اسپیکر راجی اسمبلی ءَ شمالی وزیرستان ءَ 27 ناشرکارانی کوش ءِ پد ءَ سیکورٹی فورسز ءَ را   توسیپ ءُ ستا پیش

اسلام آباد۔8جون  (اے پی پی): راجی اسمبلی ءِ اسپیکر سردار ایاز صادق ءَ شمالی وزیرستان ءَ سوبمندیں انٹیلی جنس ءِ بنیات ءَ آپریشن آنی وسیلگ ءَ 27ناشرکار آنی کوش ءِ سر ءَ سیکورٹی فورسز ءَ را شگر ءُ منت گپت۔ آئی ءَ وتی بیان ءِ تہ ءَ پاک اُرد ءُ کانود نافذ کنوکیں ادارگ آنی پیشہ وارانہ صلاحیت آناں ساڑاتگ ءُ گوشت کہ ناشرکاریں عناصر آنی ھلاپ ءَ سوبمندیں آپریشن سیکورٹی فورسز ءِ جزم ءُ بہادری ءِ پدریں ثبوت انت۔ سرجمیں راج ناشرکاری ءِ ھلاسی ءِ ھاترا وتی سیکورٹی فورسز ءِ ھمراھی ءَ اوشتاتگ۔ ناشرکاری ءِ آفت ءِ ھلاسی ءِ واستہ سیکورٹی فورسز ءِ کارروائی آنی سر ءَ راج ءَ را فخر اِنت۔ اسپیکر راجی اسمبلی ءَ ’’استحکام ءِ ٹھینگ‘‘ ءِ چیر دستی ءَ ناشرکاری ءِ ھلاپ ءَ برجاھیں راجی مہم ءِ سرجمیں کمک ءِ پدرائی کت ءُ گوشت کہ ناشرکاری ءِ سرجمیں ھلاسی ءُ ملک ءَ دائمی امن ءِ برجائی ءِ واستہ سرجمیں راج یکجا اِنت۔ اسپیکر قومی اسمبلی ءَ شمالی وزیرستان ءَ ہوار سرجمیں ملک ءَ ناشرکارانی حلاف ءَ جاری آپریشن کامیابی ءِ نیکیں واھگ آنی درشان کت۔ آئی ءَ گوشت کہ پاکستان ءِ سلاہ بندیں اُرد ءُ کانود ءِ برجائی ءِ ادارگ ملک ءِ امن ءُ ایمنی ءِ ضامن اَنت ءُ سرجمیں راج سیکورٹی فورسز ءِ ھزمت آناں ارزشت دنت۔