اسلام آباد۔ 03 جون (اے پی پی )چیئرمین سینیٹ سید یوسف رضاگیلانی اٹلی تون پاکستان نا متکن آ و دوستانہ تعلقداری تے پین سوگو کننگ نا عزم انا درشانی ءِ کرسا پارینے کہ ہڑتوم آملک آتا نیام اٹ تعلقداری تین پہ تینی شرف، اسیجائی فائدہ و علاقائی و جہانی امور اٹی کمکاری آ استوار ءِ۔ داہیت ءِ او اٹلی نا 80 می جمہوریہ دے انا وخت آ اڈ ہلوک بیابخیری …
چیئرمین سینیٹ تون اٹالین سفیر نا غیررسمی اوڑدہی، ہڑتوم آملک آتا تعلقداری تے سوگو کننگ نا عزم انا درشان
گیشتریں ھال
اسلام آباد۔ 03 جون (اے پی پی )چیئرمین سینیٹ سید یوسف رضاگیلانی اٹلی تون پاکستان نا متکن آ و دوستانہ تعلقداری تے پین سوگو کننگ نا عزم انا درشانی ءِ کرسا پارینے کہ ہڑتوم آملک آتا نیام اٹ تعلقداری تین پہ تینی شرف، اسیجائی فائدہ و علاقائی و جہانی امور اٹی کمکاری آ استوار ءِ۔ داہیت ءِ او اٹلی نا 80 می جمہوریہ دے انا وخت آ اڈ ہلوک بیابخیری دود اٹی پاکستان اٹی اٹلی نا سفیر مس ماریلینا آرمیلن تون غیررسمی اوڑدہی ٹی پارے۔ سید یوسف رضاگیلانی سینیٹ و پاکستانی الس نا کنڈآن اٹلی نا حکومت و الس ءِ قومی دے انا مبارکبادی پیش کرسا اٹلی ءِ پاکستان نا قابل پت سنگت گوندا۔ اوپارے کہ پاکستان و اٹلی نا نیام اٹ ہڑتوم آ کنڈآتا تعلقداری وخت اتون پین سوگو مسنے و چندی بشخ آتیٹی کمکاری نا پوسکن وارخواہی ودی مننگ ءِ۔ سید یوسف رضاگیلانی پارلیمانی سفارتکاری، واپار و زرکاری نامون آ دننگ نا اہمیت آ زور شاغسا پاکستان نا جی ایس پی پلس سٹیٹس نا بابت اٹلی نا مخ تفی نا ستاءِ کرے۔ اوجان جوڑی، تعلیم و سفائی نا بشخ آتیٹی اٹلی نا شونداری کمکاری ءِ ہم قدر نا قابل گوندا۔ چیئرمین سینیٹ اٹلی نا سفیر ماریلینا آرمیلن نا پاکستان و اٹلی نا نیام اٹ تعلقداری نا مون آ دننگ کن خذمت آتا ستاءِ کرسا دااومیت نا درشانی ءِ کرے کہ ہڑتوم آملک آتا نیام اٹ سنگتی وکمکاری بروک آ سال آتیٹی پین وسعت اختیار کیک۔ دود اٹی چیئرمین سینیٹ یات گاری کیک اس ہم کاٹ کرے و اٹلی نا حکومت و الس کن نیک است خواہی نا درشانی ءِ کرے۔
