سری لنکا ءِ گوما سیاسی، اقتصادی، وانگ ءُ زانگ، دفاعی ءُ راج ءِ نیام ءَ کمک ءِ دیمروئی ءِ ھاترا پابندیں اسحاق ڈار

اسلام آباد۔4جون  (اے پی پی): نائب مزن وزیر ءُ دری کارانی وزیر سر محمد اسحاق ڈار ءَ گوشت کہ پاکستان سری لنکا ءِ گوما وتی دیریں ءُ دوستی ءِ سیادی آناں سک باز ارزشت دنت ءُ دوئیں ملک آنی نیام ءَ سیاسی، اقتصادی، وانگ ءُ زانگ، دفاعی ءُ مردمی کمک ءَ را گیش دیمروئی دیگ ءِ واستہ جزم اِنت۔ درئی کارانی کارگس ءِ رد ءَ آئی ءَ اے ھیالانی درشانی پنچ شمبے ءِ روچ ءَ سری لنکا ءِ نیشنل ڈیفنس کالج ءِ مزن تک ءِ ڈل ءَ گوں وزارت درئی کار ءَ گپ ءُ تران کنان ءَ کت اَنت آ وانگ ءُ زانگ ءِ تر ءُ تاب ءَ پاکستان ءَ اِنت۔ گند ءُ نند ءَ ڈل ءَ را پاکستان ءِ دری پالیشی ، دمگ ءِ دیم ءَ اوشتاتگیں چیلنج ءُ دمگی ءُ جھان ءِ جیڈھ آنی ھوالگ ءَ پاکستان ءِ موقف ءِ بابت ءَ سرجمی ءَ بریفنگ دیگ بوت۔ سر اسحاق ڈار ءَ ڈل ءَ را گہتری ءَ گوں وش آتک کنان ءَ گوشت کہ پاکستان ءِ تر ءُ تاب دو نیمگی سیادی ءَ را مھکم کنگ ءِ نیمگ ءَ مزنیں گامگیج ءِ بیت ءُ آئی ءَ ڈل ءِ کامیابی ءُ وشھالی ءِ واستہ نیکیں واھگ آنی درشان ھم کت۔ نائب مزن وزیر ءَ اے موہ ءِ سر ءَ گوشت کہ پاکستان سری لنکا ءِ گوما وتی دیریں ءُ دوستی ءِ سیادی ءَ را سک باز ارزشت دنت ءُ دوئیں ملک آنی نیام ءَ سیاسی، اقتصادی، وانگ ءُ زانگ، دفاعی ءُ مردمی مردم آنی پڑ ءَ کمک ءَ را گیش دیمروئی دیگ ءِ واستہ جزمیگ اِنت۔ آئی ءَ اے گپ ءِ سر ءَ دل یکیمی ءِ درشان کت کہ اے رنگیں تبادلہ ءِ تر ءُ تاب ءَ چہ دوئیں دوستیں ملک آنی نیام ءَ سیادی گیش مھکم بنت۔