مجرمانہ نیٹ ورک مصنوعی ذہانت ءُ ڈیجیٹل پلیٹ فارمز ءِ ناجائز کارمرز کنگ ءَ انت، وفاقی وزیر داخلہ محسن نقوی بشکیک ءَ دیوان ءَ گوں تران کنان اِنت

بشکیک۔5جون  (اے پی پی): وفاقی وزیر داخلہ سید محسن نقوی ءَ شنگھائی تعاون آرگنائزیشن ءِ باسکیں ملک آنی داخلہ ءُ پبلک سیکورٹی ءِ وزیر آنی ھاسیں دیوان ءَ گوں تران کنان ءَ گوشت کہ مئے دمگ ءَ را سنگین ءُ پیچیدہ سیکورٹی چیلنج آنی دیم ءَ انت، ناشرکاری ءِ ھلاپ ءَ یک مشترکہ حکمت عملی، منظم جرم، منشیات ءِ مالی کمک ءُ ناشرکاری ءِ سوداگری انت۔ محسن نقوی ءَ گوشت کہ مجرمانہ نیٹ ورک مصنوعی ذہانت ءُ ڈیجیٹل پلیٹ فارمز ءَ را ناجائز کارمرد کنگ ءَ انت، بدل بوھوکیں ھترہ آں گوں گر ءُ چیل بوھگ ءِ واستہ نوکیں لیکہ آنی سر ءَ ادارگ آنی ھمگرنچی المی انت۔ آئی ءَ گوشت کہ پاکستان شنگھائی اسپرٹ، وت مہ وتی بھروسہ، برابر شریکی ءُ وت واجہی ءِ راھبند آنی سر ءَ سرجمی ءَ پابند اِنت۔ تہی کارانی وزیر ءَ گوشت کہ پاکستان ءَ ناشرکاری ءُ انتہا پسندی ءِ حلاف ءَ بے دروریں قربانی داتگ۔ آئی ءَ گوشت کہ نیشنل ایکشن پلان ءِ چیر دستی ءَ انٹیلی جنس کوآرڈینیشن، بارڈر مینجمنٹ ءُ منی لانڈرنگ ءِ ھلاپ ءَ گامگیج گیش مھکم کنگ بوتگ انت۔ ایس سی او اے ٹی ایس ءِ چیر دستی ءَ یکجائی ھترہ ءِ تجزیہ ءِ تہ ءَ انٹیلی جنس ءُ کمک ءِ تبادلہ ءُ آن لائن انتہا پسندی ءِ ھلاپ ءَ یکجائی گامگیج آناں گیش موثر جوڑ کنگ ءِ ضلورت اِنت۔ اے درگت ئَ پاکستان ورکشاپ ئُُ ماہرین آنی تبادلہ ئِ گامگیج ئِ مھکمیں کمک ئَ کنت۔ محسن نقوی ءَ گوشت کہ سائبر انٹیلی جنس ءُ ڈیجیٹل فرانزک ءِ تہ ءَ دمگی کمک وھد ءِ لوٹ اِنت۔ منشیات ءِ سوداگری ناشرکاری ءِ مالی کمک ءِ مزنیں وسیلہ اِنت۔ منشیات، آن لائن نیٹ ورک ءُ کریپٹو لین دین ءِ ھلاپ ءَ یک مشترکہ حکمت عملی ءِ ضلورت اِنت۔ وفاقی وزیر داخلہ ءَ گوشت کہ پاکستان ءِ اینٹی نارکوٹکس فورس ایس سی او ءِ تک ءَ منشیات ءِ ھلاپ ءَ گامگیج آنی تہ ءَ سرجمی ءَ سرگرم اِنت۔ آئی ءَ گوشت کہ سیم سر آنی ایمنی دمگی امن ءُ ایمنی ءِ کلید انت۔ وزیر داخلہ محسن نقوی ءَ جعلی کاگد، واچ لسٹ کوآرڈینیشن ءُ انسانی دزگیری ءِ ھلاپ ءَ کمک ءَ را گیش کنگ ءِ ضلورت ءِ سر ءَ ھم زور پر دات۔ آئی ءَ گوشت کہ ناشرکاری ءِ مالی کمک ءِ گر ءُ دار پاکستان ءِ اولی ترجی آنی تہ ءَ یک انت۔ پاکستان ءَ وتی اینٹی منی لانڈرنگ ءِ نظام ءَ اصلاحات کتگ ءُ پاکستان ءِ اینٹی منی لانڈرنگ ءِ مھکمیں فریم ورک ءَ فعال کرد پیلو کنگ ءَ انت۔ محسن نقوی ءَ گوشت کہ ناشرکاری ءِ مالی کمک ءِ نیٹ ورک آنی ھلاسی ءِ واستہ مھکمیں دمگی کمک المی اِنت، مئے چیلنج یکجائی اَنت، پمیشکا مئے کوشست ھم اجتماعی ءُ ھمگرنچ بہ بنت۔ محسن نقوی ءَ گوشت کہ ایس سی او ءِ ایمن ءُ ایمنیں دمگ مئے یکجائی کوشست آنی مول ءُ مراد انت۔ ما 2027 ءَ اسلام آباد ءَ برجم دارگ بوؤکیں ایس سی او ءِ سروکیں دیوان ءَ بھر زوروکاں وش آتک کنگ ءِ ودار ءَ ایں ۔