مواصلات ءِ وفاقی وزیر ءَ سعودی ڈل ءَ را ایم 6، ایم 10 ءُ ایم 13 موٹروے ءِ تہا ھاسیں سرمایہ کاری ءِ پیشکش کتگ

اسلام آباد۔5جون  (اے پی پی): سعودی پاکستان بزنس کونسل ءِ چیئرمین شہزادہ منصور بن محمد السعود ءِ سروکی ءَ ڈل ءَ وفاقی وزیر مواصلات عبدالعلیم خان ءَ گوں گند ءُ نند کت۔ گند ءُ نند ءَ وت مہ وتی سیادی ءِ دیمروئی ءُ وت مہ وتی سیادی ءِ دیمروئی ءِ جتا جتائیں معاملہ آنی سر ءَ سرجمی ءَ گپ ءُ تران کنگ بوت۔ وفاقی وزیر ءَ سعودی بزنس کونسل ءَ را پاکستان ءَ موٹرویز ءُ ایندگر منصوبگ آنی جوڑ کنگ ءِ واستہ سرمایہ کاری ءِ پیشکش کتگ۔ شہزادہ منصور بن محمد السعود ءَ گوشت کہ سعودی پاکستان بزنس کونسل کمیونیکیشن ءِ شوبگ ءَ شریک بوت کنت۔ وفاقی وزیر مواصلات ءَ سعودی ڈل ءَ را ایم 6، ایم 10 ءُ ایم 13 موٹروے آنی تہ ءَ سرمایہ کاری ءِ ھاتر ءَ ھاسیں پیشکش کتگ۔ آئی ءَ گوشت کہ کراچی پورٹ ایم 10، سکور حیدرآباد ایم 6 ءُ خاریان راولپنڈی ایم 13 موٹرویز سرمایہ کاری ءِ واستہ گیش ءَ چہ گیش موازں منصوبگ انت۔ سعودی بزنس کونسل ءَ ایم 6، ایم 10 ءُ ایم 13 موٹروے منصوبگ آنی تہ ءَ سرمایہ کاری ءِ واستہ دلگوشی ءِ درشانی کتگ۔ اے منصوبہ مواصلات ءِ شعبہ ءَ تجارتی نقطہ نظر ءَ چہ مزنیں اہمیت ءِ واھند انت۔ وفاقی وزیر برائے مواصلات ءَ گوشت کہ پاکستان ءُ سعودی عرب ءِ نیام ءَ دیریں، مھکم ءُ آزمائشی سیادی است انت، ہر پاکستانی ءِ سعودی عرب ءِ گوما مذہبی ءُ گہتریں سیادی است انت۔ وفاقی وزیر ءَ گوشت کہ سعودی سرمایہ کار آناں پاکستان ءَ قابل عمل ءُ منافع بخش آفر دیگ بیت۔ سعودی عرب ءَ مدام پاکستان ءِ نیمگ ءَ جوانیں واھشت ءِ درشان کتگ۔ شہزادہ منصور بن محمد السعود ءَ وتی فورم ءِ وسیلگ ءَ وفاقی وزیر عبدالعلیم خان ءَ را ہر وڑیں کمک ءِ دل یکیمی دات۔ عبدالعلیم خان ءَ گوشت کہ پاکستان ءَ نوکیں شاہراہ ءُ موٹرویز آنی سر ءَ تیزی ءَ گوں کار کنگ بوھگ ءَ انت، ءُ خطہ ءَ تجارتی چست ءُ ایر آناں دیمروئی دیگ ءِ واستہ روڈ نیٹ ورک ءِ ھاسیں کرد انت۔ آئی ءَ گوشت کہ آ سعودی عرب ءِ ھاسیں منصوبگ آنی تہ ءَ بھر زوری ءَ را ارزشت دئیگ ءَ انت۔ وفاقی وزیر برائے مواصلات ءَ گوشت کہ پاک سعودی بزنس کونسل ءِ پلیٹ فارم ءِ وسیلگ ءَ دو نیمگی سیادی ءَ را گیش مھکم کنگ بہ بیت۔