لس مھلوک ءَ را جوانیں، ایمن، آرام ءُ وھد ءِ سر ءَ سفری آسراتی ءِ پجارینگ پاکستان ریلوے ءِ اولی ترجی اِنت، محمد حنیف عباسی

اسلام آباد۔1جون  (اے پی پی): ریلوے ءِ وفاقی وزیر محمد حنیف عباسی ءَ گوشت کہ الس ءَ را جوانیں، ایمن، آرام دہ ءُ وھد ءِ سر ءَ سفری آسراتی پجاری کنگ پاکستان ریلوے ءِ اولی ترجی اِنت، وھدیکہ ریلوے ءِ نظام ءَ را نوکیں، کارآمد ءُ الس ءِ ضلورت آنی گوما ھمگرنچ جوڑ کنگ ءِ واستہ درستیں دستیابیں وسیلگ آناں کارمرد کنگ بیت۔ وزارت ریلوے ءِ میڈیا کارگس ءِ رد ءَ وفاقی وزیر ءِ سروکی ءَ پاکستان ریلوے ءَ یک ھاسیں دیوان ءِ برجم دارگ بوت ایشی ءِ تہ ءَ ریلوے آپریشن، برجاھیں اصلاحات ءِ گامگیج ءُ تنظیم ءِ سرجمیں کارکردگی ءِ سر ءَ سرجمیں چار ءُ تپاسی کنگ بوت۔ گند ءُ نند ءَ سیادی داروکیں افسر آں ریلوے ءِ جتا جتائیں محکمہ آنی کارکردگی ءِ بابت ءَ بریفنگ دات، وھدیکہ ریلوے آپریشن ءَ را گیش فعال، منظم ءُ موثر جوڑ کنگ ءِ ھوالگ ءَ جتا جتائیں جیڈھ آنی سر ءَ سرجمی ءَ ھیال ءُ لیکہ کنگ بوت۔ اے موہ ءِ سر ءَ مسافر آناں آسراتی دیگ، سفر ءِ کوالٹی ءَ را گہتر کنگ ءُ ریلوے ءِ ازمت آناں نوکیں لوٹ آنی گوما ھمگرنچ جوڑ کنگ ءِ واستہ جتا جتائیں سوج آنی سر ءَ ھم چار ءُ تپاسی کنگ بوت۔ گند ءُ نند ءَ پاکستان ریلوے ءِ کارکردگی ءَ را گیش کنگ ءِ جتاجتائیں تک ءُ پھنات آنی سر ءَ ھم چار ءُ تپاسی کنگ بوت، جاری دیمروئی منصوبگ ءُ آیوکیں منصوبگ آنی سر ءَ پیشرفت ءِ سر ءَ ھم چار ءُ تپاسی کنگ بوت۔ وفاقی وزیر ءَ سیادی داروکیں افسر آناں پنت ءُ شون کت کہ آ جاری منصوبگ آنی رفتار ءَ را ترند بہ کن اَنت ءُ ایر کتگیں ٹارگٹ آنی وھد ءِ سر ءَ سرجم بہ کن اَنت۔ ادارگ ءِ کارکردگی ءِ تہ ءَ مدام گہتری ءِ ضلورت ءِ سر ءَ زور پر دیان ءَ محمد حنیف عباسی ءَ گوشت کہ ریلوے ءِ نظام ءَ را نوکیں، کارآمد ءُ السی لوٹ آنی رد ءَ جوڑ کنگ ءِ واستہ توامیں دستیابیں وسیلگ آناں کارمرد کنگ بیت۔ آئی ءَ افسر آناں ھم پنت ءُ شون کت کہ آ کارکردگی ءَ را گیش گہتر کنگ ءُ السی شکایت آناں زوت گیواری ءِ واستہ موثر گامگیج بہ زور اَنت۔ گند ءُ نند ءَ انتظامی، آپریشنل ءُ دیمروئی ءِ جیڈھ آنی سر ءَ سرجمی ءَ گپ ءُ تران کنگ بوت، وھدیکہ ریلوے ءِ وفاقی وزیر ءَ راج دوست ءُ موثر ریلوے نظام ءِ جوڑیشت ءِ واستہ وتی جزم ءِ پدا زور دات ءُ گوشت کہ پاکستان ریلوے ءِ گہتری ءُ مسافر آنی آسراتی ءِ واستہ ہر ممکن گامگیج چست کنگ بیت۔