اے ستا کرز انت۔ آئی ءَ پولیس ءُ کانود ءِ برجائی ءِ ادارہ آناں پرامن گچین کاری ءِ برجائی ءِ تہ ءَ فعالیں کرد ءِ ستا کرتگ۔\932