جہانی درجہ ءِ مال برداری ءِ سروس ءَ چہ صنعتی چیزانی ٹرانسپورٹ ءِ آسراتی رس ایت ءُ ہمے رنگ ءَ ریلوے ءِ سالانہ آمدنی ءَ ہم مزنیں کساسے ءَ گیشی بوت کنت، مزن وزیر محمد شہباز شریف

اسلام آباد۔3جون  (اے پی پی): مزن وزیر محمد شہباز شریف ءَ پاکستان ریلوے ءِ دراجیں مدت ءُ برجمیں دیمروئی ءِ واستہ مال برداری ءِ سروس ءِ تہ ءَ سرمایہ کاری ءُ میگا منصوبگ آناں وھد ءِ سر ءَ سرجمی ءِ تہ ءَ سرمایہ کاری ءَ را اولیت دیگ ءِ پنت ءُ شون کتگ ءُ گوشت کہ جھان ءِ درجہ ءِ مال برداری ءِ سروس ءَ چہ صنعتی چیز آنی ٹرانسپورٹ ءَ را آسراتی رس ایت ءُ ھمے رنگ ءَ ریلوے ءِ تہ ءَ سالانہ ءِ تہ ءَ مزنیں کساسے ءَ گیشی بوت کنت۔ آئی ءَ چار شمبے ءِ روچ ءَ پاکستان ریلوے ءَ دیمروئی منصوبگ آنی دیمروئی ءِ ھوالگ ءَ چار ءُ تپاسی دیوان ءَ گوں گشتانک دیگ ءَ ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ریلوے ءَ مسافر آنی آسراتی ءُ ریلوے اسٹیشن آنی گہتری ءِ واستہ ستا کرزیں کار کتگ۔ آئی ءَ پنت ءُ شون کت کہ ریلوے ءِ دراجیں مدت ءُ برجمیں دیمروئی ءِ واستہ مال برداری ءِ سروس ءِ تہا سرمایہ کاری ءُ میگا پروجیکٹ آنی وھد ءِ سر ءَ سرجمی ریلوے ءِ پالیسی ءِ اولیت بہ بنت۔ یک عالمی درجہ ءِ مال برداری سروس صنعتی مصنوعات ءِ نقل و حمل ءِ آسراتی ءِ ہمراہی ءَ ریلوے ءِ سالانہ آمدنی ءَ را مزنیں کساسے ءَ گیش کنت۔ مزن وزیر ءَ پنت ءُ شون کت کہ ریلوے ءِ جاری میگا پراجیکٹس آنی تہ ءَ مالی ءُ ادارگی بندوبست آنی پیسریگیں منظوری ءَ را دل یکیمی کنگ بہ بیت تانکہ منصوبگ آنی سرجمی ءِ تہ ءَ بے وسی ءُ دیر کنگ ءَ چہ رکگ بہ بیت۔ آئی ءَ وفاقی ءُ صوبائی حکومت ءَ را پنت ءُ شون کت کہ آ پاکستان ریلوے ءِ میگا پراجیکٹس ھاسیں رنگ ءَ ایم ایل یک، ایم ایل 3 ءُ تھر کول ریل پروجیکٹ ءِ زوت سرجمی ءِ واستہ کمک ءَ کار بہ کن انت۔ مزن وزیر ءَ گوشت کہ میگا پراجیکٹ آنی کوالٹی ءُ وھد ءِ سر ءَ سرجم کنگ ءَ چہ جوڑیشت ءِ ھرچ ءِ تہ ءَ کمی بوت کنت ایشی ءَ چہ ارزشتی ایں سرمایہ ءِ بچت بوت کنت۔ آئی ءَ گوشت کہ آیوکیں بجٹ ءَ ریلوے ءِ میگا منصوبگ آنی واستہ بجٹ ءِ پجاری دل یکیمی کنگ بیت۔ آئی ءَ گوشت کہ توامیں جاری منصوبگ آنی تہ ءَ جھان ءِ تک ءِ سٹینڈرڈ، انتظامی شفافیت ءُ کارآمد آناں دل یکیمی کنگ حکومت ءِ اولی ترجی اِنت۔ دیوان ءَ ریلوے ءِ وفاقی وزیر محمد حنیف عباسی ءُ سیکرٹری ریلوے ءِ نیمگ ءَ گامگیج ءُ منصوبگ آنی پیشرفت ءِ بابت ءَ سرپدی دیگ بوت، ایشی ءِ تہ ءَ گوشت بوت کہ مال برداری سروس ءِ تہ ءَ اصلاحات ءِ گامگیج آنی سبب ءَ اے سال ءِ جون ءَ تاں 40ارب ءَ تاں راجدپتری آمدنی ءِ گمان اِنت۔ گند ءُ نند ءَ ریلوے ءِ وفاقی وزیر محمد حنیف عباسی، وفاقی وزیر اقتصادی امور احد خان چیما، وفاقی وزیر خزانہ محمد اورنگزیب، منصوبہ بندی ءُ دیمروئی ءِ وفاقی وزیر احسن اقبال، مزن وزیر ءِ سیادی داروکیں مزن وزیر ءِ ھاسیں کمکار صنعت ءُ پیداوار ءِ ہارون اختر  ءُ ایندگر سرکاری کارندہ ساڑی  بوتگ اَنت۔