گورنر خیبر پختونخوا ءَ ریلوے ءِ وزیر ءَ گوں گند ءُ نند، وت مہ وتی مفاد ءِ جیڈھ آنی سر ءَ گپ ءُ تران

اسلام آباد۔3جون  (اے پی پی): گورنر خیبر پختونخوا فیصل کریم کنڈی ءَ ریلوے ءِ وفاقی وزیر محمد حنیف عباسی ءَ گوں گند ءُ نند کتگ ایشی ءِ تہ ءَ وت مہ وتی مفاد ءِ جیڈھ، ملک ءِ سرجمیں سیاسی ءُ اقتصادی جاور ھال ءُ راجی جیڈھ آنی گیواری ءِ سر ءَ گپ ءُ تران کتگ۔ فیصل کریم کنڈی ءَ ریلوے ءِ تہ ءَ جاری اصلاحات ءُ گہتری ءِ گامگیج آناں ساڑات ءُ الس ءِ آسراتی ءِ واستہ المی لیک ات۔ آئی ءَ گوشت کہ ریلوے ءِ شوبگ ءَ اصلاحات آنی آسر ءَ تر ءُ تاب ءِ آسراتی گہتر بوھگ ءَ انت ءُ الس ءِ دل یکیمی دوبر جوڑ بوھگ ءَ انت۔ اے موہ ءِ سر ءَ دوئیں سروکاں راجی دیمروئی، نیک راھی ءُ سرکاری ھزمت ءِ دیمروئی ءِ ھاترا وتی جزم ءِ پدا زور دات۔