اسپیکر قومی اسمبلی نا چوہدری نثار نا بلغڑ ناکزیت آ ہڑزخواہی نا درشان

اسلام آباد۔ 02 جون (اے پی پی ) اسپیکر قومی اسمبلی سردار ایاز صادق مسکوہی بنجائی وزیر داخلہ چوہدری نثار علی خان نا بلغڑ نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی کلہو اٹی اسپیکر سردار ایاز صادق چوہدری نثار علی خان و اونا خاہوت تون ہمدردی  و ہڑزخواہی نا درشانی ءِ کرسا پارے کہ ایماندار نا کزیت خاہوت کن اسہ بے بدل ءُ نسخان اسے۔ اوپارے کہ خاہوت نا بزرگ نا سیخا کاٹم آن ہرفنگ خاہوت کن اسہ گہرا و ناقابلِ فراموش صدمہ اس مریک۔ اسپیکر سردار ایاز صادق پارے کہ او ڈکھیائی نا داساہت اٹی چوہدری نثارعلی خان و اونا خاہوت نا غم اٹی بریبر نا شریک ءِ۔ اودعاکرے کہ اللہ تعالیٰ ایماندار نا خاہوت ءِ دا صدمہ ءِ صبر و استقامت اٹ سگنگ نا توفیق عطاکے۔ اسپیکر قومی اسمبلی سردار ایاز صادق اللہ تعالیٰ آن ایماندار نا بخشش، درجہ غاتا بڑزی و جنت الفردوس اٹی بڑزکو ہند اسے نا دعاہم کرے۔