مزن وزیر شہباز شریف ءَ شمالی وزیرستان ءَ فتنہ الخوارج ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ ءُ ستا

لاہور۔7جون  (اے پی پی):مزن وزیر محمد شہباز شریف ءَ شمالی وزیرستان ءَ فتنہ الخریج ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءِ توسیپ کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوستگیں 72کلاک آنی تہ ءَ آپریشن آنی تہ ءَ 27فتنہ الخریج ناشرکار آناں کوش ءِ سر ءَ سیکورٹی فورسز آنی توسیپ کت ءُ گوشت کہ راج ءَ را مئے ایمنی ءِ بہادریں سپاھیگ آنی سر ءَ پھر اِنت۔ فتنہ الخریج ءُ آہانی سرپرستانی بدیں ارادہ ہر گام ءَ ناکام بنت۔ مزن وزیر ءَ شھید ملک صفکلہ داور ءِ کشندہانی کوش ءِ سر ءَ دل یکیمی ءِ درشان کت ءُ گوشت کہ ناشرکاری ءِ سرجمیں ھلاسی ءَ تاں سیکورٹی فورسز ءُ کانود نافذ کنوکیں ادارگ آنی آپریشن برجاہ مان ایت۔ مزن وزیر ئَ گوشت کہ ’’استحکام ئِ ٹھینگ ‘‘ ئِ وژن ئِ رد ئَ ناشرکاری ئِ ھلاپ ئَ جنگ ئَ وتی منطقی آسر ئَ سر کنگ بیت۔ آئی ءَ گوشت کہ بارونی ءِ سرپرستی ءَ پاکستان ءَ چہ ناشرکاری ءِ سرجمی ءَ ھلاسی حکومت ءِ اولی ترجی انت۔ آئی ءَ گوشت کہ ناشرکاری ءِ آفت ءِ ھلاسی ءِ واستہ سرجمیں راج وتی سیکورٹی فورسز ءِ گوما اوشتاتگ۔