وزیر داخلہ محسن نقوی ءَ شمالی وزیرستان ءَ خوارج ناشرکارانی حلاف ءَ آپریشن کنگ ءِ ھاتر ءَ سیکورٹی فورسز ءَ را  توسیپ ءُ ستا

اسلام آباد۔7جون  (اے پی پی): وفاقی داخلہ ءِ وزیر محسن نقوی ءَ شمالی وزیرستان ءِ دمگ میر علی میران  شاہ ءَ خوارج ناشرکار آنی ھلاپ ءَ آپریشن کنگ ءِ ھاتر ءَ سیکورٹی فورسز ءَ را خراج تحسین پیش کتگ۔ یک شمبے ءِ روچ ءَ وفاقی تہی کارانی وزیر محسن نقوی ءَ فتنہ  الخوارج ءِ 27 ناشرکار آنی کوش ءَ سیکورٹی فورسز ءِ بہادری ءَ را ساڑات ءُ گوشت کہ سیکورٹی فورسز ءَ وھد ءِ سر ءَ گامگیج زرتگ ءُ خوارج ءِ بدیں نیت آناں ناکام کتگ۔ محسن نقوی ءَ گوشت کہ راج ءَ را مئے سیکورٹی فورسز ءِ بہادریں سپاھیگ آنی سر ءَ پھر انت ۔ آئی ءَ گوشت کہ ما بارونی ءِ سرپرستی ءَ ناشرکاری ءَ را سرجمی ءَ ھلاس کنگ ءِ واستہ جزمیگ آں، ناشرکاری ءِ ھلاسی ءِ واستہ راج سیکورٹی فورسز ءِ گوما اوشتاتگ۔