اسلام آباد۔6جون (اے پی پی): صدر آصف علی زرداری ءَ سویڈن ءِ راجی روچ ءِ درگت ءَ سویڈن ءِ حکومت ءُ الس ءَ را دل ءِ جہلانکی ءَ گوں سلام ءُ دروت درشان کتگ۔ آئی ءَ گوشت کہ پاکستان سویڈن ءِ گوما وتی دیریں ءُ دوستی ءِ سیادی ءَ را سک باز ارزشت ءَ دنت ۔ 1949 ءَ جوڑ بوتگیں اے سیادی یکے دومی ءِ شرپ، میاں اوستمانی امن ءُ …
صدر ءِ مملکت ءِ سویڈن ءِ راجی روچ ءِ درگت ءِ سویڈن ءِ حکومت ءُ الس آناں دل ءِ جھلانک ءَ گوں مبارک بات
گیشتریں ھال
اسلام آباد۔6جون (اے پی پی): صدر آصف علی زرداری ءَ سویڈن ءِ راجی روچ ءِ درگت ءَ سویڈن ءِ حکومت ءُ الس ءَ را دل ءِ جہلانکی ءَ گوں سلام ءُ دروت درشان کتگ۔ آئی ءَ گوشت کہ پاکستان سویڈن ءِ گوما وتی دیریں ءُ دوستی ءِ سیادی ءَ را سک باز ارزشت ءَ دنت ۔ 1949 ءَ جوڑ بوتگیں اے سیادی یکے دومی ءِ شرپ، میاں اوستمانی امن ءُ کمک ءِ یکجائی ءِ جزم ءِ مھکمیں بُن ھشتانی سر ءَ بندوک اَنت۔ شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ دو نیمگی سیادی آنی تہ ءَ برجاھیں پیشرفت ءِ سر ءَ دل یکیمی ءِ درشان کت ءُ گوشت کہ قابل تجدید توانائی، ٹیکنالوجی، ٹیلی کمیونیکیشن، ٹیکسٹائل ءُ کشت ءُ کشاری ءِ شوبگ آنی تہ ءَ کمک ءَ را مزنیں کساسے ءَ گیشی بوتگ، وھدیکہ دو نیمگی تجارت ءِ تہ ءَ گیشی ءِ گنجائش است انت۔ آئی ءَ آیوکیں سال آنی تہ ءَ اے دوئیں نیمگ ءَ چہ نپ چست کنوکیں سیادی آناں گیش مھکم ءُ گیش کنگ ءِ واستہ پاکستان ءِ اے جزم ءِ ھم پدر کت۔
