اسحاق ڈار ءِ سروکی ءَ دیوان، دیم پہ دیمیں سرمایہ کاری ءَ را گیش کنگ ءِ واستہ گامگیج آنی چار ءُ تپاسی

اسلام آباد۔6جون  (اے پی پی): شمبے ءِ روچ ءَ نائب مزن وزیر ءُ دری کارانی وزیر ایس محمد اسحاق ڈار ءَ پاکستان ءَ سرمایہ کاری ءَ را دیمروئی دیگ ءُ درملکی براہ راست سرمایہ کاری ءَ را گیش کنگ ءِ واستہ گامگیج آنی سر ءَ چار ءُ تپاسی ءِ دیوان ءِ سروکی ءَ کت۔ گند ءُ نند ءَ سرمایہ کاری ءِ ماحول ءَ را گیش سازگار جوڑ کنگ، سرمایہ کار آناں آسراتی پجاری، نجکاری ءِ عمل ءَ را دیم ءَ برگ ءُ جتا جتائیں ادارگ آنی نیام ءَ گہتریں رابطہ کاری ءِ وسیلگ ءَ اقتصادی موہ آناں سرجمی ءَ کارمرد کنگ ءِ گامگیج آنی سر ءَ ھیال ریچی کنگ بوت۔ دری کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر/درئی کار ءِ وزیر ءَ اے جزم ءِ یک رندے پدا گوشت کہ حکومت سرمایہ کاری ءَ را دیمروئی دیگ ءُ اقتصادی دیمروئی ءَ را ترند کنگ ءِ واستہ شفاف، بھروسہ مند ءُ کاروبار دوستیں چاگرد ءِ پجاری ءِ واستہ جزم اِنت۔ گند ءُ نند ءَ وزیرِ قانون و انصاف، نجکاری  ءِ  مشیر، مزن وزیر    ءِ ھاسیں کمکار  طارق باجوہ، سیکریٹری تجارت، سیکریٹری قانون، سیکریٹری نجکاری  ءُ ایندگر مزنیں سرکاری کارندہ آں بہر زرتگ۔