کاروباری برادری حکومت ءِ منت ءَ گپت کہ آئی ءَ مشکلیں معاشی جاوراں آئی ءِ کمک کتگ، حکومت ءُ نجی شعبہ ءِ نیام ءَ مھکمیں شریکداری معاشی دیمروئی ءِ ضمانت اِنت، مزن وزیر

اسلام آباد۔3جون (اے پی پی): مزن وزیر محمد شہباز شریف ءَ مشکلیں معاشی جاور آنی تہ ءَ حکومت ءِ کمک کنگ ءِ واستہ کاروباری برات آنی شگر ءُ منت گپت ءُ گوشت کہ حکومت ءُ جندی شوبگ ءِ نیام ءَ مھکمیں شریکداری اقتصادی دیمروئی ءِ ضمانت اِنت۔ غیر رسمی معیشت ءَ را ٹیکس نیٹ ءَ آرگ ءِ ھاتر ءَ گامگیج کنگ بوھگ ءَ انت۔ کاروبار دوستیں پالیشی آنی سبب ءَ ملک ءِ معیشت ءِ تہ ءَ استحکام اتکگ ءُ درملکی سرمایہ کار آنی اعتماد ءِ تہ ءَ بحالی بوتگ۔ آئی ءَ اے ھیالانی درشانی ملک ءِ مزنیں صنعت کار ءُ نامداریں کاروباری مردم آنی ڈل ءَ گوں تران کنان ءَ کت ایشاں چار شمبے ءِ روچ ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے گند ءُ نند ملک ءِ سرجمیں اقتصادی دیمروئی ءِ رفتار ءَ را ترند کنگ ءُ مالی سال 2026-27ءِ بجٹ ءِ ھوالگ ءَ کاروباری برات ءَ گوں مشورہ کنگ ءِ رد ءَ بوتگ۔ اے ڈل ءِ تہ ءَ میاں محمد منشا ، عارف حبیب، عاطف باجوہ، محمد علی تبہ، مصدق ذوالقرنین، زیاد بشیر، شہزاد سلیم، زیلاف منیر، عمر سعید، عمر منشا، یوسف سعید، کامران ارشد، خرم مختار ، آصف پیر ، سلطان گوہر اعجاز، فواد انور، ذوالفقار حیات، جاوید اقبال، یوسف حسین، عامر ابراہیم ،خواجہ مسعود اختر اور اعجاز نبی ءِ نام ءَ زانگ بیت۔ مزن وزیر ءَ ڈل ءَ را وش اتک کنان ءَ گوشت کہ شما پاکستان ءِ سفیر ءُ دگنیا ءِ تہ ءَ مئے پجار انت۔ آئی ءَ مشکلیں اقتصادی جاور آنی تہ ءَ حکومت ءِ کمک کنگ ءِ واستہ کاروباری برات آنی شگر ءُ منت گپت ءُ گوشت کہ حکومت ءُ جندی شوبگ ءِ نیام ءَ مھکمیں شریکداری اقتصادی دیمروئی ءِ ضمانت اِنت۔ پاکستان ءِ معیشت ءِ ھوالگ ءَ پالیسی جوڑ کنگ ءِ تہ ءَ کاروباری براتی ءِ گوما شور ءُ سلاھ سک باز ارزشت دار اِنت۔ آئی ءَ گوشت کہ ما برآمدات ءِ بنیاد ءَ دیمروئی ءِ کوشست ءَ آں، ایش مئے اقتصادی پالیشی ءِ محور اِنت۔ غیر رسمی معیشت ءَ را ٹیکس نیٹ ءَ آرگ ءِ ھاتر ءَ گامگیج کنگ بوھگ ءَ انت۔ مہلوک ءَ را ریلیف پجاری ءِ واستہ بجٹ ءِ تہا گامگیج ہوار کنگ بوہگ ءَ انت۔ کاروبار دوستیں پالیشی آنی سبب ءَ ملک ءِ معیشت ءِ تہ ءَ استحکام بوتگ ءُ درملکی سرمایہ کار آنی اعتماد بحال بوتگ۔ آئی ءَ گوشت کہ حکومت ھما صنعت آناں دیمروئی دیگ ءِ واستہ کوشست کنگ ءَ اِنت کہ ایشی ءَ چہ ملکی پیداوار ءَ را گیش کنگ، برآمدات ءَ را گیش کنگ، ءُ گیش روزگار ءِ موہ پیداک کنگ بنت۔ صنعت، زراعت، ءُ انفارمیشن ٹیکنالوجی ءِ شوبگ آنی تہ ءَ دیمروئی ءَ چہ معیشت گیش مھکم بیت ءُ نوکیں روزگار ءِ موہ پیداک بنت۔ ورنا آنی واستہ ٹیکنیکل ءُ پیشہ وارانہ تربیت ءِ پروگرام بندات کنگ بوتگ انت تانکہ آ آسانی ءَ روزگار ءِ شوہاز ءَ بہ کن انت ءُ راجی دیمروئی ءِ تہا سرجمیں کرد ءَ پیلو بہ کن انت۔ ڈل ءَ را کاروبار، صنعت، ءُ تجارت ءِ دیمروئی ءِ ھاتر ءَ سرکاری گامگیج آنی بابت ءَ سرپدی دیگ بوت، ایشی ءِ تہ ءَ ھال دیگ بوت کہ ٹیکس ٹربیونل آنی تہ ءَ ٹیکس ءِ کیس آناں ترندیں رنگ ءَ گیش ءُ گیوار کنگ ءِ واستہ اصلاحات کنگ بوتگ، اے ٹربیونل آنی تہ ءَ یک سکیں شفافیں کارروائی ءِ وسیلگ ءَ بھرتی کنگ بوتگ، یک کمیٹی یے جوڑ کنگ بوتگ کہ ایشی ءِ تہ ءَ کوگریڈٹ ءِ ھاسیں کارروائی ءِ جوڑ کنگ بوتگ۔ ایم 10 ءُ پیپر فریٹ راہداری ءَ چہ کراچی بندرگاہاں چہ اندری رسائی ءَ را گہتر کنگ ءِ ھاترا، ءُ موٹروے ایم 13 (خریان راولپنڈی) ءِ جوڑیشت ءَ چہ لاہور ءُ اسلام آباد ءِ نیام ءَ رابطہ ءَ را گہتر کنگ بیت۔ ایشی ءِ نیام ءَ دوری کم کنگ بیت، پاکستان ریلوے ءِ ایم ایل ون ءُ ایم ایل ٹو ءِ اپ گریڈیشن ءَ چہ ریلوے انفراسٹرکچر ءَ را گہتری کیت، ایشی ءَ چہ تجارتی سامان آنی ٹرانسپورٹ ءَ را گہتری کیت۔ بریفنگ ءِ رد ءَ نیشنل اے آئی ٹرانسفارمیشن پلان جوڑ کنگ بوھگ ءَ انت۔ اے صنعت آنی تہ ءَ ویڈیو اینالیٹکس ءِ ایر کنگ ءَ چہ شکر ءُ سیمنٹ ءِ شوبگ ءَ پیداوار ءِ رد ءَ آمدنی ءَ را گہتری اتکگ۔ ڈل ءَ مزن وزیر ءُ آئی ءِ ٹیم ءَ را خطہ ءَ امن ءِ بحالی ءِ واستہ پاکستان ءِ سفارتی کوشست آنی سر ءَ وشیں رنگ ءَ شگر ءُ منت درشان کت۔ کاروباری رہشون آں مزن وزیر ءِ سروکی ءَ اقتصادی وشھالی ءُ گہتریں مالیاتی انتظامی ءِ سفر ءِ سر ءَ دل یکیمی ءِ درشان کت۔ ڈل ءَ مزن وزیر ءُ آئی ءِ ٹیم ءِ منت گپت کہ آ ملک ءِ معیشت ءَ را راستیں راہ ءَ دیم ءَ برگ ءُ کاروبار ءُ سرمایہ کاری ءِ واستہ جوانیں چاگرد ءِ پجارینگ ءَ انت۔ ڈل ءِ باسک آں ڈیجیٹل ادائیگی ءُ کاگدی معیشت ءِ دیمروئی ءِ حکومت ءِ وژن ءِ توسیپ کت ءُ ٹیکس اصلاحات ءُ کاروبار ءِ آسراتی ءِ دیمروئی ءِ گامگیج آناں وش اتک کت۔ کاروباری رہشون آں صنعت آنی واستہ بجلی ءِ ٹیرف ءَ را کم کنگ، برآمداتی دیمروئی لیوی ءِ ھلاس کنگ ءُ ٹیکس ریفنڈ ءِ وھد ءِ سر ءَ ادائیگی ءِ سر ءَ مزن وزیر ءِ منت واری ءِ درشان کت ءُ آیوکیں بجٹ ءِ تیاری ءَ کاروباری برات ءَ را دل یکیمی ءِ تہ ءَ زورگ ءِ گامگیج ءَ را ساڑات۔ ایشاں مزن وزیر ءَ راجی معشیت ءِ مھکمی ءُ بجٹ ءِ ھوالگ ءَ وتی سوج ءُ پنت ءُ شون پیش کت۔ کاروباری براتی ءَ اقتصادی بحالی ءُ دیمروئی ءِ واستہ حکومت ءِ گوما سرجمیں کمک ءَ را برجاہ دارگ ءِ جزم ءِ درشان کت۔ ڈل ءِ شریکیں مردماں صنعتی دیمروئی، برآمدات ءِ تہ ءَ گیشی ءُ نوکیں روزگار ءِ موہ پیداک کنگ ءِ واستہ حکومت ءِ جزم ءِ توسیپ کت۔ گند ءُ نند ءَ راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین، وفاقی وزیر ءِ کانود ءُ انصاف اعظم نظیر ترار، موسمیاتی بدلی ءِ وفاقی وزیر مصدق ملک، اقتصادی امور ءِ وفاقی وزیر احد خان چیما، وفاقی وزیر ءِ اطلاعات ءُ شنگکاری ءِ وفاقی وزیر طارالہ شالہ ءِ شریک بوتگ۔ فاطمہ، پٹرولیم ءِ وزیر علی پرویز ملک، وفاقی وزیر بجلی ءِ بہر ءُ بانگ سردار اویس احمد لغاری، وزیر خزانہ بلال اظہر کیانی، صنعت ءُ پیداوار ءِ ھاسیں کمکار ہارون اختر خان، اٹارنی جنرل منصور اعوان، گورنر اسٹیٹ بینک ءِ سینئر حکومت ءِ سیادی داروکیں مردم ءُ گورنر اسٹیٹ بینک ءِ سینئر افسر جمیل احمد ءِ نام ءَ زانگ بیت۔