کرک انسٹی ٹیوٹ ءِ پٹ ءُ پول ءِ سروک ءَ گورنر خیبر پختونخوا ءَ گوں گند ءُ نند کتگ ءُ خیبر پختونخوا ءَ تجارت ءُ سرمایہ کاری ءِ موہ آنی بابت ءَ  بریفنگ

اسلام آباد۔2جون  (اے پی پی): اے ڈی بی ءِ چیر دستی ءَ کار کنوکیں کرک انسٹی ٹیوٹ ءِ پٹ ءُ پولی سروک اسلام آباد ءَ گورنر خیبر پختونخوا فیصل  کریم کنڈی ءَ گوں گند ءُ نند کتگ۔ گورنر ہاؤس اسلام آباد ءَ برجم داشتگیں گند ءُ نند ءِ ساھت ءَ ڈاکٹر غلام صمد ءَ گورنر ءَ را دمگی رابطہ، تجارت ءُ سرمایہ کاری ءِ موہ ھاسیں رنگ ءَ خبر پختونخوا ءِ تناظر ءَ ھوالگ ءَ سرجمیں بریفنگ دات۔ گورنر خبر پختونخوا فاسلر کریم کنڈی ءَ دمگی رابطہ ءِ اسٹریٹجک ارزشت ءِ سر ءَ زور پر دات ءُ گوشت کہ دمگی رابطہ ءِ دیمروئی نہ ایوک ءَ خبر پختونخوا ءِ بلکینگ ءَ سرجمیں پاکستان ءِ اقتصادی دیمروئی ءَ را ترند کنگ ءِ واستہ المی کرد پیلو کت کنت۔ آئی ءَ تجارتی سیادی آناں مھکم کنگ، کشت ءُ کشاری پیداواری ءِ تہ ءَ گہتری، بنیاتی ڈھانچہ ءِ دیمروئی ءُ سرمایہ کاری ءِ سر ءَ زور پر دات۔ گورنر فیصل کریم کندی ءَ گوشت کہ سرکاری ادارگ، نجی شعبہ ءُ دیمروئی شریک آنی نیام ءَ یک ھمگرنچیں حکمت عملی ءِ وسیلگ ءَ صوبگ ءِ سرجمیں اقتصادی توانائی ءَ را کارمرد کنگ بوت کنت۔ خیبر پختونخوا تجارت، سرمایہ کاری ءُ صنعتی دیمروئی ءِ مرکز ءِ رنگ ءَ ابھر بوھگ ءَ پاکستان ءِ دراجیں مدتی اقتصادی وشھالی ءُ دمگی کمک ءِ مول ءُ مراد آنی سرجمی ءِ تہ ءَ مزنیں کرد پیلو کنت۔ دیوان ءَ اے گپ ءِ سر ءَ تپاک کنگ بوت کہ دمگی رابطہ کاری ءِ دیمروئی ایوک ءَ بنیاتی ڈھانچہ ءِ جوڑ کنگ ءَ گوں بندوک نہ اِنت بلکیں اے یک جامع اقتصادی دیمروئی ءِ حکمت عملی اِنت۔ فرانکا ءَ اے گپ ءِ پدا زور دات کہ خیبر پختونخوا وتی جغرافیائی ارزشت ءَ چہ سیت چست کنگ ءَ پاکستان ءَ را دمگی مارکیٹ آنی گوما ھمگرنچ کنگ، اقتصادی یکوئی ءَ را دیمروئی دیگ، سرمایہ کاری ءِ نوکیں موہ پیداک کنگ ءُ ھواریں اقتصادی دیمروئی ءِ ھاترا کلیدی کرد پیلو کنت۔