حکومت زالبولانی اقتصادی ءُ چاگردی دیمروئی ءِ تہا موثر شمولیت ءِ دیمروئی ءِ ھاترا جزم انت ، بلال اظہر کیانی

اسلام آباد۔7جون  (اے پی پی): وزیر ءِ مملکت ءِ ھزانگ ءُ آمدنی بلال اظہر کاکانی ءَ ھزانگ ڈویژن ءَ سرجمیں ملک ءَ زالبولیں چیمبر آف کامرس ءُ صنعت ءِ صدر، نائب صدر ءُ نمائندگ آنی گوما مشاورتی دیوان ءِ سروکی ءَ کت۔ یک شمبے ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ دیوان ءَ اسلام آباد، لاہور، فیصل آباد، سیالکوٹ، پشاور، ایبٹ آباد، سرگودھا، کراچی ءُ اے دگہ شہر آنی نزیک ءَ 40 زالبولیں چیمبرلین آنی ڈل آنی تہ ءَ بھر زوری بوتگ۔ وفاقی پاکستان چیمبرز آف کامرس اینڈ انڈسٹری ءِ ڈل ءَ نائب صدر قرات الان ءِ سروکی ءَ وفاقی بجٹنگ ءِ عمل، زالبول آنی اقتصادی شمولیت، کاروباری ءُ راجی معیشت ءِ تہ ءَ زالبول آنی کرد ءَ را گیش مھکم کنگ ءِ جیڈھ آنی سر ءَ وزیر مملکت ءِ گوما جوڑیشت ءِ تبادلہ کت۔ شریکیں مردماں زالبولیں کاروباری مردمانی دیم ءَ اتکگیں چیلنج آنی سر ءَ وتی ھیال ءُ لیکہ درشان کتگ ءُ اقتصادی کار ءُ سرکاری پالیسی جوڑ کنگ ءِ تہ ءَ زالبول آنی بھر زوری ءَ را گیش کنگ ءِ واستہ جتا جتائیں سوج ءُ پنت پیش کتگ۔ گند ءُ نند ءِ ساھت ءَ نمائندگاں زالبول آناں مین اسٹریم پالیسی سازی ءُ پیسلہ کنگ ءِ عمل ءَ گیش جوانیں رنگ ءَ ھوار کنگ ءِ ضلورت ءِ سر ءَ زور پر دات۔ آہاں مہارت ءِ دیمروئی ءِ ارزشت، ھاسیں اقتصادی زون آنی تہ ءَ جوانیں رسائی، زالبول آنی ملکیت ءِ کاروبار آنی واستہ گیشیں موہ ءُ انسانی وسیلگ آنی دیمروئی ءِ پروگرام آنی تہ ءَ زالبول آنی بھر زوری ءَ را گیش کنگ ءِ سر ءَ زور پر دات۔ ڈل ءَ برجاھیں بجٹ ءِ عمل ءِ رد ءَ جتا جتائیں سفارش ھم کتگ اَنت۔ بلال اظہر کیانی ءَ ملک ءِ اقتصادی دیمروئی ءِ تہ زالبولیں کاروباری مردم آنی ھاسیں کرد ءِ ساڑاتگ ءِ وھد ءَ گوشت کہ زالبول معیشت ءِ جتا جتائیں شوبگ آنی تہ ءَ جوانیں ازمت کنگ ءَ اَنت۔ آئی ءَ گوشت کہ مزن وزیر محمد شہباز شریف ءِ سروکی ءَ حکومت زالبول آنی واستہ موہ آناں گیش کنگ ءُ اقتصادی ءُ چاگردی دیمروئی ءِ تہ ایشانی جوانیں رنگ ءَ ھوار کنگ ءِ واستہ جزمیگ انت۔ آئی ءَ گوشت کہ زالبول پیسر ءَ چہ جتا جتائیں ایڈوائزری بورڈ، چیمبر ءُ مشاورتی پلیٹ فارم ءِ وسیلگ ءَ ھاسیں کرد پیلو کنگ ءَ اَنت ءُ حکومت ایشانی نمائندگی ءُ ھوار کنگ ءَ را گیش مھکم کنگ ءِ واستہ گامگیج برجاہ دار ایت۔ وزیر مملکت ءَ شریکیں مردمانی جیڈھ، جیڈھ ءُ سوج آناں دلگوشی ءَ گوں گوش داشتگ ءُ دل یکیمی داتگ کہ پالیسی جوڑ کنگ ءِ عمل ءَ آھانی سوج آنی سر ءَ سنجیدگی ءَ گوں چار ءُ تپاسی کنگ بیت۔ زالبول آنی اقتصادی بااختیار کنگ ءِ ھاترا گامگیج آنی حمایت ءِ یک رندے پدا آئی ءَ ڈل ءَ را دل یکیمی دات کہ زالبول آنی کار آنی وزارت ملک ءِ کاروباری براتی ءِ دیم ءَ اوشتاتگیں جیڈھ آنی گیواری ءِ واستہ وتی کمک ءَ را برجاہ دار ایت۔ دیوان ءِ تہ ءَ ھواریں مردمانی تہ ءَ قرۃ العین نائب صدر ایف پی سی سی آئی )، ڈاکٹر شہلا جاوید اکرم (بانی صدر LWCCI)،  ثمینہ فاضل (بانی اور صدر IWCCI)،  روبینہ امجد (بانی صدر  FWCCI)، شمیم ​​آفتاب (بانی صدر سرگودھا وویمن سی سی آئی ، قرتالعین (بانی صدر)  پشاور ویمن سی سی آئی، زارا امتیاز (کے پی کے سی سی آئی)، نعیمہ انصاری (آئی ڈبلیو سی سی آئی)،  فلک انجم ناز (راولپنڈی سی سی آئی)،  صائمہ رضوان (ایبٹ آباد ویمن سی سی آئی)،  رابعہ ارمغان (سیالکوٹ ویمن سی سی آئی)، محبوبہ خان (کراچی خواتین)، صاحب زادی ماہین خان (کراچی خواتین)۔  عمران (LWCCI)  ءُ سرجمیں ملک ءَ چہ زالبولانی چیمبر آنی نمائندگ ھوار اتنت۔