اسلام آباد۔7جون (اے پی پی): ریلوے ءِ وفاقی وزیر محمد حنیف عباسی ءَ شمالی وزیرستان ءِ دمگ فتنہ الخوارج ءِ ناشرکار آنی ھلاپ ءَ سوبمندیں آپریشن آنی پد ءَ سیکورٹی فورسز ءَ را شگر ءُ منت گپت۔ یک شمبے ءِ روچ ءَ وتی بیان ءِ تہ ءَ وفاقی وزیر ءَ گوشت کہ بھارتی سرپرستی ءَ کار کنوکیں 27خوارج جنگول آنی سرنوشت ناشرکاری ءِ ھلاپ ءَ سیکورٹی فورسز ءِ موثر ءُ …
وفاقی وزیر محمد حنیف عباسی ءَ شمالی وزیرستان ءَ فتنہ الخوارج ءِ ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا
گیشتریں ھال
اسلام آباد۔7جون (اے پی پی): ریلوے ءِ وفاقی وزیر محمد حنیف عباسی ءَ شمالی وزیرستان ءِ دمگ فتنہ الخوارج ءِ ناشرکار آنی ھلاپ ءَ سوبمندیں آپریشن آنی پد ءَ سیکورٹی فورسز ءَ را شگر ءُ منت گپت۔ یک شمبے ءِ روچ ءَ وتی بیان ءِ تہ ءَ وفاقی وزیر ءَ گوشت کہ بھارتی سرپرستی ءَ کار کنوکیں 27خوارج جنگول آنی سرنوشت ناشرکاری ءِ ھلاپ ءَ سیکورٹی فورسز ءِ موثر ءُ فیصلہ کنوکیں پسو ءِ ثبوت اِنت۔ محمد حنیف عباسی ءَ ناشرکاریں عناصر ءِ ھلاپ ءَ موثر آپریشن ءَ را سیکورٹی فورسز ءِ پیشہ وارانہ ءُ جزم ءِ درشان لیک اتگ۔ آئی ءَ گوشت کہ شھید ملک سیف اللہ داور ءِ کشندہ آنی حلاف ءَ سوبمندیں آپریشن ناشرکاری ءِ ھلاسی ءِ راجی کوشست آنی تہ ءَ یک ھاسیں کوشست ءِ انت۔ ریاستی ادارہ ءُ سیکورٹی فورسز ءِ قربانی بے سوب بوھگ ءِ اجازت دیگ نہ بنت داں ناشرکاری ءِ آفت سرجم ءَ ھلاس کنگ مہ بیت۔ آئی ءَ گوشت کہ پاکستانی راج وتی سلاہ بندیں اُرد ءُ ایمنی ءِ گوما اوشتاتگ ءُ ملک ءَ دائمی امن ءِ برجائی ءِ واستہ جزمیگ آں ۔ آئی ءَ گوشت کہ دژمن ءِ عناصر آنی نا شریں منصوبگ آناں ناکام کنگ ءِ واستہ سیکورٹی فورسز آنی قربانی راج ءِ واستہ پھر ءِ وسیلگ اِنت۔
