وزیر مملکت برائے جان سلامتی ءِ ھاتر ءَ گلوبل مینٹل ہیلتھ سمر انسٹیٹیوٹ  ءَ بہر زورگ ءِ ھاتر ءَ امریکہ ءَ سر بوتگ

اسلام آباد۔3جون  (اے پی پی): جان سلامتی ءِ وزیر مملکت ڈاکٹر مختار بھرتھ گلوبل مینٹل ہیلتھ سمر انسٹیٹیوٹ ءَ بہر زورگ ءِ ھاترا امریکہ ءَ سر بوتگ، اودا آئی ءَ واشنگٹن ڈی سی ءِ چائلڈ نیشنل ہسپتال ءِ تر ءُ تاب کتگ۔ اے موہ ءَ آئی ءَ نادراھجاہ ءِ مزن مزنیں کارندہ آں وش آتک کت۔ تر ءُ تاب ءِ ساھت ءَ ڈاکٹر مختار بھرتھ ءَ ہسپتال ءِ کمانڈ سینٹر ءُ شیخ زاید انسٹی ٹیوٹ آف پیڈیاٹرک سرجیکل انوویشن ءِ ہم تر ءُ تاب کتگ۔ آئی ءِ ھمراھی ءَ گلوبل انسٹی ٹیوٹ آف ہیومن ڈویلپمنٹ ءِ بنجاھی کارمستر ڈاکٹر عثمان حمدانی ھم ھوار بوتگ۔ وزیر مملکت ءَ را زھگانی الاج ءِ نوکیں رھبند، ڈیجیٹل ہیلتھ سسٹم، ٹیلی میڈیسن ءُ نوکیں ٹیکنالوجی ءِ وسیلگ ءَ نادراہ آناں پجاری ءِ آسراتی آنی ھوالگ ءَ سرجمیں بریفنگ دیگ بوت۔ اے تر ءُ تاب ءِ موہ ءَ زھگ ءُ نودربر آنی ذہنی جان سلامتی ءِ پڑ ءَ کمک ءِ دیمروئی ءِ ھاترا ھاسیں دیوان ھم برجم دارگ بوت، ایشی ءِ تہ ءَ زوتیں نادراھی ءِ پٹ ءُ پول، یکجاھیں درمان، اسکول ءِ تک ءَ ذہنی جان سلامتی ءِ پروگرام ءُ کمیونٹی ءِ سر ءَ بنیات ءِ سروسز ءِ سر ءَ سرجمیں گپ ءُ تران کنگ بوت۔ ڈاکٹر مختار بھرتھ ءَ گوشت کہ پاکستان ءُ امریکا ءَ زھگ ءُ نوجوان آنی ذھنی جان سلامتی، پٹ ءُ پول ءُ ٹیلیمنٹل جان سلامتی ءِ شوبگ آنی تہ ءَ کمک ءَ را گیش پراھی کنگ ءِ سر ءَ تپاک کتگ۔ ذہنی جان سلامتی ءِ نظام ءِ مھکم کنگ ءِ واستہ تربیتی پروگرام ءُ صلاحیت سازی ءِ گامگیج ھم المی انت۔ آئی ءَ گوشت کہ زھگ آنی ذھنی جان سلامتی ءِ تہ ءَ سرمایہ کاری ملک ءِ چاگردی ءُ اقتصادی باندات ءِ واستہ سک باز المی اِنت، وھدیکہ پاکستان ءَ ذہنی جان سلامتی ءِ نظام ءَ را مھکم کنگ ءِ واستہ راجی ذہنی جان سلامتی پالیسی ءِ دیم ءَ آرگ بوھگ ءَ اِنت۔ وزیر مملکت ءَ اے گپ ءِ سر ءَ زور پر دات کہ جان سلامتی ءِ راجمانی اولویت آنی تہ ءَ ھوار کنگ وھد ءِ ضلورت اِنت۔ آئی ءَ گوشت کہ زھگ ءُ ورنا آنی ذھنی جان سلامتی ءِ دیمروئی ءِ واستہ ھمک رنگ ءِ گامگیج چست کنگ بنت ایشی ءِ تہ ءَ اسکول آنی تہ ءَ مشورہ ءِ آسراتی، استاد آناں تربیت ءُ والدین آنی واستہ سرپدی پروگرام ھوار انت۔ آئی ءَ گوشت کہ زھگ آنی ذھنی جان سلامتی ءِ تہ ءَ سرمایہ کاری یک رژنائیں، ایمن ءُ مھکمیں آیوکیں وھد ءِ ضمانت اِنت ءُ حکومت اے شوبگ ءَ جوانیں ءُ برجمیں اصلاحات ءِ واستہ جزمیگ اِنت۔