بنجائی وزیر داخلہ نا نیشنل پولیس اکیڈمی نا دورہ، اپ گریڈیشن پروجیکٹ آ پیش رفت نا جاچ ءِ ہلک، ایلیٹ ٹریننگ اسکو ل اٹی ریپلنگ ٹاور آ 80 درسد ، جاگنگ ٹریک و آبسٹیکلز آ 70 درسد کاریم پورو

اسلام آباد۔ 02 جون (اے پی پی ) نیشنل پولیس اکیڈمی نا اپ گریڈیشن پروجیکٹ آ کاریم ءِ ترند کننگانے وخت اس کہ ایلیٹ ٹریننگ اسکول اٹی ریپلنگ ٹاور آ 80 درسد، جاگنگ ٹریک و آبسٹیکلز آ 70 درسد کاریم ءِ پورو کننگانے۔ سے شنبے نادے آ وزارت داخلہ غان جاری بیان نا رداٹ بنجائی وزیرداخلہ محسن نقوی نیشنل پولیس اکیڈمی نا دورہ ءِ کرے و اپ گریڈیشن پروجیکٹ آ پیش رفت نا جاچ ءِ ہلک ۔ داوخت آ وزیرداخلہ اپ گریڈیشن پروجیکٹ نا بابت جاچ دیوان نا کماشی  ءِ کرے ہراٹی نیشنل پولیس اکیڈمی نا اپ گریڈیشن نا چرجوئی ٹی برجاڈٹ آتیا پیش رفت نا جاچ ءِ ہلنگا۔ دیوان اٹی ایلیٹ اسکول نا سم کاری رینج و باونڈری وال ءِ اِرا تُو اٹی پورو کننگ نا ٹاسک تننگا۔ نیشنل پولیس اکیڈمی ءِ ریسہ وار سولر انرجی آ گدریفنگ نا فیصلہ کننگا۔ دیوان اٹی ایم سی ایم سی کورس آ نظرثانی نا اصولی منظوری ءِ تننگا و غٹ کلاس روم تے پوسکن آئی ٹی آسراتی تیان شُپ کننگ نا پارت کننگا۔ داوخت آ ڈی جی ایف آئی اے، چیئرمین سی ڈی اے، آئی جی اسلام آباد پولیس، ڈپٹی کمانڈنٹ نیشنل پولیس اکیڈمی، ڈپٹی کمشنر اسلام آباد و ایلو بڑزکو آفیسر آک ہم ساڑی ئسر۔