پاکستانی گشندہ سائرہ پیٹر  ءَ لندن ءَ وتی زبردستیں کارکردگی ءَ گوں ملک ءَ را جھان ءِ تک ءَ نامدار کتگ، وفاقی وزیر اورنگزیب خان کھچی

اسلام آباد۔7جون  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ لندن ءِ رائل البرٹ ہال ءَ پاکستانی صوفی ءُ اوپیرا گلوکار سائرہ پٹرا ءِ زبردست ءُ جوانیں کارکردگی ءِ توسیپ کتگ ءُ اے کارکردگی ءَ را پاکستان ءِ واستہ مزنیں شرپ لیک اتگ۔ یک شمبے ءِ روچ ءَ وتی کلوہ ءِ تہ ءَ آئی ءَ گوشت کہ سائرہ پٹرا ءَ پاکستان جھان ءِ تک ءَ نامدار کتگ۔ وفاقی وزیر ءَ گوشت کہ 5ہزار ءَ چہ گیش سامعین ءِ دیم ءَ سائرہ پٹرا ءِ پرفارمنس ءَ مشرقی ءُ مغربی موسیقی ءِ جوانیں آمیزش پیش کتگ، ایشی ءَ چہ پاکستان ءِ دود ءُ ربیدگی ورثہ ءِ سرجمی ءَ پدر اِنت۔ آئی ءَ گوشت کہ سائرہ پترا ءِ صوفی ءُ اوپیرا ءِ موسیقی ءِ آمیزش ءِ موسیقی ءِ دنیا ءَ یک انچیں پجار ءِ است انت۔ آئی ءَ گوشت کہ اے رنگیں میاں اوستمانی پروگرام پاکستان ءِ سافٹ پوٹینشل ءَ را پدر کن اَنت ءُ ورنائیں ازمکار آنی واستہ نوکیں دروازگاں پچ کن اَنت۔ سائرہ پٹرا ءِ اے سوبمندی دود ءُ ربیدگ ءِ سفارتکاری ءِ یک چمکداریں مثال اِنت کہ ایشی ءَ چہ سرجمیں دگنیا ءَ پاکستان ءِ جوانیں عکس ءَ را پدر کنگ بوھگ ءَ اِنت۔ وفاقی وزیر ءَ سائرہ پٹرا ءُ آئی ءِ ٹیم ءَ را اے سوبمندی ءِ سرا مبارک بات دات ءُ امیت سہرا کت کہ آ آیوکیں وھد ءَ ھم پاکستان ءِ نام ءَ را جھان ءِ پڑ ءَ برز کنت ءُ ورنائیں نسل ءِ واستہ رژن ءِ چراگ ءِ رنگ ءَ ثابت بیت۔