اسلام آباد۔7جون (اے پی پی): بانُک اول ءُ راجی اسمبلی ءِ باسک آصفہ بھٹو زرداری ءَ سول ہسپتال کوئٹہ ءَ ڈاکٹر ماہ نور نصیر ءِ سر ءَ تزلاب گینگ ءِ نیمگ ءَ چہ بیران بوتگیں اُرش ءَ را سک مذمت کتگ۔ اے وئیل ءِ سر ءَ سکیں دلپدردی ءُ ھیران بوھگ ءِ درشان کنان ءَ بانُک اول ءَ گوشت کہ مئے چاگرد ءَ زالبول آنی سر ءَ زوراکی ءِ گنجائش …
بانُک اول آصفہ بھٹو زرداری ءَ کوئٹہ ءَ زالبولیں ڈاکٹر ءِ سر ءَ ناشرکاری اُرش ءَ را مذمت کتگ
گیشتریں ھال
اسلام آباد۔7جون (اے پی پی): بانُک اول ءُ راجی اسمبلی ءِ باسک آصفہ بھٹو زرداری ءَ سول ہسپتال کوئٹہ ءَ ڈاکٹر ماہ نور نصیر ءِ سر ءَ تزلاب گینگ ءِ نیمگ ءَ چہ بیران بوتگیں اُرش ءَ را سک مذمت کتگ۔ اے وئیل ءِ سر ءَ سکیں دلپدردی ءُ ھیران بوھگ ءِ درشان کنان ءَ بانُک اول ءَ گوشت کہ مئے چاگرد ءَ زالبول آنی سر ءَ زوراکی ءِ گنجائش نیست ءُ اے رنگیں جرم آناں کانود ءِ سرجمیں زور ءَ گوں گر ءُ چیل کنگ بہ بیت۔ آصفہ بھٹو زرداری ءَ سیادی داروکیں واکداراں گوں دزبندی کتگ کہ آ آیوکیں وھد ءَ اے وڑیں واکیہ آنی گر ءُ دار ءِ واستہ جوانیں گامگیج بہ زور اَنت۔ بانُک اول ءَ ڈاکٹر ماہ نور ناصر ءُ دلیریں وارڈ بوائے عبدالرزاق ترکائی ءِ زوت جان سلامتی ءِ دعا کت کہ اُرش ءِ وھد ءَ ڈاکٹر ءِ دفاع ءِ وھد ءَ ٹپی بوتگ۔ آئی ءَ دمگی انتظامیہ ءُ طبی واکداراں ہدایت کتگ کہ آ دوئیں ٹپیگاں جوانیں طبی آسراتی ءُ ھاسیں چار ءُ بچار ءَ بہ کن انت۔ وارڈ بوائے عبدالرزاق ترکائی ءِ زبردستیں بہادری ءِ ستا ءَ کنان ءَ ءُ آئی ءِ بے مٹیں بہادری ءُ قربانی ءِ اعتراف ءَ آئی ءَ گورنر آصف علی زرداری ءَ چہ دزبندی کتگ کہ آ آئی ءَ را مزنیں سول ایوارڈ ءَ بہ دنت۔ بانُک اول ءَ گوشت کہ آئی ءِ وھد ءُ پاس ءِ سر ءَ ءُ دلیری ءِ مداخلت ءَ نا ایوک ءَ یک گرانبھائیں جان ءِ رکینتگ بلکینگ ءَ سرجمیں راج ءِ واستہ انسانیت، دلیری ءُ قربانی ءِ مثالی مثال ھم داتگ۔
