وفاقی  وزیر داخلہ SCO سروک دیوان ءِ ساھت ءَ ھاسیں دیوان برجم دارگ ءَ انت، دمگی ایمنی ءِ سر ءَ زور پر داتگ، کمک ءَ را مھکم کنگ ءِ سر ءَ زور

بشکیک۔6جون  (اے پی پی): وفاقی وزیر داخلہ محسن نقوی ءَ روس، تاجکستان، ازبکستان، کرغزستان ءُ قازقستان ءِ داخلہ ءِ وزیر آنی گوما بشکیک ءَ مزن تک ءِ گند ءُ نند کت۔ ہجرت ءِ شریں انتظام ءِ ھاتر ءَ ۔ اے موہ ءِ سر ءَ ایس سی او ءِ باسکیں ملک آنی نیام ءَ ناشرکاری، منشیات ءِ سوداگری ءُ ناجائزیں ہجرت ءِ وڑیں یکجائی سیکورٹی چیلنج آناں گر ءُ چیل بوھگ ءِ واستہ گیش بوھوکیں تپاکی ءِ سر ءَ چمشانک دیگ بوت۔ ھاسیں دیمروئی وفاقی وزیر محسن نقوی ءِ گوں روس ءِ تہی کارانی وزیر ولادیمیر کولوکولتسیف ءَ گند ءُ نند ءِ وھد ءَ بوتگ۔ فرینگہ ءَ دوئیں ملک آنی نیام ءَ کمک ءَ را گیش مھکم کنگ ءِ مول ءُ مراد ءَ بازیں ھاسیں معاہدہ آنی سر ءَ دستخط کتگ۔ اے معاہدہ آنی تہ ءَ ناجائزیں مہاجرت ءِ ھلاپ ءَ جنگ ءِ تہ ءَ کمک ءَ را گیش کنگ، ھرچ ملک ءَ ناجائزیں رنگ ءَ نندوکیں شہری آناں وتی ملک ءَ واتر کنگ ءِ رھبند ءَ را گہتر کنگ ءُ منشیات ءِ سوداگری ءُ منشیات ءِ سوداگری ءِ گر ءُ دار ءِ واستہ یکجائی کوشست آناں گیش کنگ ءِ سر ءَ دلگوشی دیگ بوتگ۔ واکداراں اے معاہدہ آناں اسلام آباد ءُ ماسکو ءِ نیام ءَ قانون ءِ نفاذ ءِ مھکمیں کمک ءِ جوڑ کنگ ءِ ھاترا مزنیں گامگیج لیک اتگ۔ تاجکستان ءِ تہی کارانی وزیر رمضان الرحمن زاده ءَ گوں گپ ءُ تران ءِ ساھت ءَ آھاں دمگی ایمنی ءُ اوگانستان ءِ ردوم زوروکیں جاورھالانی ھوالگ ءَ ھیال ءُ لیکہ درشان کتگ اَنت۔ دوئیں وزیراں اوگانستان ءَ ناشرکاریں گل آنی ھست بوھگ ءُ منشیات ءِ گیش بوھگ ءِ سر ءَ جیڈھ ءِ درشانی کتگ ءُ دمگی برجائی ءِ واستہ مزنیں ھترہ لیک اتگ۔ دوئیں نیمگاں اے گپ ءِ سر ءَ تپاک کت کہ اے چیلنج آنی گر ءُ دار ءِ واستہ ھمگرنچیں دمگی گامگیج المی اِنت۔ اے وھد ءَ اوگانستان ءَ 25 جتا جتائیں ناشرکاریں گل ءِ اندازگ اِنت کہ اے گل نہ ایوک ءَ ھمساھگیں ملکاں بلکیں گیشتریں دمگ ءَ ھم ھترہ ءِ آماچ اَنت۔ یک جتاھیں گند ءُ نند ءِ تہ ءَ وفاقی تہی کارانی وزیر محسن نقوی ءَ ازبکستان ءِ تہی کارانی وزیر میجر جنرل عزیز تاشپولاتوف ءَ گوں گند ءُ نند کتگ۔ گند ءُ نند ءِ ساھت ءَ کانود نافذ کنوکیں ادارگ آنی نیام ءَ کمک ءَ را مھکم کنگ، یکجائی تربیتی پروگرام آنی تہ ءَ گیشی ءُ ادارگی کمک ءَ را گیش کنگ ءِ سر ءَ دلگوشی دیگ بوت۔ دوئیں نیمگ ءَ وتی وتی داخلہ ءِ وزارت آنی تہ ءَ یک سرپدیں کارگس ءِ جوڑ کنگ ءِ سر ءَ تپاک کنگ بوت تانکہ برجاھیں کمک ءُ یکجائی گامگیج آنی سر ءَ عمل کنگ ءِ آسراتی بہ بیت۔ محسن نقوی ءَ کرغزستان ءِ تہی کارانی وزیر نازبک اولان اوموخانوویچ ءَ گوں ھم گند ءُ نند کتگ۔ دوئیں رہشون آں وت مہ وتی دلچسپی ءِ شوبگ آنی تہ ءَ کمک ءَ را گیش گہتر کنگ ءِ سر ءَ تپاک کتگ۔ گند ءُ نند ءِ ساھت ءَ محسن نقوی ءَ کرغزستان ءَ را اقوام متحدہ ءِ سلامتی کونسل ءِ غیر دائمی باسک گچین بوھگ ءِ سر ءَ مبارکی دات ءُ شنگھائی کمکی گل ءِ تہی کارانی وزیر آنی گند ءُ نند ءِ سوبمندیں بندوبست ءِ سر ءَ میزبانیں ملک ءِ توسیپ کت۔ آئی ءَ دمگی دیوان ءِ میزبانی ءِ تہ ءَ کرغزستان ءِ سرکار ءِ مہمانداری ءُ تنظیمی کوشست آنی سر ءَ ھم منت گپت۔ قازقستان ءِ تہی کارانی وزیر یرژان صادینوف ءَ گوں گند ءُ نند ءَ محسن نقوی ءَ ناجائزیں امیگریشن ءِ ھلاپ ءَ کمک ءَ را مھکم کنگ ءُ دوئیں ملک آنی کانود نافذ کنوکیں ادارگ آنی نیام ءَ ھمگرنچی ءَ را گہتر کنگ ءِ گامگیج آنی سر ءَ ھیال ءُ لیکہ آنی درشان کت۔ دوئیں وزیر آں وتی وتی وزارت آنی نیام ءَ یک ورکنگ گروپ ءِ جوڑ کنگ ءِ سر ءَ تپاک کتگ تانکہ برجمیں کمک ءَ را دیمروئی دیگ ءُ پیداکیں سیکورٹی چیلنج آناں گیواری کنگ بہ بیت۔ دو نیمگی گند ءُ نند ءِ سلسلہ ءَ چہ میان اُستمانی ءُ جنوبی ایشیا ءِ تہ ءَ سیکورٹی شریکداری ءَ را مھکم کنگ ءِ ھاترا دمگی کوشست آنی تہ ءَ گیشیں کوشست آنی درشان کنگ بیت۔ ناشرکاری، انسانی سوداگری ءُ بے قاعدہ ہجرت ءِ سرا جیڈھ ءِ سبب ءَ دمگی سیکورٹی ءِ ندارگ ءِ جوڑ کنگ ءِ سلسلہ برجاہ انت، ایس سی او ءِ باسکیں ملک استحکام ءِ رکھینگ ءُ سرحد ءِ سرا قانون ءِ نفاذ ءَ را گیش کنگ ءِ ھاتر ءَ ہمگامیں گامگیج ءُ ادارہ جاتی کمک ءِ ھاتر ءَ دیم ءَ چارگ ءَ انت۔ وفاقی وزیر داخلہ محسن نقوی ءِ بشکیک ءَ ھوار بوھگ ءَ پاکستان ءِ کرد ءَ را دمگی گپ ءُ تران ءُ یکجاھیں ایمنی ءُ یکے دومی ءِ جیڑہانی سر ءَ عملی کمک ءَ را دیم ءَ برگ ءِ تہ ءَ مھکم کتگ۔