عیسائی کمیونٹی ءِ ڈل ءَ وفاقی وزیر عطا اللہ تارڑ ءُ اعظم نظیر تارڑ  ءَ گوں گند ءُ نند کتگ، اقلیتانی حق، قانونی اصلاحات ءِ بابت ءَ گپ ءُ تران

اسلام آباد۔4جون  (اے پی پی): عیسائی کمیونٹی ءِ ڈل ءَ وفاقی وزیر ءِ اطلاعات ءُ شنگکاری عطا اللہ ترار ءُ وفاقی وزیر کانود، انصاف ءُ انسانی حقانی اعظم نظیر تارڑ ءَ گوں گند ءُ نند کتگ ءُ اقلیت ءِ حق، کانود اصلاحات ءُ عیسائی کمیونٹی ءِ وشحالی ءِ ھوالگ ءَ جیڈھ آنی سر ءَ تفصیل ءَ گپ ءُ تران کتگ۔ ڈل ءَ اقلیتی کمیونٹیز ءِ حقانی رکھینگ ءِ ھاتر ءَ حکومت ءِ برجاھیں عزم ءِ ستا کرتگ ءُ نوکیں کانود ءِ ھاسیں رنگ ءَ چائلڈ میرج ریسٹرنٹ ایکٹ ءِ وش آتک کتگ۔ ڈل ءَ اقلیت آنی ھک آنی نیشنل کمیشن ءِ وسیلگ ءَ اقلیت آنی رکھینگ ءُ برابری ءِ موہ آنی دیمروئی ءِ واستہ حکومت ءِ کوشست آناں توسیپ کت۔ دیوان ءَ اقلیتی کمیونٹی ءِ دیم ءَ اتکگیں جیڈھ آنی گیواری ءُ ھمگرنچیں کانود ءُ پالیسی آنی وسیلگ ءَ عیسائی کمیونٹی ءِ ضلورت آناں جوانیں رنگ ءَ پیلو کنگ ءِ وڑیں جیڈھ آنی سر ءَ ھم تران کنگ بوت۔ اے گپ ءِ سر ءَ ھم تپاک کنگ بوتگ کہ دیوان ءَ پیش کتگیں سفارشات آنی چار ءُ تپاسی ءِ واستہ گیشیں شور ءُ سلاھ ءِ عمل ءَ را برجاہ دارگ ءُ عیسائی ذاتی کانود ءَ ھوار دگہ جیڈھ آناں گیواری ءِ واستہ موثر میکانزم جوڑ کنگ بہ بیت۔ اے موہ ءِ سر ءَ وفاقی وزیر ءِ اطلاعات ءُ شنگکاری ءَ اقلیت آنی ھک آنی رکھینگ ءِ واستہ حکومت ءِ عزم ءِ سر ءَ زور پر دات ءُ گوشت کہ اقلیت آنی کمیونٹی آنی نمائندگ آنی گوما شور ءُ سلاھ ءَ چہ کانود ءُ سرکاری پالیشی آنی تہ ءَ درستیں شہری آنی ھیال ءُ لیکہ آنی جوانیں رنگ ءَ پیش دارگ ءَ را دل یکیمی کنگ بیت۔ آئی ءَ گوشت کہ حکومت بین المذاہب یکوئی، برابری شہری ءُ یک ھواریں چاگرد ءِ دیمروئی ءِ واستہ جزمیگ انت کہ ایشی ءِ تہ ءَ ھمک پاکستانی راجی دیمروئی ءِ تہ ءَ وتی کرد ءَ بید ءَ پیلو کت کنت۔ وفاقی وزیر قانود ءُ انصاف ءَ مشاورت ءِ عمل ءَ را جامع قانونی ءُ پالیسی اصلاحات ءِ دیمروئی ءِ ھاتر ءَ المی لیک اتگ۔ آئی ءَ گوشت کہ حکومت پاکستان ءِ آئین ءِ رد ءَ توامیں شہری آناں یک وڑیں ھک ءُ یک وڑیں موہ پجاری ءِ واستہ جزمیگ انت۔