لاہور۔6جون (اے پی پی): وفاقی تہی کارانی وزیر سید محسن رضا نقوی ءَ شمبے ءِ روچ ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وزیر داخلہ ءَ مزن وزیر ءَ را کرغزستان ءِ بنجاھی شھر بشکیک ءَ برجم دارگ بوھوکیں شنگھائی کمکی کانفرنس ءِ ساھت ءَ آئی ءِ جتا جتائیں …
وفاقی داخلہ ءِ وزیر سید محسن رضا نقوی ءَ مزن وزیر محمد شہباز شریف ءَ گوں گند ءُ نند
گیشتریں ھال
لاہور۔6جون (اے پی پی): وفاقی تہی کارانی وزیر سید محسن رضا نقوی ءَ شمبے ءِ روچ ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وزیر داخلہ ءَ مزن وزیر ءَ را کرغزستان ءِ بنجاھی شھر بشکیک ءَ برجم دارگ بوھوکیں شنگھائی کمکی کانفرنس ءِ ساھت ءَ آئی ءِ جتا جتائیں ھاسیں گند ءُ نند آنی بابت ءَ ھم سرپد کت۔ گند ءُ نند ءَ تہی کارانی وزیر ءِ تہران ءِ آیوکیں تر ءُ تاب ءِ بابت ءَ ھیال ریچی کنگ بوت ءُ مزن وزیر ءَ تر ءُ تاب ءِ ھوالگ ءَ رہشونی کت۔ گند ءُ نند ءَ ملک ءِ امن ءُ ایمنی ءِ سرجمیں جاورانی سرا گپ ءُ تران کنگ بیت ۔ وزیر داخلہ ءَ مزن وزیر ءَ را ملک ءَ امن ءُ ایمنی ءِ برجائی ءُ شہری آنی رکھینگ ءِ واستہ چست کنگ بوھوکیں گامگیج آنی بابت ءَ سرپد کت۔ مزن وزیر ءَ ملک ءَ امن ءُ ایمنی ءَ را گیش کارآمد جوڑ کنگ ءِ واستہ توامیں سیادی داروکیں ادارگ آنی نیام ءَ نزیکیں رابطہ ءُ ھمگرنچیں حکمت عملی ءِ ضلورت ءِ سر ءَ زور پر دات۔
