گورنر خبر پختونخوا فیصل کریم کنڈی ءَ گوں علامہ سید  ساجد نقوی ءَ  گوں گند ءُ نند

اسلام آباد۔7جون  (اے پی پی): گورنر خبر پختونخوا فیصل کریم کنڈی ءَ قائد ملا جعفریہ علامہ سید ساجد نقوی ءَ گوں گند ءُ نند کتگ کہ ایشی ءِ تہا آئی ءَ محرم ءِ ھوالگ ءَ ملک ءَ راج دژمنیں مردم آنی  پندل آنی ناکام کنگ ءِ واستہ رواداری ءُ یکوئی ءِ ماحول ءِ برجاہ دارگ سک باز المی لیک اتگ۔ یک شمبے ءِ روچ ءَ گورنر ءِ کارگس ءِ نیمگ ءَ چہ جاڑی بوتگیں بیان ءِ رد ءَ راولپنڈی ءَ برجم داشتگیں دیوان ءَ خبر پختونخوا ءُ کرم ءِ جاور ھال آنی سر ءَ ھیال ءُ لیکہ ءِ درشان کنگ بوتگ۔ علامہ سید ساجد نقوی ءَ خبر پختونخوا ریڈ کریسنٹ ءِ وسیلگ ءَ کرم ءِ آماچیں مردم آناں کمک ءِ پجاری ءِ آسراتی ءِ واستہ گورنر ءِ کرد ءَ را ساڑات۔ آئی ءَ گوشت کہ ایران ءُ امریکہ ءِ جنگ بندی ءَ پاکستان ءِ کرد ءِ سر ءَ اسلامی راج ءَ پھر انت ءُ اے رد ءَ پاکستان ءِ کوشست آنی سوبمندی ءِ واستہ دعا لوٹ ایت۔ گند ءُ نند ءَ اے رد ءَ ملک ءِ سیاسی ءُ فوجی سروکی ءِ یکجائی کرد ءَ را ساڑاتگ بوت۔ پاشا ءِ توار۔