ریلوے ءِ وزیر ءَ اٹلی ءِ 80می جمہوریہ ءِ روچ ءِ مراگش ءَ بہر زرتگ ، اٹلی ءِ حکومت ءُ مہلوک ءَ را مبارک بات داتگ

اسلام آباد۔3جون (اے پی پی): ریلوے ءِ وفاقی وزیر محمد حنیف عباسی ءَ اٹلی ءِ 80می جمہوریہ ءِ روچ ءِ مراگش ءَ بہر زرتگ ءُ اٹلی ءِ حکومت ءُ الس ءَ را مبارک بات داتگ۔ ریلوے ءِ وزیر ءَ گوشت کہ پاکستان ءُ اٹلی ءِ دوستی ءِ سیادی وت مہ وتی احترام ءُ کمک ءِ مھکمیں بنیات ءِ سر ءَ جوڑ کنگ بنت۔ آئی ءَ دوئیں ملک آنی نیام ءَ بیپار، سرمایہ کاری ءُ اقتصادی کمک ءِ دیمروئی ءِ ضلورت ءِ سر ءَ زور پر دات۔ پاک اٹلی ءِ سیادی ءَ را مھکم کنگ ءِ واستہ جتا جتائیں پڑ آنی تہ ءَ اٹلی ءِ کمک ءَ را المی لیکگ ءَ محمد حنیف عباسی ءَ گوشت کہ پاکستان اٹلی ءِ گوما دو نیمگی سیادی آناں گیش مھکم کنگ ءِ واھشت مند اِنت۔ آئی ءَ مردم وت مہلوک ءِ رابطہ، دود ءُ ربیدگی تبادلہ ءُ کاروباری شریکداری ءَ را دیمروئی دیگ ءِ ارزشت ءِ سر ءَ زور پر دات ءُ گوشت کہ دوئیں ملک آنی نیام ءَ دوستی آیوکیں وھد ءَ گیش مھکم بیت۔ وفاقی وزیر ءَ مراگش ءِ برجم دارگ ءَ را پاک اٹلی ءِ سیادی ءِ دیمروئی ءِ واستہ جوانیں دیمروئی لیک اتگ۔ آئی ءَ اطالوی سفیر مارلینا آرملین ءِ ازمت آنی ھم ساڑات ءُ آئی ءِ واستہ نیکیں واھگ آنی درشان ھم کت۔ وفاقی وزیر ءَ گوشت کہ پاکستان میاں اوستمانی براتی ءِ گوما جوانیں ءُ جوڑیشت ءِ دیمروئی ءِ واستہ جزمیگ اِنت ءُ اٹلی ءِ گوما سیادی ءَ را گیش مھکم کنگ ءِ واستہ کوشست برجاہ بنت۔