سینیٹ ءِ چیئرمین سید یوسف رضا گیلانی  گوشت کہ  اقیانوس انسانی زند، ایکولوجیکل توازن، فوڈ سیکیورٹی ءُ اقتصادی دیمروئی ءِ مستریں وسیلہ انت

اسلام آباد۔8جون  (اے پی پی): سینیٹ ءِ چیئرمین سید یوسف رضا گیلانی ءَ جہانی اقیانوس ءِ روچ ءِ موہ ءَ وتی کلوہ ءِ تہ ءَ دریائی ماحولیاتی نظام ءِ رکھینگ، وسیلگ آنی پائیدار کارمردی ءُ چاگردی سرپدی ءِ دیمروئی ءِ سر ءَ زور پر دات۔ چیئرمین سینیٹ ءَ گوشت کہ سمندر انسانی زندمان، ماحولیاتی توازن، فوڈ سیکیورٹی ءُ اقتصادی دیمروئی ءِ مستریں وسیلگ انت، پمیشکا ایشانی رکھینگ ءُ پائیدار کارمردی ءِ واستہ راجی ءُ جھان ءِ تک ءَ موثر گامگیج المی انت۔ آئی ءَ گوشت کہ اے سال ءِ جھان ءِ اقیانوس آنی روچ ءِ بنگپ "Reimagine ”   مارا یات دنت کہ ما وتی حکمت عملی آناں دریائی وسیلگ آنی رکھینگ ءُ ذمہ واری ءِ رنگ ءَ کارمرد کنگ ءِ واستہ دوبر چار ءُ تپاسی بہ کن ایں ۔ سید یوسف رضا گیلانی ءَ گوشت کہ پاکستان یک ھاسیں ساحلی ملک ءِ بوھگ ءِ سوب ءَ ایشی ءِ تہ ءَ مزنیں دریائی وسیلگ ءُ بے کساس اقتصادی گنجائش است انت۔ ماہی گیری، تجارت، بندرگاہ ءِ کار ءُ نیلیں معیشت ءَ گوں سیادی داروکیں شعبہ آں اقیانوس ءِ اهمیت گیش گیش بیت، پمیشکا اے وسیلگ آنی رکھینگ راجی دیمروئی ءِ ھاتر ءَ المی انت۔ آئی ءَ اے گپ ءِ سر ءَ زور پر دات کہ دریائی زندمان ءِ تنوع ءِ رکھینگ، آلودگی ءِ ھلاسی ءُ دریائی ماحولیاتی نظام ءِ بحالی ءِ واستہ یکجائی ءُ ھمگرنچیں کارروائی وھد ءِ ضلورت اِنت۔ آئی ءَ گوشت کہ گیشیں ماہی گیری، دریائی آلودگی ءُ موسمی بدلی ءِ وڑیں چیلنج آنی گوما گر ءُ دار سرجمیں دگنیا ءِ یکجائی ذمہ واری اِنت۔ چیئرمین سینیٹ ءَ گوشت کہ ساپ ءُ سلہ ءُ برجمیں آیوکیں وھد ءِ جوڑ کنگ ءِ واستہ جوانیں چاگردی حکومت داری، الس ءَ را سرپدی ءُ پائیدار سمندری پالیشی آناں دیمروئی دیگ المی اِنت۔ آئی ءَ پالیسی ساز، سرکاری ادارگ، سول سوسائٹی، وانگ ءُ زانگ ءِ ادارگ ءُ ورنا آنی سر ءَ زور پر دات کہ آ دریائی وسیلگ آنی رکھینگ ءُ چاگرد دوستیں کار آنی دیمروئی ءِ تہ ءَ سرگرمیں کرد پیلو بہ کن اَنت۔ سید یوسف رضا گیلانی ءَ اے جزم ءِ یک رندے پدا گوشت کہ پاکستان دریائی ماحولیاتی نظام ءِ رکھینگ ءُ برجمیں دیمروئی ءِ واستہ جھان ءِ کوشست ءُ میاں اوستمانی کمک ءِ تہ ءَ وتی کرد ءَ را برجاہ دار ایت۔ آئی ءَ گوشت کہ سمندر ءُ ایشی ءَ گوں ھمگرنچیں وسیلگ آنی رکھینگ نہ ایوک ءَ چاگرد ءِ برجائی ءِ واستہ المی اِنت بلکینگ ءَ راجی معیشت ءِ مھکمی ءُ آیوکیں باندات آنی واستہ جوانیں آیوکیں باندات ءِ واستہ ھم المی اِنت۔