سیکورٹی فورسز ءَ بلوچستان ءِ ضلع پنجگور ءَ انٹیلی جنس ءِ بنیاد ءَ آپریشن کتگ کہ ایشی ءِ تہ ءَ شش ھندی سرپرستی ءَ ناشرکار بیران بوتگ اَنت، آئی ایس پی آر

اسلام آباد۔5جون  (اے پی پی): بلوچستان ءِ ضلع پنجگور ءَ 3/4 جون 2026 ءَ ھندی پراکسی فتنہ ہندوستان ءَ گوں سیادی داروکیں ناشرکارانی ھست بوھگ ءِ ھال ءِ پد ءَ سیکورٹی فورسز ءَ انٹیلی جنس ءِ بنیات ءَ آپریشن کتگ۔ آئی ایس پی آر ءِ رد ءَ آپریشن ءِ وھد ءَ فورسز ءَ بازیں ناشرکارانی پناہ گاہ آناں جوانیں رنگ ءَ نشانگ جوڑ کتگ ءُ شدیدیں تیرگواری ءَ پد ھندی سرپرستی ءَ شش ناشرکار بیران بوتگ اَنت۔ چہ بھارتی سرپرستی ءَ بیران بوتگیں ناشرکاراں سلاہ، گولہ بارود، دستی تراکناکیں سامان ءُ یک گاڑی یے ھم برآمد کنگ بوتگ۔ حکام ءَ گشتگ کہ دمگ ءَ دگہ ہندوستان ءِ سرپرستی ءَ ناشرکار دست کپگ ءِ ھاتر ءَ کلیئرنس آپریشن کنگ بوھگ ءَ انت۔ حکام ءِ رد ءَ راجی ایکشن پلان ءِ چیر دستی ءَ سیکورٹی فورسز ءُ کانود ءِ نفاذ ءِ ادارگ آنی نیمگ ءَ چہ ناشرکاری ءِ ھلاپ ءَ مہم سرجمیں رفتار ءَ برجاہ بیت تانکہ ملک ءَ چہ درملکی سرپرستی ءُ حمایت کتگیں ناشرکاری ءِ ھترہ ھلاس بہ بیت۔