وفاقی وزیر ءِ کانود ءُ انسانی حقانی پنجاب ءِ اقلیتانی امور ءِ وزیر ءَ گوں گند ءُ نند کتگ، انسانی حقانی دیمروئی ءِ ھوالگ ءَ جیڈھ آنی سر ءَ گپ ءُ تران کتگ

اسلام آباد۔5جون  (اے پی پی): وفاقی وزیر ءِ کانود، انصاف ءُ انسانی حقانی سینیٹر اعظم نذیر  ءَ پنجاب ءِ اقلیتانی کارانی وزیر سردار رمیش سنگھ اروڑا ءَ گوں گند ءُ نند کتگ، ایشی ءِ تہا اقلیتانی حق، بین المذاہب یکوئی ءُ انسانی حقانی دیمروئی ءِ ھوالگ ءَ جیڈھ آنی سر ءَ گپ ءُ تران کنگ بوتگ۔ وزارت انسانی حقانی جارکش ءِ رد ءَ گند ءُ نند ءَ وفاقی حکومت ءُ پنجاب حکومت ءِ نیام ءَ کمک ءَ را گیش موثر جوڑ کنگ ءِ سر ءَ تپاک کنگ بوتگ۔ اے موہ ءِ سر ءَ سینیٹر اعظم نظیر ترار ءَ توامیں شہری آنی واستہ یک وڑیں ھک ءُ موہ آنی واستہ حکومت ءِ جزم ءِ سر ءَ زور پر دات۔ سردار رمیش سنگھ اروڑا ءَ چائلڈ میرج ریسٹرنٹ ایکٹ ءِ منظوری ءَ را وش آتک کتگ۔ گند ءُ نند ءِ ساھت ءَ راجی کمیشن برائے اقلیت ءِ کار آناں مھکم کنگ ءِ کوشست آناں ساڑاھگ بوت۔ دوئیں رہشوناں اقلیتانی حقانی رکھینگ ءُ بین المذاہب ہم آہنگی ءِ دیمروئی ءِ ھاتر ءَ یکجائی کوشست آناں برجاہ دارگ ءِ سر ءَ تپاک کتگ ءُ یک ھواریں، برداشت ءُ حقانی سر ءَ بنیات ءِ چاگرد ءِ جوڑ کنگ ءِ وتی عزم ءِ پدا زور داتگ۔