پاکستان ءُ آسٹریا ءِ میاں اوستمانی یک روچی سیریز میچ ءِ واستہ فول پروف سیکورٹی بندوبست سرجم

لاہور۔2جون  (اے پی پی): پاکستان ءُ آسٹریلیا ءِ نیام ءَ میاں اوستمانی یک روچی سیریز میچ ءِ موہ ءَ پنجاب پولیس ءَ قذافی اسٹیڈیم لاہور، ٹیم کوارٹر، روٹ ءُ اے دگہ ھاسیں جاھاں فول پروف سیکورٹی بندوبست سرجم کتگ انت۔ آئی جی پنجاب عبدالکریم ءَ سیادی داروکیں افسراں پنت ءُ شون کتگ کہ آ کھڈکار، میچ ءِ کارندہ، کرکٹ شوقین ءُ شہری آں سرجمی ءَ سیکورٹی بہ کن انت ءُ ہر رنگ ءَ درستیں بندوبستاں کارآمد بہ کن انت۔ پنجاب پولیس ءِ جارکش ءِ رد ءَ میچ ءِ سیکورٹی ءِ واستہ ایس پی، ایس ڈی پی او، ایس ایچ او آنی کمانڈ ءِ چیر دستی ءَ 8ہزار ءَ چہ گیش پولیس افسر ءُ کارندہ ایر کنگ بنت کہ آ اسٹیڈیم، ٹیم آنی نندگ جاہ، روٹ ءُ دگہ ھاسیں جاھاں وتی زمہ واری ءَ پیلو کن اَنت۔ آئی جی پنجاب عبدالکریم ءَ ڈی آئی جی آپریشن لاہور ءَ را پنت ءُ شون کتگ کہ آ ٹیم، میچ ءِ کارندہ ءُ کرکٹ ءِ شائقین ءِ سیکورٹی ءِ ہمراہی ءَ ٹریفک ءِ روانی ءَ را دل یکیمی بہ کنت۔ آئی ءَ گوشت کہ استیں سیکورٹی جاور آنی رد ءَ ٹیم آنی راہ، نندگ جاہ ءُ قذافی اسٹیڈیم ءِ کش ءُ گور ءَ سیکورٹی ءِ گامگیج گیش تنگ کنگ بنت۔ آئی ءَ پنت ءُ شون کت کہ میچ ءِ وھد ءَ ڈالفن اسکواڈ، پولیس ریسپانس یونٹ ءُ ایئر فورس ءِ گشت ءُ گشت ءَ را گیش کنگ بہ بیت۔ آئی جی پنجاب ءَ پولیس ءِ مزنیں افسراں ھم پنت ءُ شون کتگ کہ آ میچ ءَ پیسر سیکورٹی ءُ ٹریفک ءِ سرجمیں بندوبست آنی سر ءَ ذاتی رنگ ءَ چار ءُ تپاسی بہ کن اَنت۔ پنجاب پولیس ءِ جارکش ءِ رد ءَ کارجاہ، سفری راہ ءُ اسٹیڈیم ءِ کش ءُ گور ءَ سی سی ٹی وی کیمرہ ءِ وسیلگ ءَ مدام نگرانی کنگ بوھگ ءَ اِنت وھدیکہ ٹیم آنی راہ، بُرزیں ماڑی، اسٹیڈیم ءُ حساسیں جاھاں ھم اسنائپر ایر کنگ بنت۔ آئی جی پنجاب ءَ سرجمیں پولیس افسر ءُ مردین آناں پنت ءُ شون کتگ کہ آ ہشیار بہ بنت ءُ شرارتی عناصر ءِ سرا نزیکیں نگرانی ءَ بہ کن انت۔ آئی ءَ گوشت کہ شائقین آناں سئے درجہ ءِ سیکورٹی باڑ ءُ جامع چیک ءِ پد ءَ اسٹیڈیم ءَ داخل بوھگ ءِ اجازت دیگ بیت۔ آئی ءَ پولیس ءِ کارندہ آناں شہری ءُ کرکٹ ءِ شائقین آنی گوما شائستگی ءِ گوما برداشت کنگ ءِ پنت ءُ شون کتگ۔