شمالی وزیرستان ءَ فتنہ الخوارج ءِ ناشرکارانی حلاف ءَ سیکورٹی فورسز ءَ موثر آپریشن کنگ ءَ انت ، 27 ناشرکار بیران بوتگ انت

راولپنڈی۔7جون  (اے پی پی):شمالی وزیرستان ءِ دمگ مران شاہ ءَ گوستگیں 72کلاک ءِ تہ ءَ ناشرکاری ءِ ھلاپ ءَ کیمپ آنی سر ءَ سیکورٹی فورسز ءَ جوانیں آپریشن کتگ ءُ بھارت ءِ کمک ءَ گوں سیادی داروکیں فتنہ الخوارج ءِ 27ناشرکار بیران بوتگ اَنت۔ انٹر سروسز پبلک ریلیشنز ءِ رد ءَ سیکورٹی فورسز ءَ انٹیلی جنس ءِ ان پٹ ءِ بنیاد ءَ خوارج ءِ جتا جتائیں جاھاں آپریشن کتگ کہ اودا ناشرکاراں گوں مزنیں تیرگواری کنگ بوتگ۔ آپریشن ءِ آسر ءَ 27 ناشرکار بیران بوتگ اَنت وھدیکہ آیانی دست ءَ چہ سلاہ ءُ گولہ بارود ھم دست کپتگ۔ کُشگ بوتگیں ناشرکار جتا جتائیں ناشرکاری کارانی تہ ءَ ھوار بوتگ اَنت ءُ بے گناہیں شہری آنی نشانگ جوڑ کنگ ءَ ھوار بوتگ اَنت۔ اے آپریشن ءِ وسیلگ ءَ سیکورٹی فورسز ءَ مران شاہ ءَ نامداریں مردم شاہد ملک صف اللہ داور ءِ کوش ءِ بدلہ ھم زرتگ ءُ اے وئیل ءِ تہ ءَ ھواریں عناصر ھم ھلاس کتگ اَنت۔ آئی ایس پی آر ءِ رد ءَ دمگ ءَ ھستیں دگہ ناشرکارانی ھلاس کنگ ءِ ھاترا کلیئرنس ءُ سرچ آپریشن برجاہ اِنت۔ وفاقی اپیکس کمیٹی ءِ نیمگ ءَ منظور بوتگیں راجی ایکشن پلان ءِ چیر دستی ءَ ”استحکام ءِ ٹھینگ“ ءِ مہم ءِ وژن ءِ رد ءَ سیکورٹی فورسز ءُ کانود ءِ برجائی  ءِ ادارگ ملک ءَ چہ ناشرکاری ءَ را سرجمی ءَ ھلاس کنگ ءِ ھاترا وتی کاروائی ءَ را زبردستی ءَ گوں برجاہ دار اَنت۔